ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ປັບປຸງແບບແຜນບັນຊາຮົບທຸກຂັ້ນ ກຽມພ້ອມປ້ອງກັນ 24 ຊົ່ວໂມງ

   ໃນສົກປີ 2015 ນີ້, ກອງບັນຊາການປ້ອງກັນສູນກາງ ກະຊວງ ປກສ ມີແຜນຈະປັບປຸງແບບແຜນ ການຊີ້ນໍາ-ບັນຊາສູ້ຮົບແຕ່ລະ ຂັ້ນໃຫ້ມີຄວາມເຂັ້ມແຂງ, ສອດຄ່ອງກັບສະພາບຕົວຈິງ, ດ້ານພາຫະນະ, ຍຸດໂທປະກອນ, ເອເລັກໂຕນິກ ໃຫ້ຢູ່ໃນທ່າກຽມ ພ້ອມປ້ອງກັນເວນຍາມໄດ້ຕະຫຼອດ 24 ຊົ່ວໂມງ.

  ທ່ານ ພົຈວ ອີນປົງ ຄຸດທະຄົມ ຫົວໜ້າກອງບັນຊາການປ້ອງກັນສູນກາງ ກ່າວໃນກອງປະຊຸມສະຫຼຸບວຽກ ງານປ້ອງກັນສູນກາງ ປະຈໍາສົກປີ 2013-2014. ທີ່ຈັດຂື້ນໃນວັນທີ 6 ກຸມພາ 2015 ວ່າ: ກອງບັນຊາ ການປ້ອງກັນສູນກາງ ຈະປັບປຸງບັນດາ ກອງຮ້ອຍສູ້ຮົບທຸກຂັ້ນ ໃຫ້ມີແຜນການຊີ້ນໍາ-ບັນຊາ ໃນການປ້ອງ ກັນ, ສູ້ຮົບຢ່າງລະອຽດ ແລະ ໄຕຕອງຢ່າງຖີ່ຖ້ວນໃນການ ສະກັດກັ້ນ-ແກ້ໄຂທຸກກໍລະນີສຸກເສີນ ໃນຊິບເວນ ປະຈໍາການ, ຕ້ອງມີຄວາມເດັດຂາດໝັ້ນໃຈ, ຮັບປະກັນໄດ້ຄວາມສະຫງົບ, ຄວາມປອດໄພຮອບດ້ານ ໃຫ້ແກ່ ເປົ້າໝາຍໃນຂອບເຂດຄວາມຮັບຜິດຊອບຂອງຕົນ, ມີການກຽມຄວາມພ້ອມທາງດ້ານກໍາລັງ, ພາຫະນະຮັບໃຊ້, ຍຸດໂທປະກອນ, ເອເລັກໂຕນິກ ໃຫ້ມີຄວາມພ້ອມຕະຫຼອດ 24 ຊົ່ວໂມງ, ມີການປະສານສົມທົບກັບກົມກອງ ວິຊາສະເພາະທີ່ກ່ຽວຂ້ອງ ໃນການກໍາແໜ້ນເປົ້າໝາຍທີ່ເຄື່ອນໄຫວບໍ່ດີ ພ້ອມທັງແກ້ໄຂໃຫ້ໄດ້ຢ່າງເດັດຂາດ . ນອກຈາກນັ້ນ, ຍັງຈະໄດ້ມີການເພີ່ມທະວີສືກສາອົບຮົມການເມືອງ-ແນວຄິດ ຮັບປະກັນເຮັດໃຫ້ພາຍໃນມີ ຄວາມສະຫງົບ, ມີຄວາມສາມັກຄີເປັນ ເອກະພາບ, ມີຫຼັກໝັ້ນອຸດົມການ, ມີຄວາມຈົ່ງຮັກພັກດີ, ດໍາລົງຊີວິດ ປອດໃສຂ່າວສະອາດ. ຄຽງຄູ່ກັນນັ້ນ, ຍັງຈະໄດ້ເອົາໃຈໃສ ປະຕິບັດນະໂຍບາຍຕໍ່ພະນັກງານ-ນັກຮົບ ດ້ານ ການບໍາລຸງກໍ່ສ້າງ, ການຍົກຍ້າຍ, ການເລື່ອຊັ້ນ, ເລື່ອນຕໍາແໜ່ງ, ການຍ້ອງຍໍ, ການລົງວິໃນ ຕໍ່ພະນັກງານ-ນັກຮົບ, ປັບປຸງແບບແຜນວິທີນໍາພາໜ່ວຍພັກໃຫ້ເປັນກໍາລັງແຮງໃນການຂັບເຄື່ອນທິດທາງແຜນ ການທີ່ວາງ ອອກ ໃຫ້ບັນລຸເປົ້າໝາຍຕາມວຽກງານການກໍ່ສ້າງໜ່ວຍພັກແຂງ-ຮູ້ນໍາພາຮອບດ້ານ ຢ່າງມີຄຸນນະພາບ.

  ກອງປະຊຸມດັ່ງກ່າວນີ້, ໄດ້ມີການສະຫຼຸບຜົນຂອງການເຄື່ອນໄຫວວຽກງານໃນສົກປີ 2013-2014 ແລະ ວາງທິດທາງ ສົກປີ 2014-2015. ຜ່ານມາ (2013-2014) ກອງບັນຊາການປ້ອງກັນສູນກາງ ກໍໄດ້ມີການ ປະສານງານກັບຫຼາຍກົມກອງວິຊາສະເພາະ ໃນການຕິດຕາມສະພາບການເຄື່ອນ ໄຫວຂອງກົມຄົນບໍດີ, ມີການປັບປຸງຢ່າງຕໍ່ເນື່ອງ ໃນທົ່ວກົມກອງ, ຖັນແຖວພະນັກງານ-ນັກຮົບ ທາງດ້ານການເມືອງ-ແນວຄິດ, ທາງດ້ານການຈັດຕັ້ງ, ດ້ານວຽກງານວິຊາສະເພາະ ແລະ ສ້າງໃຫ້ພະນັກງານມີຄວາມ ບໍລິສຸດສັດຊື່ຕໍ່ໜ້າ ທີ່ວິຊາສະເພາະ ຈົນໄດ້ຮັບຄວາມໄວ້ວາງໃຈຈາກພັກ-ລັດ ມອບໝາຍໃຫ້ປະຕິບັດໜ້າທີ່ຫຼາຍດ້ານຢ່າງ ປະສົບ ຜົນສໍາເລັດຕາມລະດັບຄາດໝາຍ.

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ