ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ອຸດົມໃຊເກມ ປະສົບຜົນສຳເລັດຢ່າງຈົບງາມ
ກອງທັບ ຄອງຫຼຽນຄຳ

    ງານມະຫະກຳກິລາແຫ່ງຊາດຄັ້ງທີ X ຫຼື ອຸດົມໃຊເກມ ສຳເລັດລົງເປັນທີ່ຮຽບຮ້ອຍແລ້ວ ໃນວັນທີ 21 ທັນວາ ນີ້, ກະຊວງປ້ອງກັນປະເທດ ຫຼື ກອງທັບ ກວາດຫຼຽນຄຳມື້ສຸດທ້າຍ ແຊງນະຄອນຫຼວງ ກາຍເປັນເຈົ້າຫຼຽນຄຳເປັນຄັ້ງທຳອິດໃນປະຫັວດສາດ ໂດຍມີ 61 ຫຼຽນຄຳ, 29 ຫຼຽນເງິນ ແລະ 37 ຫຼຽນທອງ, ຮອງລົງມາແມ່ນນະຄອນຫຼວງ ມີ 55 ຫຼຽນຄຳ, 31 ຫຼຽນເງິນ ແລະ 49 ຫຼຽນທອງ, ອັນດັບ3 ກະຊວງປ້ອງກັນຄວາມສະຫງົບ ມີ 42 ຫຼຽນຄຳ, 43 ຫຼຽນເງິນ ແລະ 51 ຫຼຽນທອງ, ສ່ວນເຈົ້າພາບຢູ່ອັນ ດັບທີ 4 ມີ 33 ຫຼຽນຄຳ, 24 ຫຼຽນເງິນ ແລະ 53 ຫຼຽນທອງ, ແຂວງຊຽງຂວາງຮັບໜ້າທີ່ເປັນເຈົ້າພາບ ຈັດງານ ມະຫຳກຳກິລາແຫ່ງຊາດແຫ່ງຊາດ XI ໃນທ້າຍປີ 2017.

    ການແຂ່ງຂັນກິລາແຫ່ງຊາດ ຄັ້ງທີ X ໄດ້ໄຂຂື້ນຢ່າງເປັນທາງການ ມາແຕ່ວັນທີ 13 ທັນວາ ທີແຂວງ ອຸດົມໃຊ ໄດ້ສຳເລັດຢ່າງຈົບງາມ ໃນວັນທີ 21 ທັນວານີ້ ທີ່ສະໜາມກິລາແຂວງອຸດົມໃຊ ໂດຍມີທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ ວ່າການກະຊວງສຶກສາທິການ ແລະ ກິລາ, ທ່ານ ຄຳຫຼ້າ ລິ້ງນະສອນ ເຈົ້າແຂວງອຸດົມໃຊ, ຮອງເຈົ້າແຂວງ, ຮອງເຈົ້າແຂວງ, ນັກກິລາ ຕະຫຼອດຮອດມວນຊົນຊາວ ແຂວງອຸດົມໃຊ ເຂົ້າຮ່ວມຢ່າງຫຼວງຫຼາຍ.

    ທ່ານ ຄຳຫຼ້າ ລິ້ງນະສອນ ກ່າວວ່າ: ງານກິລາຄັ້ງນີ້ໄດ້ກຳນົດເອົາ 25 ປະເພດກິລາ, ມີ 7 ກະຊວງ, ນະຄອນຫຼວງ ແລະ 17 ແຂວງເຂົ້າຮ່ວມແຂ່ງຂັນຊິງເອົາຫຼຽນທັງໝົດ 1.148 ຫຼຽນ, ອັນດັບທີ 1 ໄດ້ແກ່ ກະຊວງປ້ອງກັນປະເທດ ໄດ້ 61 ຫຼຽນຄຳ, 29 ຫຼຽນເງິນ ແລະ 37 ຫຼຽນທອງ, ອັນດັບທີ 2 ໄດ້ແກ່ນະ ຄອນຫຼວງ ມີ 55 ຫຼຽນຄຳ 31 ຫຼຽນເງິນ ແລະ 49 ຫຼຽນທອງ, ອັນດັບທີ 3 ກະຊວງປ້ອງກັນຄວາມສະ ຫງົບ ມີ 24 ຫຼຽນຄຳ, 43 ຫຼຽນເງິນ ແລະ 51 ຫຼຽນທອງ, ສ່ວນເຈົ້າພາບອຸດົມໃຊ ຢູ່ອັນດັບທີ 4 ມີ 33 ຫຼຽນຄຳ, 24 ຫຼຽນເງີນ ແລະ 53 ຫຼຽນທອງ, ຈາກນັ້ນ ທ່ານ ດຣ. ພັນຄຳ ວິພາວັນ ໄດ້ກ່າວປິດງານ ຢ່າງເປັນທາງການ ພ້ອມທັງສະແດງຄວາມຍ້ອງຍໍຊົມເຊີຍ ຕໍ່ການນຳແຂວງອຸດົມໃຊ, ຄະນະກຳມະການ ຈັດງານ ແລະ ທຸກພາກສ່ວນທີ່ມີສ່ວນກ່ຽວຂ້ອງ ເຮັດໃຫ້ງານກິລາຄັ້ງນີ້ສຳເລັດຕາມຈຸດປະສົງລະດັບຄາດ ໝາຍ.

    ຫຼັງຈາກນັ້ນ ກໍ່ເປັນພິທີເຊີນທຸງຊາດ ແລະ ທຸງກິລາລົງຈາກຍອກເສົາ ແລະ ທ່ານ ຄຳຫຼ້າ ລິ້ງນະສອນ ເຈົ້າແຂວງອຸດົມໃຊ ກໍ່ໄດ້ມອບທຸງກິລາໃຫ້ ທ່ານ ບົວລານ ສິລິປັນຍາ ລັດຖະມົນຕີຊ່ວຍວ່າ ການກະຊວງສຶກສາທິການ ແລະ ກິລາ ແລ້ວມອບຕໍ່ໃຫ້ ທ່ານ ສຈ.ດຣ. ສົມກົດ ມັງໜໍ່ເມກ ເຈົ້າແຂວງ ຊຽງຂວາງ ເພື່ອຮັບເປັນເຈົ້າພາບຕຄັ້ງທີ XI ​ເຊິ່ງຈະ​ໄດ້​ຈັດ​ຂື້ນ​ໃນ​ທ້າຍ​ປີ 2017.

    ສຳລັບ​ງານ​ກິລາ​ແຫ່ງ​ຊາດຄັ້ງ​ທີ XI ຈະ​ເລືອກ​ເອົາ​ໄຫ​ຫິນ​ເປັນ​ສັນຍາ​ລັກ ​ແລະ ​ເລືອກ​​ເອົາ​ນົກ​ແອ່ນ ​ເປັນ​ສັດ​ນຳ​ໂຊກ. ທ່ານ ພົນ​ຈັດຕະວາ ດຣ. ສົມ​ສຸກ ສິມ​ພະ​ວົງ​ ຮອງ​ເຈົ້າ​ແຂວງ​ຊຽງ​ຂວາງ ກ່າວ​ໃນວັນ​ທີ 20 ທັນວາ​ ວ່າ: ສາ​ເຫດ​ທີ່​ເລືອກ​ເອາ​ນັກ​​ແອ່ນ​ເປັນ​ສັດ​ນຳ​ໂຊກ​ໃນ​ງານ​ກິລາ​ແຫ່ງ​ຊາດ​ຄັ້ງ​ທີ XI ​ເນື່ອງຈາກ ວ່າ​ນົກ​ແອ່ນ ​ເປັນ​ສັນຍາ​ລັກ​ຢູ່​ແຂວງ​ຊຽງ​ຂວາງ ​ເປັນ​ນົກ​ທີ່​ມັນ​ສັນຕິພາບ, ​ເປັນ​ນົກ​ທີ່​ບີນສູງ​ໄກ ​ແລະ ມີ​ສາຍ ຕາ​ແຫຼມ​ຄົມ, ສ່ວນ​​ເຫດຜົນ​ທີ​ເລືອກ​​ເອົາ​ໄຫ​ຫີນເປັນ​ສັນຍາ​ລັກ ​ເນືອງ​ຈາກ​ວ່າ​ເປັນ​ສະຖານ​ທີ​ທ່ອງ​ທ່ຽວ ສຳຄັນ​ທາງ​ປະຫວັດສາດ​ຂອງ​ແຂວງ​ຊຽງ​ຂວາງ​.

    ສຳລັບ​ການສະ​ແດງ​ເລີ້ມ​ຕົ້ນ​ດ້ວຍ​ການ​ສະ​ແດງ​ຂອງ​ແຂວງ​ຊຽງ​ຂວາງ ທີ່​ຈະ​ເປັນ​ເຈົ້າພາບ​ຄັ້ງ​ຕໍ່​ໄປມີ 3 ລາຍການ​ຄື: ຂັບ​ຊຽງ​ຂວາງ, ບົດ​​ເພັງ​ພູມພາບ​ຊຽງ​ຂວາງ ​ແລ​ະ ສາວ​ຊຽງ​ຂວາງ​ທັງ​ງາມ​ທັງ​ເກັ່ງ ຕໍ່ດ້ວຍ​ການ ສະ​ແດງ​ຂອງ​ເຈົ້າພາບ​ຄັ້ງ​ທີ X ​ແຂວງ​ອຸດົມ​ໃຊມີ 2 ລາຍການ​ຄື: ໝາກ​ຂ່າງ​ຫັນ​ສາ-ໜ້າ​ເກັກ​ຊິງ​ໄຊ ​ແລະ ອຳ​ລາ​ອາ​ໄລ ປິດ​ທ້າຍ​ດ້ວຍ​ການ​ການ​ຈູດ​ບັ້ງ​ໄຟ​ດອກ ​ເພື່ອ​ບົ່ງ​ບອກ​ວ່າ ງານ​ກິລາ​ແຫ່ງ​ຊາດ​ຄັ້ງ​ທີ X ປິດ​ລົງ ​ດ້ວຍ​ຜົນສຳ​​ເລັດ​ຢ່າງ​ສະຫງ່າ​ງາມ.

 

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ