ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ກຳລັງຕຳຫຼວດເປັນເຈົ້າການແກ້ໄຂຄະດີຢາເສບຕິດ

ໜຶ່ງປີຜ່ານມາ, ກຳລັງຕຳຫຼວດວິຊາສະເພາະທີ່ເຮັດໜ້າທີ່ປາບປາມຢາເສບຕິດໃນຂອບເຂດທົ່ວປະເທດໄດ້ເປັນ  ເຈົ້າການກຳສະພາບການ, ເລ່ຫຼ່ຽມການເຄື່ອນໄຫວ, ກຳເປົ້າໝາຍກຸ່ມເຄື່ອນໄຫວຜະລິດຂົນສົ່ງ, ຄ້າຂາຍ ຢາເສບຕິດດ້ວຍຄວາມຮັບຜິດຊອບສູງ; ເຊິ່ງສາມາດແກ້ໄຂແລະດຳເນີນຄະດີຢາເສບຕິດໄດ້ທັງໝົດ 1.658 ເລື່ອງ, ທຽບໃສ່ປີຜ່ານມາເພີ່ມຂຶ້ນ 339 ເລື່ອງ.

ໃນກອງປະຊຸມສະຫຼຸບວຽກງານກົມໃຫຍ່ຕຳຫຼວດປະຈຳປີ 2014-2015 ທີ່ຈັດຂຶ້ນໃນວັນທີ 30 ມັງ ກອນນີ້; ໂດຍການເປັນປະທານຂອງ ພົຈວ ສີສະຫວາດ ແກ້ວມາລາວົງ ຫົວໜ້າກົມໃຫຍ່ຕຳຫຼວດກະຊວງ ປກສ ໄດ້ຍົກໃຫ້ເຫັນວ່າ: ຄະນະພັກ - ຄະນະບັນຊາກົມໃຫຍ່ຕຳຫຼວດໄດ້ເອົາໃຈໃສ່ຊຸກຍ ແລະ ອຳນວຍ ຄວາມສະດວກໃຫ້ກຳລັງວິຊາສະເພາະປາບປາມຢາເສບຕິດ ເຄື່ອນໄຫວປະຕິບັດໜ້າທີ່ໃນການສະກັດກັ້ນ ແລະ ແກ້ໄຂຄະດີຢາເສບ ຕິດທີ່ເກີດຂຶ້ນດ້ວຍຄວາມຮັບຜິດຊອບສູງໃນການກຳສະພາບ, ເລ່ຫຼ່ຽມການເຄື່ອນ ໄຫວຂອງເປົ້າໝາຍຜະລິດ, ຂົນສົ່ງ, ຄ້າຂາຍຢາເສບຕິດພ້ອມທັງຈັດຕັ້ງພະນັກງານລົງໂຄສະນາເຜີຍແຜ ຜົນຮ້າຍຂອງຢາເສບຕິດເພື່ອໃຫ້ປະຊາຊົນປະກອບສ່ວນເປັນຫູ - ເປັນຕາຊ່ວຍເຈ້າໜ້າທີ່; ເຊິ່ງຜ່ານການ ປະຕິບັດງານດັ່ງກ່າວ, ກຳລັງຕຳຫຼວດທີ່ເຮັດໜ້າທີ່ປາບປາມຢາເສບຕິດໃນຂອບເຂດທົ່ວປະເທດຈຶ່ງສາມາດ ແກ້ໄຂຄະດີຢາເສບຕິດທີ່ເກີດຂຶ້ນທັງໝົດ 1.658 ເລື່ອງ, ຈັບຜູ້ຖືກຫາໄດ້ 2.538 ຄົນ, ຍິງ 435 ຄົນ, ຕ່າງປະເທດ 54 ຄົນ, ຍິງ 4 ຄົນທຽບໃສ່ປີ 2013 ຄະດີຢາເສບຕິດເພີ່ມຂຶ້ນ 339 ລາຍ; ສະເພາະກົມຕຳຫຼວດສະກັດກັ້ນ ແລະຕ້ານຢາເສບຕິດກົມໃຫຍ່ຕຳຫຼວດດຳເນີນ 3 ລາຍ, ກັກຕ້ອງຫາ 69 ຄົນ, ຍິງ 19 ຄົນ, ຕ່າງປະເທດ 5 ຄົນ; ໃນນີ້, ເຈົ້າໜ້າທີ່ສາມາດຢຶດຂອງກາງເຮໂຣອິນໄດ້ 163,94 ກິໂລກຼາມ, ຢາບ້າ 363,31 ກິໂລກຼາມ, ຢາໄອ 8,85 ກິໂລກຼາມ, ຝິ່ນ 15,1 ກິໂລກຼາມ, ກັນຊາແຫ້ງ 1.252 ກິໂລກຼາມ, ລົດໃຫຍ່ 59 ຄັນ, ລົດຈັກ 229 ຄັນ, ເງິນກີບ 30.489.000 ກີບ, ເງິນບາດ 885.350 ບາດ, ເງິນໂດລາ 5.134 ໂດລາແລະອື່ນໆອີກຈຳນວນໜຶ່ງ.

ໃນກອງປະຊຸມ, ບັນດາຫົວໜ້າ - ຮອງກົມ, ຫ້ອງແລະພະນັກງານຫຼັກແຫຼ່ງອ້ອມຂ້າງກົມໃຫຍຕຳຼວດ ໄດ້ພ້ອມກັນປະກອບຄຳເຫັນ ແລະປຶກສາຫາລືກັບກ່ຽວກັບທິດທາງແຜນການໃນປີນີ້; ໂດຍຈະສືບຕໍ່ຈັດຕັ້ງ ນຳພາ - ບັນຊາຕາມ 9 ແຜນຍຸດທະສາດ, 7 ວຽກງານຈຸດສຸມ, 11 ໂຄງການວິຊາສະເພາະທີ່ກົມໃຫຍ່ຕຳຫຼວດ ຮັບຮອງເອົາ ແລະປະຕິບັດຕາມແຜນການລວມຂອງກະຊວງ ປກສ ແລະທິດຊີ້ນຳຂອງຂັ້ນເທິງແຕ່ລະໄລ ຍະໃຫ້ເຂັ້ມງວດ, ໜັກແໜ້ນກວ່າເກົ່າ; ໂດຍສະເພາະແມ່ນ: ຊຸກຍູ້ໃຫ້ຕຳຫຼວດສະກັດກັ້ນ ແລະຕ້ານຢາ ເສບຕິດສົມທົບກັບທ້ອງຖິ່ນບັນດາແຂວງພາກເໜືອ,ໃຕ້, ນະຄອນຫຼວງເພື່ອພ້ອມກັນຄົ້ນຄວ້າສ້າງແຜນເຄື່ອນ  ໄຫວຮັດວຽກອັດປ່ອງຂ້າມລອຍ, ເກັບກຳການເຄື່ອນໄຫວຂອງພວກເປົ້າໝາຍຢາເສບຕິດແນໃສ່ໃຫບັນຫາ ດັ່ງກ່າວຫຼຸດລົງ.

ໂອກາດດຽວກັນ, ກົມໃຫຍ່ຕຳຫຼວດຍັງໄດ້ມອບໃບກຽດຕິຄຸນຈຳນວນ 10 ໃບແລະໃບຍ້ອງຍໍຈຳນວນ 7 ໃບ ໃຫ້ແກ່ບັນດາບໍລິສັດ, ຫ້າງຮ້ານ,ບຸກຄົນແລະກົມກອງລວມໝູ່ທີ່ປະກອບສ່ວນຊຸກຍູ້ກອງປະຊຸມໃຫຍ່ຄັ້ງທີ V ຂອງອົງຄະນະພັກກົມໃຫຍ່ຕຳຫຼວດສຳເລັດຜົນຕາມລະດັບຄາດໝາຍ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ