Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ລັດຖະມົນຕີ ປກສ ຕ້ອນຮັບການເຂົ້າຢ້ຽມຂໍ່ານັບ ຂອງເອກອັກຄະລັດຖະທູດສະຫະລັດອາລັບເອມີເລດ

-

ພົທ ວິໄລ ຫຼ້າຄໍາຟອງ ລັດຖະມົນຕີກະຊວງປ້ອງກັນຄວາມສະຫງົບ ສປປ ລາວ ໄດ້ຕ້ອນຮັບການເຂົ້າຢ້ຽມ ຂໍ່ານັບຂອງ ທ່ານ ໂອເບດ ຊາອິບິນ ທຣາເຮດ ອໍດາເຮີລີ ເອກອັກຄະລັດຖະທູດແຫ່ງສະຫະລັດອາລັບ ເອມີເລດ ປະຈໍາ ສປປ ລາວ ທີ່ມີສໍານັກງານຕັ້ງຢູ່ນະຄອນຫຼວງຮ່າໂນຍ ສສ ຫວຽດນາມ ພ້ອມຄະນະ. ໃນວັນທີ 17 ພຶດສະພາ 2019 ເນື່ອງໃນໂອກາດທີ່ທ່ານເດີ່ນທາງມາຢືນສານຕາຕັ້ງຕໍ່ປະທານປະເທດ ແຫ່ງ ສປປ ລາວ ທີ່ໄດ້ຮັບຕໍາແໜ່ງ ເປັນເອກອັກ ຄະລັດຖະທູດແຫ່ງສະຫະລັດອາລັບ ເອມີເລດ ປະຈໍາ ສປປ ລາວ ຄົນໃໝ່.

ໃນໂອກາດເຂົ້າຢ້ຽມຂໍານັບ ຄັ້ງນີ້, ທ່ານເອກອັກຄະລັດຖະທູດແຫ່ງສະຫະລັດອາລັບ ເອມີເລດ ກ່າວສະແດງ ຄວາມຂອບໃຈເປັນຢ່າງສູງຕໍ່ລັດຖະມົນຕີກະຊວງປ້ອງກັນຄວາມສະຫງົບລາວ ພ້ອມຄະນະ ທີ່ໄດ້ໃຫ້ກຽດອັນສູງສົ່ງ ແລະ ສະຫຼະເວລາອັນມີຄ່າໃນການຕ້ອນຮັບຢ່າງອົນອຸ່ນ.

 ການມາຢ້ຽມຢາມ ແລະ ເຮັດວຽກຂອງຂ້າພະເຈົ້າຄັ້ງນີ້ເປັນຄັ້ງທໍາອິດ ສະນັ້ນ, ຂ້າພະເຈົ້າຄິດວ່າຍັງມີຫຼາຍ ບັນຫາທີ່ຂ້າພະເຈົ້າຈະໄດ້ມີການສຶກສາຮຽນຮູ້ ໂດຍສະເພາະແມ່ນວັດທະນະທໍາ, ຮິດຄອງປະເພນີ ແລະ ວິທີການດໍາລົງ ຊີວິດຂອງປະຊາຊົນລາວ.

ພ້ອມນັ້ນ, ທ່ານເອກອັກຄະລັດຖະທູດແຫ່ງສະຫະລັດອາລັບ ເອມີເລດ ຍັງໄດ້ນໍາສະເໜີບັນຫາຕ່າງໆ ເພື່ອ ຈະສ້າງແນວທາງນະໂຍບາຍ ແລະ ສາຍສໍາພັນອັນດີງາມຂອງປະເທດລາວ ແລະ ສະຫະລັດອາລັບ ເອມີເລດ ໃນຕໍ່ໜ້າ ເປັນຕົ້ນ: ການຍົກເວັ້ນວິຊາຕໍ່ປະຊາຊົນຂອງສະຫະລັດອາລັບ ເອມີເລດ ທີ່ເຂົ້າມາທ່ອງທ່ຽວຢູ່ ສປປ ລາວ, ດ້ານການຄ້າ ແລະ ການລົງ, ການສະໜອງຂໍ້ມູນກ່ຽວກັບຄົນອາລັບມາທ່ອງທ່ຽວຢູ່ ສປປ ລາວໃຫ້ປະເທດອາລັບໄດ້ຮັບຮູ້ ແລະ ເຊີນລັດຖະມົນຕີກະຊວງປ້ອງກັນຄວາມສະຫງົບລາວໄປຢ້ຽມຢາມສະຫະລັດ ອາລັບ ເອມີເລດ ເພື່ອເປັນການແລກປ່ຽນ ບົດຮຽນ ແລະ ສ້າງສາຍສໍາພັນອັນດີງາມຮ່ວມກັນ.

ພົທ ວິໄລ ຫຼ້າຄໍາຟອງ ກ່າວສະແດງຄວາມຂອບໃຈເປັນຢ່າງສູງຕໍ່ການເຂົ້າມາຢ້ຽມ ຂໍນັບຂອງທ່ານເອກອັກຄະ ລັດຖະທູດ ແຫ່ງສະຫະລັດ ອາລັບ ເອມີເລດ ພ້ອມຄະນະ ໃນຄັ້ງນີ້ ແລະ ຄິດວ່າການມາເຮັດວຽກຂອງທ່ານໃນຄັ້ງນີ້ ຈະເຮັດໃຫ້ການສ້າງສາຍສໍາພັນຂອງສອງປະເທດເຮົາສະນິດແໜ້ນຂຶ້ນເປັນກ້າວ. ພ້ອມນັ້ນ, ທ່ານລັດຖະມົນຕີກໍ່ໄດ້ກ່າວ ສະແດງຄວາມເຫັນດີເປັນຢ່າງສູງ ຕໍ່ການນໍາສະສະເໜີຂອງແຕ່ລະວຽກງານ ເພື່ອແລກປ່ຽນສ້າງແນວທາງນະໂຍບາຍ ຮ່ວມກັນ ແລະ ຈະນໍາເອົາແຕ່ລະວຽກງານທີ່ທ່ານສະເໜີມານັ້ນໄປປືກສາຫາລືກັບພາກສ່ວນທີ່ກ່ຽວຂ້ອງໂດຍໄວ້.

ໃນໂອການນີ້, ທ່ານລັດຖະມົນຕີ ກໍໄດ້ລາຍງານກ່ຽວກັບວັດທະນະທໍາ, ຮິດຄອງປະເພນີ, ວິຖີການດໍາລົງຊີວິດ ຂອງປະຊາຊົນລາວ ໃຫ້ທ່ານເອກະອັກຄະລັດຖະທູດຮັບຊາບຕື່ມອິກ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ