Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຄະນະນໍາກອງບັນຊາການປ້ອງກັນສູນກາງ ວາງກະຕ່າດອກໄມ້ ຕໍ່ໜ້າອານຸສາວະລີປະທານໄກສອນ ພົມວິຫານ ເນື່ອງໃນວັນສ້າງຕັ້ງ ຄົບຮອບ 57 ປີ

          ຄະນະນໍາກອງບັນຊາການປ້ອງກັນສູນກາງ ກະຊວງ ປກສ ນໍາໂດຍ ພັອ ຄໍາເຄື່ອງ ບຸນວິໄລ ຫົວໜ້າກອງບັນຊາ ການປ້ອງກັນສູນກາງ ໄດ້ນໍາກະຕ່າດອກໄມ້ເຂົ້າວາງຢູ່ຕໍ່ໜ້າ ອະນຸສາວະລີ ປະທານ ໄກສອນ ພົມວິຫານ ໃນຕອນເຊົ້າ ຂອງວັນທີ 9 ພະຈິກ 2018 ເນື່ອງໃນໂອກາດວັນສ້າງຕັ້ງກໍາລັງປ້ອງກັນສູນກາງ ຄົບຮອບ 57 ປີ ( 11 ພະຈິກ 1961-11 ພະຈິກ 2018 ).

         ການວາງກະຕ່າດອກໄມ້ຄັ້ງນີ້ ເພື່ອເປັນການລະນຶກເຖິງຄຸນງາມຄວາມດີ ຂອງບັນດານັກຮົບປະຕິວັດ ປະຊາຊົນ ລາວບັນດາເຜົ່າຜູ້ເສຍສະຫຼະເລືອດເນື້ອ, ເຫື່ອແຮງ ແລະ ຊີວິດ ໃນການຕໍ່ສູ້ກູ້ຊາດຕ້ານພວກລ່າເມືອງຂຶ້ນແບບເກົ່າ ແລະ ແບບໃໝ່ ເພື່ອຜົນປະໂຫຍດຂອງລູກ-ຫຼານຮຸ່ນຫຼັງ; ໂດຍສະເພາະແມ່ນ ປະທານ ໄກສອນ ພົມວິຫານ ພ້ອມບັນດາການ ນໍາຮຸ່ນຫຼັງ ໄດ້ເອົາໃຈໃສ່ປຸກລະດົມປະຊາຊົນລາວ ພາຍໃຕ້ຄັນທຸງຂອງພັກ ປະຊາຊົນ ປະຕິວັດລາວ ຕໍ່ສູ້ຈົນສາມາດເອົາ ຊະນະສັດຕູ, ໄດ້ຮັບໄຊຊະນະຄັ້ງຍິ່ງໃຫຍ່ ແລະ ສະຖາປະນາເປັນ ສາທາລະນາລັດ ປະຊາທິປະໄຕ ປະຊາຊົນລາວ ໃນ ວັນທີ 2 ທັນວາ 1975 ເປັນຕົ້ນມາ.

          ຈາກນັ້ນ ກອງບັນຊາການປ້ອງກັນສູນກາງ ຍັງໄດ້ຈັດພິທີໂຮມຊຸມນຸມລະນຶກວັນສຳຄັນດັ່ງກ່າວ ໂດຍມີຄະນະ ພັກ-ຄະນະກອງບັນຊາການ, ພະນັກງານອາວຸໂສ-ບໍານານ ແລະ ພະນັກງານ-ນັກຮົບເຂົ້າຮ່ວມ; ໃນພິທີ ພັອ ຄໍາເຄື່ອງ ບຸນວິໄລ ໄດ້ຂຶ້ນປາໄສເຊິ່ງມີບາງຕອນ ກ່າວວ່າ: ເມື່ອຫວນຄືນກ່ອນໜ້ານີ້ ຄື ວັນທີ 11 ພະຈິກ 1961 ເປັນວັນກໍ່ຕ້າງກໍາ ລັງປ້ອງກັນໃກ້ຊິດໃນເມື່ອກ່ອນ ແລະ ເປັນກໍາລັງປ້ອງກັນສູນກາງໃນປັດຈຸບັນ, ກໍາລັງດັ່ງກ່າວໄດ້ກໍາເນີດເກີດຂຶ້ນໃນຂະ ບວນການປະຕິວັດຕໍ່ສູ້ກູ້ຊາດ ຕ້ານຈັກກະພັດຕ່າງດ້າວຜູ້ຮຸກຮານ ເຊິ່ງມີຕົ້ນກໍາເນີນມາຈາກມູນເຊື້ອນາຍ ແລະ ພົນທະ ຫານລາວອິດສະຫຼະໃນເມື່ອກ່ອນ.

ການກໍາເນີດ ໃນເງື່ອນໄຂຂອງການປະຕິວັດຊາດ ທີ່ມີພັກປະຊາຊົນ ປະຕິວັດລາວ ເປັນຜູ້ນໍາພາ, ສະພາບການ ເວລານັ້ນພວກຈັກກະພັດ ໄດ້ກວດລ້າງບຽດຍຶດເຂົ້າເຂດທີ່ໝັ້ນຂອງການປະຕິວັດ, ​ຕໍ່ໜ້າສະພາບການດັ່ງກ່າວ ສູນກາງ ພັກຈຶ່ງໄດ້ວາງແນວທາງການຕໍ່ສູ້ປົດປ່ອຍຊາດ ແລະ ກ່ອນອື່ນໝົດແມ່ນຕ້ອງປົກປັກຮັກສາເຂດທີ່ໝັ້ນຂອງການປະຕິວັດ, ດັ່ງນັ້ນ ສູນກາງພັກ ຈຶ່ງໄດ້ເພີ່ມທະວີວຽກງານປ້ອງກັນຜູ້ນໍາການປະຕິວັດ ໃຫ້ມີຄວາມປອດໄພ ຈິ່ງເກີດມີກໍາລັງປ້ອງກັນ ສູນກາງ, ໃນເວລານັ້ນເອີ້ນວ່າ ( ພະນັກງານຕິດຕໍ່ ) ໜ້າທີ່ຕົ້ນຕໍແມ່ນປ້ອງກັນ ແລະ ຮັບໃຊ້ການນໍາຢູ່ເຂດປົດປ່ອຍ, ກໍາ ລັງ ດັ່ງກ່າວແມ່ນ ຕົ້ນກໍາເນີດຂອງ ກໍາລັງປ້ອງກັນຄວາມສະຫງົບປະຊາຊົນໃນປັດຈຸບັນ ເຊິ່ງໄດ້ຮັບການສ້າງຕັ້ງຂຶ້ນຢູ່ສໍາ ນັກຈັດຕັ້ງສູງການເຂດທີ່ໝັ້ນຂອງການປະຕິວັດ ແຂວງ ຫົວພັນ; ກໍາລັງປະກອບໃນເບື້ອງຕົ້ນ ມີ 1 ໝູ່, ມີພຽງ 11 ສະ ຫາຍ; ມາຮອດປີ 2010 ລັດຖະມົນຕີກະຊວງ ປກສ ໄດ້ອອກຂໍ້ຕົກລົງສະບັບເລກທີ 924/ປກສ ລົງວັນທີ 8 ມິຖຸນາ 2010 ຮັບຮອງເອົາ ວັນທີ 11 ພະຈິກ 1961 ເປັນວັນສ້າງຕັ້ງກໍາລັງປ້ອງກັນສູນກາງ ຢ່າງເປັນທາງການ ແລະ ມາຮອດ ວັນທີ 11​ພະຈິກ 2018 ກໍຄົບຮອບ 57 ປີພໍດີ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ