ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Lao Public Security
Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

 ທ່ານນາຍົກລັດຖະມົນຕີ ລົງຊຸກຍູ້ການຜະລິດກະສິກຳ ເມືອງຫາດຊາຍຟອງ

  ທ່ານ ທອງ​ສິງ ທຳ​ມະ​ວົງ ນາຍົກລັດຖະມົນຕີ ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນ ຫຼວງ​ວຽງ​ຈັນ ພ້ອມດ້ວຍ​ບັນດາ​ທ່ານ​ລັດຖະມົນຕີກ່ຽວຂ້ອງ ແລະ ຄະນະ ໄດ້​ລົງເຄື່ອນ​ໄຫວ​ຢ້ຽມຢາມ ແລະ ເຮັດວຽກ​ ເພື່ອ​ຊຸກຍູ້​ວຽກ​ງານ​ການ​ຜະລິດ​ກະສິກຳ​ຢູ່​ເມືອງ​ຫາດ​ຊາຍຟອງ ນະຄອນຫຼວງ​ວຽງ​ຈັນໃນຕອນ ​ເຊົ້າ​ວັນ​ທີ 12 ສິງຫາ 2014 ເຊິ່ງ​ມີ​ອຳນາດ​ການ​ປົກຄອງ ແລະ ປະຊາຊົນ​ເມືອງ​ຫາດ​ຊາຍຟອງ ໃຫ້ການ​ ຕ້ອນຮັບ​ຢ່າງ​ອົບອຸ່ນ.

  ການ​ລົງ​ເຄື່ອນ​ໄຫວ​ຢ້ຽມຢາມ ແລະ ເຮັດ​ວຽກ​ຄັ້ງ​ນີ້ ໄດ້​ພົບ​ປະໂອ້​ລົມ​ກັບ​ອຳນາດ​ການ​ປົກຄອງ ແລະ ພໍ່ ​ແມ່​ປະຊາຊົນ ທີ່​ສະ​ໂມສອນ​ປົກຄອງ​ເມືອງ​ຫາດ​ຊາຍຟອງ ໂດຍ​ທ່ານ ບຸນ​ທາມ ພຸດ​ທະ​ວົງສາ ເຈົ້າເມືອງ ​ຫາດ​ຊາຍ​ຟອງ ໄດ້​ລາຍ​ງານ​ຫຍໍ້​ສະພາບ​ການຈັດ​ຕັ້ງ​ປະຕິບັດ​ວຽກ​ງານ​ການພັດທະນາ​ເສດຖະກິດ - ສັງຄົມ ໄລຍະ​ຊຸມ​ປີຜ່ານມາ ເຊິ່ງ​ເມືອງຫາດ​ຊາຍ​ຟອງ ເປັນ​ເມືອງ​ທີ່​ມີ​ທ່າແຮງ​ໃນ​ການຜະລິດ​ ກະສິກຳ ແລະ ມີ​ ຊາຍ​ແດນ​ຕິດ​ກັບ​ປະເທດໄທ ຍາວ​ເຖິງ 50 ກິໂລແມັດ ທ່າແຮງ​ດັ່ງກ່າວ ​ມັນ​ໄດ້​ກາຍ ເປັນ​ພື້ນຖານ​ອັນ​ດີ​ ໃຫ້​ແກ່​ການ​ຄ້າຂາຍເມືອງ​ຫາດ​ຊາຍ​ຟອງ ມີ​ເນື້ອທີ່​ທັງໝົດ 25.880 ເຮັກຕາ ມີ 60 ບ້ານ 1.539 ໜ່ວຍ ພົນລະເມືອງ 96.662 ຄົນ ຍິງ 46.279 ຄົນ ສົກ​ປີ 2013-2014 ໄດ້​ຮັບ​ອະນຸມັດ​ໂຄງການ​ລົງ ທຶນ​ຂອງ​ລັດ 33 ໂຄງການ ມູນ​ຄ່າ 11.412.720 ກີບ ໃນ​ນັ້ນໂຄງການ​ສືບຕໍ່ 18 ໂຄງການມູນ​ຄ່າ 25.730.900 ກີບ ວຽກ​ງານ​ງົບປະມານ ໄດ້​ຮັບຕົວ​ເລກ​ມອບ​ໝາຍ​ຈາກ​ຂັ້ນ​ເທິງ 15.732.700.000 ກີບ ປັດຈຸບັນ ປະຕິບັດ​ໄດ້ 10.488.429.932 ກີບ ເທົ່າ​ກັບ 66% ຄາດ​ວ່າ​ໝົດປີ​ ຈະ​ສາມາດ​ບັນລຸ​ໄດ້ 85-90% ຂອງ​ແຜນການ​ປີ ແລະ ດ້ານ​ກະສິ​ກຳ​ເມືອງ​ຫາດ​ຊາຍ​ຟອງ ມີ​ເນື້ອທີ່​ທຳ​ການ​ຜະລິດ (ເນື້ອທີ່​ນາ) ທັງ​ໝົດ 6.100 ເຮັກຕາ ຮອດປັດຈຸບັນ ການ​ປັກ​ດຳ​ເຂົ້ານາ​ປີແມ່ນ​ສຳເລັດ​ແລ້ວ 100%.

  ຈາກ​ນັ້ນ ທ່ານ​ນາຍົກ​ລັດ​ຖະມົນຕີ ພ້ອມ​ຄະນະ​ ໄດ້​ລົງ​ຕິດຕາມ​ການຈັດຕັ້ງ​ປະຕິບັດ​ວຽກງານ​ ຂອງ​ພາກ ​ຫົວໜ່ວຍ​ທຸລະ​ກິດ ​ທີ່​ປະກອບ​ກິດຈະການ​ສົ່ງເສີມການ​ຜະລິດ​ກະສິກຳ ຟາມ​ພັນເພັດ ພັດທະນາ​ກະສິກຳ ຢູ່​ບ້ານນາ​ໄຮ່ ຕາງໜ້າ​ຈາກ​ຟາມ​ພັນເພັດ ໄດ້​ລາຍ​ງານ​ເຖິງ​ຜົນ​ການຈັດ​ຕັ້ງ​ປະຕິບັດ​ງານ ເຊິ່ງ​ຟາມ​ພັນເພັດ​ ໄດ້​ສ້າງຕັ້ງ​ຂຶ້ນ​ໃນ​ປີ 2008 ເປັນຕົ້ນ​ມາ ໂດຍ​ນັກ​ລົງທຶນ​ລາວມີ​ພາລະ​ບົດບາດ​ໃນ​ການ​ຜະລິດກະສິກຳ​ ທີ່​ໃຊ້​ ເຄື່ອງ​ຈັກ​ທັນ​ສະໄໝ ສະໜອງ​ແນວ​ພັນ​ເຂົ້າ ຝຸ່ນເຄ​ມີ - ຊີວະ​ພາບ ການ​ປັກ​ດຳ​ເຂົ້າການ​ກະກຽມ​ດິນ​ປູກ ຝັງສະໜອງວິຊາ​ການເຕັກນິກ​ທັນ​ສະໄໝ ໃຫ້​ແກ່​ການ​ຜະລິດ​ກະສິກຳ​ຂອງປະຊາຊົນ ເພື່ອ​ເພີ່ມ​ຜົນ​ຜະລິດ ໃຫ້​ສູງ​ຂຶ້ນ ພ້ອມ​ນັ້ນ​ຟາມ​ພັນ​ເພັດ ຍັງ​ໄດ້​ຮັບ​ຊື້​ຜົນ​ຜະລິດ​ດ້ານກະ​ສິກຳ​ຈາກ​ພໍ່​ແມ່​ປະຊາຊົນ ແລະ ເພື່ອ​ເປັນ​ ການ​ຕິດຕາມ​ກວດກາແກ້​ໄຂ​ບັນຫາ​ການ​ໄຫຼ​ເຊາະ​ຂອງແມ່ນ້ຳ​ຂອງ ທ່ານ​ນາຍົກ​ລັດ​ຖະມົນຕີພ້ອມ​ ຄະນະ ຍັງ​ໄດ້​ລົງເຄື່ອນ​ໄຫວ​ຕິດຕາມ​ກວດກາ​ສະພາບ​ຕາຝັ່ງ​ເຈື່ອນ ​ຢູ່​ບໍລິເວນ​ເຂດການ​ກໍ່ສ້າງ​ສະຖາ ນີ​ດາວ​ທຽມ ລາວ​ຕື່ມ​ອີກ.

 

 

 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ