Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປກສ ເມືອງຈັນທະບູລີ ກຽມພ້ອມປ້ອງກັນບຸນອອກພັນສາ ແລະ ຊວງເຮືອ

ໃນວັນທີ 16 ຕຸລາ 2018, ທີ່ ກອງບັນຊາການ ປກສ ເມືອງຈັນທະບູລີ ນະຄອນຫຼວງວຽງຈັນ ພັທ ຊຽງພັນ ອິນທະປັນຍາ ຮອງຫົວໜ້າກອງບັນຊາການ ປກສ ເມືອງຈັນທະບູລີ ໄດ້ຖະແຫຼງຂ່າວການກຽມຄວາມພ້ອມປ້ອງກັນ ງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ປະຈໍາປີ 2018 ທ່າວັດຈັນ ທີ່ຈະຈັດຂຶ້ນ ໃນລະຫວ່າງວັນທີ 22-25 ຕຸລາ 2018; ໂດຍຈັດກຳລັງລົງປ້ອງກັນຢ່າງແໜ້ນໜາ ເພື່ອປ້ອງກັນງານ ດັ່ງກ່າວໃຫ້ມີຄວາມສະຫງົບ-ປອດໄພ.

ພັທ ຊຽງພັນ ອິນທະປັນຍາ  ກ່າວວ່າ: ງານບຸນອອກພັນສາປະວໍລະນາ ແລະ ບຸນຊ່ວງເຮືອແມ່ນບຸນປະເພນີອັນດີ ງາມຂອງຊາດກໍຄືຂອງຊາວລາວບັນດາເຜົ່າທີ່ໄດ້ ປະຕິບັດຕໍ່ກັນມາຫຼາຍຮ້ອຍປີ, ໂດຍ ສະເພາະງານບຸນຊ່ວງເຮືອທີ່ທ່າ ວັດ ຈັນ ເຊິ່ງຢູ່ໃນພື້ນທີ່ເມືອງຈັນທະບູລີ. ແຕ່ລະປີຈະມີຊາວລາວບັນດາເຜົ່າ ແລະ ຊາວຕ່າງປະເທດ ເຂົ້າມາທ່ຽວຊົມ ງານບຸນດັ່ງກ່າວ ຢ່າງຫຼວງຫຼາຍ, ເຊິ່ງອາດເປັນຊ່ອງວ່າງໃຫ້ກຸ່ມຄົນບໍ່ຫວັງດີເຂົ້າມາ ສ້າງຄວາມບໍ່ສະຫງົບໄດ້. ສະນັ້ນ, ເພື່ອ ຮັບປະກັນໃຫ້ງານບຸນດັ່ງກ່າວມີຄວາມສະຫງົບ-ປອດໄພ, ຜູ້ທີ່ມາທ່ຽວຊົມມີຄວາມເບີກບານ-ມ່ວນຊື່ນ, ຮັກສາໄດ້ຮີດຄອງ ປະເພນີອັນດີງາມຂອງຊາດ, ປກສ ເມືອງຈັນທະບູລີ ຈຶ່ງໄດ້ກຽມ ພ້ອມຮັກສາຄວາມສະຫງົບໃຫ້ຜູ້ທີ່ມາທ່ຽວ ຊົມ,  ໂດຍໄດ້ສົມທົບ ກັບທຸກພາກສ່ວນທີ່ກ່ຽວຂ້ອງ ສ້າງແຜນບັນຈຸກຳລັງປ້ອງກັນບັນດາຈຸດສະຖານທີ່ສຳຄັນຕ່າງໆ ໃນຂອບເຂດບໍລິເວນບຸນ ໂດຍ ແບ່ງອອກເປັນວົງໃນ 16 ຈຸດ ແລະ ວົງນອກ 8 ຈຸດ, 2 ສະຖານີເພື່ອແກ້ໄຂເຫດສຸກ ເສີນ, ພ້ອມທັງແຕ່ງຕັ້ງພະນັກງານ-ນັກຮົບປະຈຳການກັບທີ່ຕະຫຼອດ 24 ຊົ່ວ ໂມງ.

ນອກນັ້ນ, ຄະນະພັກ-ຄະນະບັນຊາ ກໍຄືຄະນະຮັບຜິດຊອບງານບຸນຊ່ວງເຮືອຄັ້ງນີ້ ຍັງໄດ້ເນັ້ນ ໃຫ້ທຸກກຳລັງເລົ່າຮົບ ວິຊາສະເພາະທີ່ຢູ່ໃນຄວາມຮັບຜິດຊອບມີສະຕິຕື່ນຕົວເປັນເຈົ້າການປະຕິບັດຄຳສັ່ງຂອງຂັ້ນເທິງ, ຍົກສູງຄວາມຮັບ ຜິດຊອບຕໍ່ ໜ້າທີ່ຂອງຕົນຈໍາແນກໄດ້ມິດ ແລະ ສັດຕູພ້ອມກັນເຮັດ ສໍາເລັດທຸກໜ້າທີ່ໆການຈັດຕັ້ງ ມອບໝາຍໃຫ້, ເອົາໃຈໃສ່ ສຶກສາອົບຮົມການເມືອງ-ແນວຄິດໃຫ້ ພະນັກງານ, ລັດຖະກອນ, ພໍ່-ແມ່ປະຊາຊົນບັນດາເຜົ່າໃຫ້ເຂົ້າ ໃຈແຈ້ງຄວາມ ໝາຍຄວາມສໍາຄັນຂອງງານບຸນຊ່ວງເຮືອທ່າວັດຈັນ ແລະ ພ້ອມກັນເປັນເຈົ້າການໃນ ການປະກອບສ່ວນເຂົ້າໃນວຽກງານປ້ອງ ກັນຄວາມສະຫງົບ ເປັນເຈົ້າການໃນການກໍາແໜ້ນສະພາບການເຄື່ອນໄຫວ ແລະ ຄຸ້ມ ຄອງເປົ້າໝາຍປະເພດຕ່າງທີ່ມີ ການເຄື່ອນໄຫວສ້າງຄວາມບໍ່ສະຫງົບພ້ອມທັງຮີບຮ້ອນແກ້ໄຂ ປະກົດການຫຍໍ້ທໍ້ທີ່ໄດ້ເກີດຂຶ້ນຢ່າງຮີບດ່ວນທັນເວລາ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ