ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
     
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 

ເຜີຍແຜ່ບົດແນະນໍາກ່ຽວກັບການຄັດເລືອກຜົນງານ-ຍ້ອງຍໍ
ຂອງບຸກຄົນ-ກົມກອງລວມໝູ່

ກະຊວງ ປກສ ໄດ້ຈັດກອງປະຊຸມເຜີຍແຜ່ບົດແນະນໍາກ່ຽວກັບການຄັດເລືອກຜົນງານ-ຍ້ອງຍໍຂອງ ບຸກຄົນ ແລະ ກົມກອງລວມໝູ່ ເພື່ອຂໍານັບຮັບຕ້ອນວັນສໍາຄັນປະຫວັດສາດຂຶ້ນໃນວັນທີ 12 ພຶດສະພາ 2015 ເພື່ອ ເຮັດໃຫ້ບັນດາຕົວແບບທີ່ດີເດັ່ນສາມາດເສີມຂະຫຍາຍບົດຮຽນຂອງຕົນໃຫ້ຜູ້ອື່ນນໍາໄປຈັດຕັ້ງ ຜັນຂະຫຍາຍ ໃຫ້ມີປະສິດທິຜົນ ແລະມີປະສິດທິພາບດີຂຶ້ນກວ່າເກົ່າໂດຍການເປັນປະທານຂອງ ພົຈວ ກົງທອງ ພົງວີຈິດ ລັດຖະມົນຕີຊ່ວຍວ່າການກະຊວງ ປກສ ມີບັນດາຫົວໜ້າກົມໃຫຍ່, ຫົວໜ້າ, ຮອງກົມ ອ້ອມຂ້າງກະຊວງ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມ, ພົຈວກົງທອງພົງວິຈິດກ່າວວ່າ: ເພື່ອເປັນການຈັດຕັ້ງປະຕິບັດຄໍາແນະນໍາຂອງ ທ່ານ ຮັກສາການລັດຖະມົນຕີກະຊວງ ປກສ ໃຫ້ປະກົດຜົນ ເປັນຈິງມີຄວາມເປັນເອກະພາບ ໃນຂອບເຂດທົ່ວ ກຳລັງປ້ອງກັນຄວາມສະຫງົບໃຫ້ຖືກຕ້ອງສອດຄ່ອງກັບຜົນງານຕົວຈິງຂອງບຸກຄົນແລະກົມກອງ ລວມໝູ່ ທີ່ໄດ້ປະກອບສ່ວນເຫື່ອແຮງໃນພາລະກິດປົກປັກຮັກສາແລະພັດທະນາປະເທດຊາດໃນໄລຍະຜ່ານມາ, ສະນັ້ນ, ທ່ານຮັກສາການລັດຖະມົນຕີກະຊວງປກສຜູ້ຊີ້ນໍາວຽກງານແຂ່ງຂັນ-ຍ້ອງຍໍຮັກຊາດ ແລະ ພັດທະນາ ຈຶ່ງໄດ້ອອກແຈ້ງການແນະນໍາດັ່ງກ່າວເພື່ອເຮັດໃຫ້ການຄັດເລືອກຜົນງານໃນ ການຈັດຕັ້ງປະຕິບັດ ຂະບວນ ການແຂ່ງຂັນຍ້ອງຍໍຕາມຄໍາຂວັນຮັກຊາດແລະພັດທະນາຕິດພັນກັບຂະບວນການວຽກງານ  3ສ້າງໃຫ້ຖືກ ຕ້ອງຕາ ຂັ້ນຕອນ ແລະ ຮັບປະກັນໃຫ້ການຍ້ອງຍໍຖືກຕ້ອງຕາມຜົນງານຕົວຈິງຂອງບຸກຄົນ ແລະ ກົມກອງ ລວມໝູ່.

ບັນດາເປົ້າໝາຍທີ່ຈະໄດ້ຮັບການຍ້ອງຍໍຄື: ພະນັກງານ-ນັກຮົບທີ່ມີອາຍຸການປະຕິວັດ 5 ປີຂຶ້ນໄປ ແມ່ນຍ້ອງຍໍບຸກຄົນ; ບັນດາກົມໃຫຍ່, ຫ້ອງວ່າການກະຊວງ, ກົມ, ກອງບັນຊາການ, ວິທະຍາຄານ, ບໍລິສັດ, ປກສນະຄອນຫລວງ, ບັນດາປກສແຂວງ ແລະ ປກສ ເມືອງ ໃນຂອບເຂດທົ່ວປະເທດແມ່ນໃຫ້ຍ້ອງຍໍ ກົມກອງລວມໝູ່. ເຊິ່ງມີ 2 ລະດັບການຍ້ອງຍໍຄື: ຍ້ອງຍໍຂັ້ນສູນກາງມີຫລຽນນາມມະຍົດວິລະຊົນແຮງງານ ແຫ່ງຊາດ, ຫລຽນນາມມະຍົດພັດທະນາດີເດັ່ນແຫ່ງຊາດ, ຫລຽນໄຊອິດສະຫລະຊັ້ນ I, ຊັ້ນ II, ຊັ້ນ III, ຫລຽນໄຊແຮງງານຊັ້ນ I, ຊັ້ນ II, ຊັ້ນ III, ຫລຽນກາແຮງງານ, ໃບຍ້ອງຍໍລັດຖະບານ. ສໍາລັບຫລຽນໄຊ ອິດສະຫລະຊັ້ນ I, ຊັ້ນ II, ຊັ້ນ III ແມ່ນປະດັບໃຫ້ສະເພາະບັນດາບຸກຄົນ ແລະ ກົມກອງລວມໝູ່ທີ່ຍັງ ບໍ່ ໄດ້ຮັບການຍ້ອງຍໍຜົນງານ ວັນຊາດຄົບຮອບ 30 ປີ ( 1975-2005 ) ເທົ່ານັ້ນ. ຍ້ອງຍໍຂັ້ນກະຊວງມີ: ໃບຍ້ອງຍໍກະຊວງ, ໃບຍ້ອງຍໍກົມໃຫຍ່ແລະໃບຍ້ອງຍໍປກສແຂວງ.

ຜ່ານການຄັດເລືອກຜົນງານ ຄັ້ງນີ້ສາມາດຊອກໃຫ້ເຫັນໄດ້ວຽກດີຄົນເດັ່ນອັນແທ້ຈິງ, ສ້າງໃຫ້ໄດ້ບັນຍາກາດ ຟົດຟື້ນປປະຕິວັດແຂງແຮງກວ່າເກົ່າແລະຈະເຮັດໃຫ້ວຽກງານແຂ່ງຂັນ-ຍ້ອງຍໍມີຄຸນນະພາບໃໝ່ທີ່ດີກວ່າເກົ່າ.

 

 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ