ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Lao Public Security
Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

   ປະທານປະເທດ ຕ້ອນຮັບການຢ້ຽມຄຳນັບຄະນະຜູ້ແທນ ສປປ ເກົາຫຼີ

  ເມື່ອ​ວັນ​ທີ 5 ສິງຫາ 2014 ທີ່​ທຳ​ນຽບ​ປະທານ​ປະເທດ ທ່ານ ຈູມ​ມາລີ ໄຊ​ຍະ​ສອນ  ປະທານປະ ເທດ​ແຫ່ງ ​ສປປ ລາວ ໄດ້ໃຫ້​ກຽດ​ຕ້ອນຮັບ​ທ່ານ ຣີ ຊູ ຢອງ ລັດຖະມົນຕີ​ວ່າການ​ກະຊວງການ​ຕ່າງ ປະເທດແຫ່ງ ​ສປປ ເກົາຫຼີ ພ້ອມ​ຄະນະ ເນື່ອງ​ໃນ​ໂອກາດເດີນທາງ​ມາ​ພົບ​ປະ​ແລກປ່ຽນຂໍ້​ມູນ​ຂ່າວສານ ແລະ ເພີ່ມ​ທະວີການ​ຮ່ວມ​ມືລະຫວ່າງສອງ​ກະຊວງ​ການ​ຕ່າງປະເທດ ​ສປປ ລາວ ​ແລະ ​ສປປ ເກົາຫຼີ.

  ໂອກາດ​ນີ້ ທ່ານ​ປະທານ​ປະເທດ ​ກໍ່​ໄດ້​ຕ້ອນຮັບ​ຢ່າງ​ອົບ​ອຸ່ນ ພ້ອມ​ທັງ​ຕີ​ລາຄາ​ສູງ​ຕໍ່​ການ​ເດີນທາງ​ມາ​ ຢ້ຽມຢາມ​ຄັ້ງ​ນີ້ ທັງ​ຈະ​ເປັນ​ບາດກ້າວ​ອັນ​ສຳຄັນ ໃນ​ການ​ເສີມ​ສ້າງ​ສາຍ​ພົວພັນຮ່ວມ​ມືລະຫວ່າງ ສອງ​ຊາດ ທີ່​ມີສາຍ​ພົວພັນ​ຮ່ວມ​ກັນ​ທາງ​ການ​ທູດ ຄົບຮອບ 40 ປີ ໃຫ້​ນັບ​ມື້​ໜັກແໜ້ນ​ຍິ່ງ​ຂຶ້ນ.

ຂ່າວ​ແຈ້ງ​ຕື່ມ​ໃນ​ວັນ​ດຽວ​ກັນ​ທ່ານ ຣີ ຊູ ຢອງ ຍັງ​ໄດ້​ເຂົ້າ​ຢ້ຽມຄຳນັບ​ ທ່ານ ທອງ​ສິງ ທຳ​ມະ​ວົງ ນາຍົກ ລັດຖະມົນຕີ​ແຫ່ງ ​ສປປ ລາວ ທີ່​ຫ້ອງ​ວ່າການ​ລັດຖະບານ​ ພ້ອມ​ທັງ​ລາຍ​ງານ​ຈຸດປະສົງ​ການ​ເດີນ ທາງ​ມາ ​ສປປ ລາວ ຄັ້ງ​ນີ້​ດ້ວຍ.

 

 

 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ