Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
  

ປີ 2015 ທົ່ວປະເທດມີຄະດີເພີ່ມຂື້ນ ສ່ວນອຸບັດຕິເຫດຫລຸດລົງ

ກອງປະຊຸມສະຫຼຸບວຽກງານ ປ້ອງກັນຄວາມສະຫງົບທົ່ວປະເທດ ປະຈໍາປີ 2015 ໄດ້ຈັດຂຶ້ນ ໃນວັນທີ 29 ທັນວານີ້ ໂດຍການເປັນປະທານຂອງ ພົຕ ສົມແກ້ວ ສີລາວົງ ກໍາມະການສູນກາງພັກ ລັດຖະມົນຕີວ່າການກະຊວງ ປກສ ໂດຍໄດ້ຍົກໃຫ້ເຫັນຄະດີ ທີ່ເກີດຂຶ້ນໃນທົ່ວປະເທດໃນ 1 ປີຜ່ານມາມີທ່າອ່ຽງເພີ່ມຂຶ້ນ, ຂະນະທີ່ຄະດີອຸບັດຕິ ເຫດຫຼຸດລົງຖ້າທຽບໃສ່ປີ 2014.

ພົຕ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງ ປກສ ໄດ້ລາຍງານໃນກອງປະຊຸມວ່າ: ປີ 2015 ຜ່ານມາ, ກະຊວງ ປກສ ໄດ້ເອົາໃຈໃສ່ນຳກໍາລັງລົງຮາກຖານ ເຮັດໜ້າທີ່ສຶກສາອົບຮົມປະຊາຊົນຍົກສູງສະຕິ ເປັນເຈົ້າການຮັກສາຄວາມສະຫງົບ ແລະ ຄວາມລະບຽບຮຽບຮ້ອຍໃນສັງຄົມ, ສາມາດສ້າງບ້ານປ້ອງກັນ ຄວາມສະ ຫງົບດີ 3.401 ບ້ານ, ຄອບຄົວປ້ອງກັນຄວາມສະຫງົບດີ 439.905 ຄອບຄົວ, ບ້ານວັດທະນະທໍາໄດ້ 4.015 ບ້ານ, ບ້ານປອດຄະດີໄດ້ 53 ບ້ານ, ບ້ານພັດທະນາໄດ້ 15 ບ້ານ ແລະ ແກ້ໄຂຄອບຄົວທຸກຍາກໄດ້ 92.328 ຄອບຄົວ, ເກັບກໍາສະຖິຕິຄຸ້ມຄອງພົນລະເມືອງ, ຄຸ້ມຄອງສໍາມະໂນຄົວ, ກວດກາຄົນພັກເຊົາຊົ່ວຄາວ ແລະ ມີໜ້າຕົວຈິງຂຶ້ນບັນຊີ ເປົ້າໝາຍຕ່າງໆ ເພື່ອ ຕອບສະໜອງໃຫ້ວຽກງານສະກັດກັ້ນ ແລະ ແກ້ອາດຊະຍາກໍາ ປະເພດຕ່າງໆ ສະແດງອອກໄດ້ ດໍາເນີນຄະດີອາຍາເປັນຕົ້ນປຸ້ນຊັບ, ຊີງຊັບ, ລັກຊັບພົນລະເມືອງ ແລະ ຄາດຕະກໍາທີ່ເກີດຂຶ້ນໃນຂອບເຂດທົ່ວປະເທດ ທັງໝົດ 3.301 ເລື່ອງ, ສາມາດມ້າງໄດ້ 1.626 ເລື່ອງ, ກັກຕົວຜູ້ຖືກຫາ 2.115 ຄົນ, ຍິງ 103 ຄົນ. ຖ້າທຽບໃສ່ປີ 2014 ມີຄະດີ ເພີ່ມຂຶ້ນ 1.159 ເລື່ອງ.

ອຸບັດຕິເຫດເກີດຂຶ້ນທັງໝົດ  4.349 ຄັ້ງ ທຽບໃສ່ປີ 2014  ມີອຸບັດຕິເຫດຫຼຸດລົງ 1.353 ຄັ້ງ, ພາຫະນະ ເປ່ເພ 7.824 ຄັນ, ຄົນໄດ້ຮັບບາດເຈັບ 6.868 ຄົນ, ເສຍຊີວິດ 797 ຄົນ, ສະເພາະຢູ່ ນະຄອນຫຼວງວຽງຈັນ ເກີດຂຶ້ນ 1.176 ຄັ້ງ, ພາຫະນະເປ່ເພ 2.313 ຄັນ, ຄົນໄດ້ຮັບບາດເຈັບ 1.603 ຄົນ, ເສຍຊີວິດ 193 ຄົນ ທຽບໃສ່ປີ 2014 ອຸບັດຕິເຫດຫຼຸດລົງ 324 ຄັ້ງ ແລະ ຄົນເສຍຊີວິດຫຼຸດລົງ 3 ຄົນ.

     ນອກນີ້, ອັກຄີໄພເກີດຂຶ້ນ 170 ຄັ້ງ ຜົນເສຍຫາຍເຮືອນ 187 ຫຼັງ ແລະ ຫ້າງຮ້ານຈໍານວນໜຶ່ງ, ສ່ວນຫຼາຍ ຍ້ອນໄຟຟ້າລັດວົງຈອນ ແລະ ປະໝາດຜົນເສຍຫາຍ 60.587.700.000 ກີບ ທຽບໃສ່ປີ 2014 ອັກຄີໄພເພີ່ມຂຶ້ນ 12 ຄັ້ງ. ຄະດີຢາເສບຕິດເກີດຂຶ້ນທັງໝົດ 2.258 ເລື່ອງ, ກັກຕົວຜູ້ຖືກຫາ 3.246 ຄົນ, ຍິງ 555 ຄົນ ຢຶດຂອງ ກາງຢາເສບຕິດຫຼາຍປະເພດ ທຽບໃສ່ປີ 2014 ຄະດີເພີ່ມຂຶ້ນ 600 ເລື່ອງ.

ທ່ານກ່າວວ່າ: ໃນປີ 2016, ກະຊວງ ປກສ ຈະສືບຕໍ່ຫັນກໍາລັງລົງກໍ່ສ້າງຮາກຖານການເມືອງ ຕິດພັນກັບ ການພັດທະນາຊົນນະບົດຮອບດ້ານ 4 ຄາດໝາຍ 4 ເນື້ອໃນ ຕາມທິດ 3 ສ້າງຂອງພັກ-ລັດວາງອອກ ໃຫ້ປະກົດຜົນ ເປັນຈິງ, ຜັນຂະຫຍາຍຍຸດທະສາດກໍ່ສ້າງຮາກຖານການເມືອງ ພັດທະນາຊົນນະບົດຢູ່ໃນເຂດຊາຍແດນ ແລະ ຈຸດຫຼໍ່ ແຫຼມ ທີ່ອາດຈະເກີດຄວາມບໍ່ສະຫງົບ ເພື່ອປຸກລະດົມຂົນຂວາຍສຶກສາອົບຮົມ ການເມືອງ-ແນວຄິດໃຫ້ປະຊາຊົນ  ບັນດາເຜົ່າເຂົ້າໃຈຕໍ່ແນວທາງນະໂຍບາຍ ແລະ ແຜນພັດທະນາເສດຖະກິດ-ສັງຄົມ ຂອງພັກ-ລັດ, ສືບຕໍ່ແກ້ໄຂປະກົດ ການຫຍໍ້ທໍ້ໃນສັງຄົມຕິດພັນກັບການແກ້ໄຂປະກົດການຫຍ້ໍທ້ໍ ພາຍໃນກໍາລັງຢ່າງເຂັ້ມງວດ ແລະ ເດັດຂາດ, ເອົາໃຈໃສ່ ປັບປຸງຕາໜ່າງສືບຂ່າວໃຫ້ມີຄຸນນະພາບ ສາມາດກໍາແໜ້ນເປົ້າໝາຍຢ່າງຖືກຕ້ອງ ແລະ ແກ້ໄຂຮັບປະກັນຕາມລັກ ການວິຊາສະເພາະ, ຈັດຕັ້ງປະຕິບັດໂຄງການຄຸ້ມຄອງການສັນຈອນ, ຫຼຸດຜ່ອນອຸບັດຕິເຫດຕາມທ້ອງຖະໜົນຫຼວງ ແລະ ວຽກງານປ້ອງກັນອັກຄີໄພ ໂດຍຖືເອົາການໂຄສະນາເຜີຍແຜ່ ກົດລະບຽບໃນຂອບເຂດທົ່ວປະເທດ ຜ່ານສື່ມວນ ຊົນຕ່າາໆ ໃຫ້ມ່ວນຊົນໄດ້ຮັບຮູ້-ເຂົ້າໃຈ ແລະ ມີສະຕິຕື່ນຕົວໃນການຂັບຂີ່ກວ່າເກົ່າ. ກອງປະຊຸມ ດັ່ງກ່າວໄດ້ດໍາເນີນ ເປັນເວລາ 2 ວັນ.

ຕອນແລງວັນດຽວກັນ ການນໍາກະຊວງ ປກສ ຍັງໄດ້ໄປ ຊ້ອມຍິງປືນ ເພື່ອມິດຕະພາບຢູ່ສະໜາມຍິງປືນ 5 ເມສາ ໂດຍການເຂົ້າຮ່ວມຂອງ ພົຕ ສົມແກ້ວ ສີລາວົງ ເພື່ອຮັດແໜ້ນຄວາມສາມັກຄີເຊິ່ງກັນແລະກັນ.

 

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

 

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ