ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ປະທານປະເທດ ແຫ່ງ ສປປ ລາວ ກ່າວປາໄສຕໍ່ກອງປະຊຸມ ສົນທະນາຜູ້ນຳເສດຖະກິດພາກພື້ນ

   ໃນ​ວັນ​ທີ 9 ພະຈິກ 2014 ພະນະ​ທ່ານ ຈູມ​ມາລີ ໄຊ​ຍະ​ສອນ ປະທານ​ປະເທດ​ແຫ່ງ ​ສປປ ລາວ ພ້ອມ​ຄະນະ ​ໄດ້​ເຂົ້າ​ຮ່ວມກອງ​ປະຊຸມ​ສົນທະນາ​ຜູ້ນຳ​ເສດຖະກິດ ວ່າ​ດ້ວຍກາລະ​ໂອກາດ​ໃໝ່ເພື່ອການ​ຮ່ວມ ​ມື​ໃນ​ພາກ​ພື້ນ​ໃນ​ຫົວຂໍ້ ພາກ​ພື້ນ​ທີ່ຢູ່​ນອກ​ເໜືອ APEC: ກາລະ​ໂອກາດເພື່ອ​ການ​ເຕີບ​ໂຕກາລະໂອກາດ ​ເພື່ອ​ການ​ຮ່ວມ​ມື ໂດຍ​ກອງ​ປະຊຸມ​ໄດ້​ປຶກສາ​ຫາລື ແລະ ແລກປ່ຽນ​ຄວາມ​ຄິດ​ເຫັນກັບ​ບັນດາຜູ້ນຳ​ທາງ​ທຸ ລະ​ກິດຂອງ​ສະມາຊິກ​ເຂດ​ເສດຖະກິດອາ​ເປັກ ກ່ຽວ​ກັບ​ກາລະ​ໂອກາດ ເພື່ອ​ການ​ຮ່ວມ​ມື ແລະ ການ​ພັດທະ ​ນາ​ເສດຖະກິດ ໃນ​ພາກ​ພື້ນອາຊີ-ປາ​ຊີ​ຟິກ.

  ໃນ​ໂອກາດ​ທີ່​ເຂົ້າ​ຮ່ວມ​ກອງປະຊຸມ​ດັ່ງກ່າວ​ນີ້ພະນະ ທ່ານ ຈູມ​ມາລີ ໄຊ​ຍະ​ສອນ ໄດ້​ກ່າວ​ປາໄສຕໍ່​ ກອງ​ປະຊຸມ​ເຊິ່ງ​ເນື້ອ​ໃນ​ສຳຄັນ ໄດ້​ຊີ້​ໃຫ້​ເຫັນ​ທ່າ​ອ່ຽງ​ຂອງການ​ເຊື່ອມ​ໂຍງ​ເສດຖະກິດ ການເຊື່ອມ​ຈອດ ແລະ ການ​ເພິ່ງ​ພາອາໄສເຊິ່ງ​ກັນ ແລະ ກັນ ລະຫວ່າງສະມາຊິກ​ເຂດ​ເສດຖະກິດອາ​ເປັກ ແລະ ບໍ່​ແມ່ນ​ສະ ມາຊິກເຂດ​ເສດຖະກິດ​ອາ​ເປັກ ຄວນ​ຖືກນຳ​ມາ​ໃຊ້​ຢ່າງ​ມີ​ປະສິດທິພາບ​ສູງສຸດ ແລະ ນຳ​ຜົນ​ປະໂຫຍດ​ມາສູ່ ​ປະຊາຊົນ ທ່ານ​ໄດ້​ກ່າວ​ເຖິງ​ທ່າອ່ຽງ ແລະ ກາລະ​ໂອກາດຂອງ ​ສປປ ລາວ ໃນ​ການ​ເຊື່ອມ​ໂຍງເສດຖະກິດ ແລະ ການ​ເຊື່ອມຈອດ.

  ຄວາມ​ມີ​ສະຖຽນ​ລະ​ພາບທາງ​ການເມືອງ ແມ່ນ​ເປັນ​ສິ່ງທີ່​ຈຳເປັນ​ຕົ້ນຕໍ ສຳລັບ​ການ​ພັດທະ​ນາ ແລະ ການ​ ເຕີບ​ໂຕ​ຂອງເສດຖະກິດ​ແຫ່ງ​ຊາດ ທີ່​ຕັ້ງ​ດ້ານພູມີສາດ​ຂອງ ​ສປປ ລາວ ແມ່ນເປັນ​ສູນ​ກາງຂອງ​ການ​ເຊື່ອມ ຈອດ ແລະ ຕັ້ງ​ຢູ່​ໃນ​ໃຈ​ກາງຂອງອາຊີ​ຕາເວັນ​ອອກສຽງ​ໃຕ້ ທ່າອ່ຽງ ແລະ ກາລະ​ໂອກາດ​ຂອງ ​ສປປ ລາວ ໃນ​ການ​ຜະລິດ​ພະລັງງານ​ໄຟຟ້າ ແລະ ສົ່ງເສີມ​ອຸດສາ​ຫະ​ກຳ​ການທ່ອງທ່ຽວ ເພີ່ມທະວີ​ການ​ຮ່ວມ​ມື​ດ້ານ ​ການ​ຄ້າ ແລະ ເສດຖະກິດກັບ​ບັນດາ​ເຂດເສດຖະກິດ​ອາ​ເປັກ ໂດຍ​ຜ່ານ​ກົນໄກ​ການ​ຮ່ວມ​ມືໃນ​ອະນຸ​ພາກ​ພື້ນ ພາກ​ພື້ນ ແລະ ສາກົນ ພ້ອມ​ນັ້ນ ໄດ້​ເຊີນຊວນ​ບັນດາ​ນັກ​ລົງທຶນຈາກ​ພາກ​ພື້ນ​ອາຊີ-ປາ​ຊີ​ຟິກ ແລະ ພາກ​ ພື້ນ​ອື່ນໆ​ທົ່ວ​ໂລກ ພິຈາລະ​ນາ​ເຂົ້າ​ມາ​ລົງທຶນ​ຢູ່ ​ສປປ ລາວ ​ສປປ ລາວ ແມ່ນ​ໜຶ່ງ​ໃນເຂດ​ເສດຖະກິດ ​ຂອງ​ອາຊີ​ຕາເວັນອອກ ທີ່​ອຸດົມສົມບູນ​ໄປ​ດ້ວຍ​ຊັບພະຍາກອນ​ທຳ​ມະ​ຊາດ ມີ​ສະຖຽນ​ລະ​ພາບ​ທາງ​ການເມືອງ ແລະ ມີ​ກົດໝາຍ​ຮອງ​ຮັບ​ບັນດາ​ສິດຜົນປະໂຫຍດ​ຂອງ​ນັກ​ລົງທຶນ​ຕ່າງປະເທດ.

  ໃນ​ຕອນ​ຄ່ຳ​ຂອງ​ວັນ​ດຽວ​ກັນ ພະນະ​ທ່ານ​ປະທານ​ປະເທດ ຍັງໄດ້​ຮັບ​ການ​ເຂົ້າ​ຢ້ຽມ​ຄຳນັບ​ຂອງພະນະທ່ານ ຫລີ ຢວນ​ຊາວ ຮອງປະທານ​ປະເທດແຫ່ງ ​ສປ ຈີນ ໃນ​ການ​ພົບ​ປະ​ຄັ້ງ​ນີ້ ທັງ​ສອງຝ່າຍ​ໄດ້​ແຈ້ງ​ສະພາບ​ ການ​ເດັ່ນຂອງ​ສອງ​ປະເທດ ສອງ​ຝ່າຍ​ຕີ​ລາຄາ​ສູງ​ຕໍ່​ສາຍ​ພົວພັນ​ມິດຕະພາບທີ່​ມີ​ມູນເຊື້ອ​ອັນ​ດີງາມ ແລະ ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດຮອບດ້ານລະຫວ່າງ ​ສປປ ລາວ ແລະ ​ສປ ຈີນ ຕາມ​ທິດ 4 ດີ ຄື: ເພື່ອນ​ບ້ານ​ໃກ້​ເຮືອນ​ຄຽງ​ທີ່​ດີ ໝູ່ເພື່ອນ​ທີ່​ດີ ສະຫາຍ​ທີ່​ດີ ແລະ ຄູ່ຮ່ວມ​ມື​ທີ່​ດີເຊິ່ງ​ໄດ້​ເຕີບ​ໃຫຍ່​ຂະຫຍາຍຕົວ ຢ່າງ​ບໍ່​ຢຸດ​ຢັ້ງ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ