ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ຍົກລະດັບຄວາມຮູ້ການສຳຫຼວດພົນລະເມືອງ ແລະ ທີ່ຢູ່ອາໄສໃຫ້ກຳລັງ ປກສ ຄັ້ງທີ VI

ກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ( ກົມ 509 ) ກະຊວງ ປກສ ໄດ້ຈັດພິທີຝຶກອົບ ຮົມການສໍາຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ IV ປະຈໍາປີ 2015 ຂຶ້ນໃນວັນທີ 3 ກຸມພານີ້, ເພື່ອຍົກລະດັບຄວາມຮູ້-ຄວາມ ສາມາດ ແລະ ຄວາມເຂົ້າໃຈຂອງ ນັກເດີນສໍາຫຼວດ-ນັກກວດກາ ພົນລະເມືອງ ແລະ ທີ່ຢູ່ອາໄສຂອງ ກໍາລັງ ປກສ ໃຫ້ມີປະສິດທິຜົນ ສູງຂຶ້ນ; ໃຫ້ກຽດເຂົ້າຮ່ວມໂດຍ ພົຈວ ສິນທະວົງ ໄຊຍະກອນ ລັດ ຖະມົນຕີຊ່ວຍວ່າການກະຊວງ ປກສ ຫົວໜ້າຄະນະຊີ້ນໍາວຽກງານສໍາຫຼວດພົນລະເມືອງ ແລະ ທີ່ຢູ່ອາໄສຂອງກໍາລັງ ປກສ .

ພັທ ໜູໃບ ອິນທິສານ ຮອງ ຫົວໜ້າກົມ 509 ຫົວໜ້າກອງເລ ຂາສໍາຫຼວດພົນລະເມືອງກໍາລັງ ປກສ ກ່າວວ່າ:  ການຝຶກອົບຮົມໃນ ຄັ້ງນີ້ຈະດໍາເນີນເປັນເວລາ 4 ວັນ ( 3-6 ກຸມພາ 2015 ) ເຊິ່ງມີນັກ ສໍາມະນາກອນມາຈາກກົມກອງ ອ້ອມຂ້າງກະຊວງ ແລະ ປກສ ນະຄອນຫຼວງ ທັງໝົດ 59 ສະ ຫາຍ ແລະ ມີວິທະຍາກອນ 3 ສະ ຫາຍ; ໃນນີ້, ນັກສໍາມະນາກອນ ຈະໄດ້ຮັບຮູ້ ແລະ ເຂົ້າໃຈຢ່າງເລິກ ເຊິ່ງກ່ຽວກັບຄວາມສໍາຄັນ, ຈຸດ ປະສົງ ແລະ ຫຼັກການສໍາຫຼວດພົນ ລະເມືອງ ແລະ ທີ່ຢູ່ອາໄສທົ່ວປະ ເທດ ສັງລວມແບບສອບຖາມ, ປັບປຸງບັນຊີຄົວເຮືອນ ແລະ ບັນ ຊີເຂດສໍາຫຼວດ, ພາລະບົດບາດ ແລະ ໜ້າທີ່ຂອງນັກກວດກາ, ຫຼັກ ການ ແລະ ວິທີກວດກາຄຸນນະ ພາບ ພ້ອມທັງແກ້ໄຂຂໍ້ຂ້ອງໃຈ, ປຶກສາຫາລື ແລະອື່ນໆ.

ການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດແມ່ນ ການສໍາຫຼວດໃຫຍ່ທີ່ມີຄວາມ ສໍາຄັນໃນການຈົດນັບເອົາພົນລະ ເມືອງທຸກໆຄົນລວມທັງເງື່ອນໄຂ ແລະ ຊີວິດການເປັນຢູ່ຂອງພົນລະ ເມືອງ ເພື່ອເປັນຂໍ້ມູນສະໜອງ ໃຫ້ແກ່ການສ້າງແຜນການພັດ ທະນາເສດຖະກິດ-ສັງຄົມ ໂດຍ ສະເພາະແມ່ນການວາງແຜນນະ ໂຍບາຍທາງດ້ານປະຊາກອນ ແລະ ຕິດຕາມເປົ້າໝາຍແຫ່ງສະຫັດ ສະວັດແຫ່ງການພັດທະນາ; ສໍາລັບການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດຢູ່ ສປປ ລາວ ແມ່ນໄດ້ຈັດຕັ້ງປະຕິ ບັດທຸກໆ 10 ປີ; ໃນນີ້, ໄດ້ດໍາ ເນີນການສໍາຫຼວດມາແລ້ວ 3 ຄັ້ງ ຄື: ຄັ້ງທີ I ຈັດຂຶ້ນປີ 1985, ຄັ້ງທີ II ປີ 1995, ຄັ້ງທີ III ປີ 2005 ແລະ ປີ 2015 ນີ້ແມ່ນຄັ້ງທີ IV ເຊິ່ງຈະໄດ້ສະໜອງຂໍ້ມູນອັນຈໍາ ເປັນທາງດ້ານປະຊາກອນຊາດ ທີ່ສ່ອງແສງໃຫ້ເຫັນໄດ້ຄຸນນະລັກສະນະຂອງພົນລະເມືອງລາວທີ່ ເປັນປັດໄຈກ່ຽວພັນກັບການພັດ ທະນາຊັບພະຍາກອນມະນຸດ ເຊັ່ນ: ການມີວຽກເຮັດງານທໍາ, ອັດຕາການຫວ່າງງານ, ດ້ານການ ສຶກສາ, ສາທາລະນະສຸກ, ສະພາບ ການເໜັງຕີງປ່ຽນແປງຕ່າງໆຂອງພົນລະເມືອງ ແລະອື່ນໆ

ພົຈວ ສິນທະວົງ ໄຊຍະກອນ ກ່າວວ່າ: ການຈັດຝຶກອົບຮົມໃນ ຄັ້ງນີ້ ແມ່ນມີຄວາມສໍາຄັນຫຼາຍໃນ ການປະຕິບັດວຽກງານຕົວຈິງຂອງ ນັກເດີນສໍາຫຼວດ ເພື່ອຮັບປະກັນ ໃຫ້ການສໍາຫຼວດດັ່ງກ່າວໄດ້ຮັບ ປະສິດທິຜົນສູງ. ດັ່ງນັ້ນ, ຈຶ່ງຮຽກ ຮ້ອງ ໃຫ້ນັກສໍາມະນາກອນທຸກ ສະຫາຍເອົາໃຈໃສ່ຕິດຕາມທຸກ ຂັ້ນຕອນຂອງການບັນຍາຍຖ່າຍ ທອດຈາກຄູຝຶກໃຫ້ກໍາໄດ້ບັນດາ ຫຼັກການ ແລະ ນິຍາມ, ພື້ນຖານ ເຕັກນິກການສອບຖາມ, ການຈົດ ກ່າຍເລກລະຫັດຕ່າງໆໃສ່ຮ່າງ ສອບຖາມ ພ້ອມທັງສຸມໃສ່ແລກ ປ່ຽນຄໍາຄິດ-ຄໍາເຫັນຢ່າງກົງໄປ-ກົງມາ ເພື່ອເປັນບ່ອນອີງໃນການຈັດຕັ້ງປະຕິບັດໃຫ້ໄດ້ຮັບຜົນດີ.

 

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ