Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

       ກໍາລັງ ປກສ ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ

ໃນໄລຍະຜ່ານມາ, ກໍາລັງປ້ອງກັນຄວາມສະຫງົບ ໄດ້ປະກອບສ່ວນອັນສໍາຄັນເຮັດໃຫ້ປະເທດຊາດ ມີສະ ຖຽນລະພາບທາງດ້ານ ການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ ແລະ ປອດໄພ ໂດຍພື້ນ ຖານ.

ສະຫາຍ ພົຕ ກົງທອງ ພົງວິຈິດ ຮອງເລຂາຄະນະພັກ ຮອງລັດຖະມົນຕີ ກະຊວງ ປກສ ໄດ້ປະກອບຄໍາເຫັນຕໍ່ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ໃນວັນທີ 13 ມັງກອນ 2021 ວ່າ: ກໍາລັງປ້ອງກັນຄວາມສະຫງົບຍັງເປັນກໍາລັງຈົງຮັກພັກດີຕໍ່ພັກ, ຕໍ່ປະເທດຊາດ ແລະ ປະຊາຊົນ ເປັນກໍາລັງປະຈັນ ບານທີ່ເດັດດ່ຽວ, ເດັດຂາດຕ້ານການເຄື່ອນໄຫວມ້າງເພທໍາລາຍຂອງພວກອິດທິກໍາລັງປໍລະປັກ, ກຸ່ມຄົນບໍ່ດີ ຈົນສາ ມາດຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງຢ່າງໜັກແໜ້ນ ສັງຄົມມີຄວາມເປັນລະບຽບ ຮຽບຮ້ອຍ ແລະ ປອດໄພໂດຍພື້ນຖານ.

ໃນໄລຍະ 5 ປີຜ່ານມາ ອົງຄະນະພັກກະຊວງ ປກສ ໄດ້ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງສູນກາງພັກມະຕິຄໍາສັ່ງອື່ນໆຂອງພັກ-ລັດ ໂດຍຫັນທິດທາງ, ແຜນງານ, ໂຄງການ ແລະ ແຜນແມ່ບົດລະອຽດ ເພື່ອຈັດຕັ້ງດໍາເນີນການເຄື່ອນໄຫວຢ່າງເປັນເຈົ້າການ ແລະ ມີໝາກຜົນຕົວຈິງຈົນມີຜົນງານ ໃນການແກ້ໄຂອາ ຊະຍາກໍາ ແລະ ການແກ້ໄຂປະກົດການຫຍໍ້ໃນສັງຄົມ ຄຽງຄູ່ກັບການປັບປຸງກໍາລັງເຫຼົ່າຮົບວິຊາສະເພາະກໍາແໜ້ນເປົ້າ ໝາຍ, ຄຸ້ມຄອງ, ຕິດຕາມ ຕາມຫຼັກການວິຊາສະເພາະຢ່າງເຂັ້ມງວດ ແລະ ສອດຄ່ອງກັບສະພາບເປັນຈິງແຕ່ລະ ໄລຍະ; ດໍາເນີນໂຄງການວິຊາສະເພາະແກ້ໄຂບັນຫາເຊັ່ນ: ໂຄງການຕ້ານອາຊະຍາກໍາປະເພດຕ່າງໆ, ໂຄງການອັດປ່ອງ ຂ້າມລອຍຢາເສບຕິດຢູ່ພາກເໜືອ-ພາກກາງ, ໂຄງການຫຼຸດຜ່ອນອຸບັດຕິເຫດ, ໂຄງການສ້າງສູນຝຶກແອບ ແລະ ນໍາ ໃຊ້ໝາວິຊາສະເພາະ, ໂຄງການສູນບັນຊາຕໍາຫຼວດດ້ວຍເຕັກນິກທັນສະໄໝ ແລະ ໂຄງການອື່ນໆ.

ໃນ 5 ປີຜ່ານມາ, ທົ່ວປະເທດມີຄະດີເກີດຂຶ້ນທັງໝົດ 15.413 ເລື່ອງ,  ກໍາລັງປ້ອງກັນຄວາມສະຫງົບ ສາ ມາດແກ້ໄຂໄດ້ 8.363 ເລື່ອງ ເທົ່າກັບ 54,25%. ໃນນີ້, ຄະດີເສດຖະກິດເກີດຂຶ້ນ 1.385 ເລື່ອງ, ມ້າງໄດ້ 905 ເລື່ອງ ເທົ່າກັບ 65,34%, ຄະດີຢາເສບຕິດເກີດຂຶ້ນ 14.793 ເລື່ອງ ມ້າງໄດ້ 12.960 ເລື່ອງ ເທົ່າກັບ 84,08%, ຄະດີອຸບັດຕິເຫດເກີດຂຶ້ນ 29.655 ຄັ້ງ, ພາຫະນະເປ່ເພ 50.316 ຄັນ, ຄົນໄດ້ຮັບບາດເຈັບ 47.245 ຄົນ, ເສຍຊີວິດ 5.263 ຄົນ ມູນຄ່າຄວາມເສຍຫາຍ 443.445.300.000 ກວ່າກີບ.

ນອກນັ້ນ, ໄດ້ເອົາໃຈໃສ່ຫັນກໍາລັງລົງກໍ່ສ້າງຮາກຖານການເມືອງ, ຕິດພັນກັບວຽກງານ 3 ສ້າງ ຂອງພັກ ແລະ ລັດວາງອອກຢ່າງແຂງແຮງ ແລະ ຕໍ່ເນື່ອງ ໂດຍສະເພາະຢູ່ ນະຄອນຫຼວງວຽງຈັນ ແລະ 7 ແຂວງ, ພື້ນທີ່ຈຸດ ຫຼໍ່ແຫຼມຂອບເຂດຊາຍແດນ, ຫ່າງໄກສອກຫຼີກທີ່ອາດເກີດຄວາມບໍ່ສະຫງົບຂຶ້ນ ພ້ອມທັງ ປັບປຸງກໍາລັງປ້ອງກັນ ສູນກາງ, ເຄື່ອນທີ່ ແລະ ປ້ອງກັນທີ່ຕັ້ງໃຫ້ມີຄຸນນະພາບດີມີການປະກອບພາຫະນະອຸປະກອນເຕັກນິກທັນສະໄໝຈໍາ ນວນໜຶ່ງ, ເສີມກໍາລັງພົນໃຫ້ພຽງພໍຈັດຕັ້ງຝຶກແອບຮໍ່າຮຽນສິລະປະຍຸດ, ຍຸດທະວິທີ, ກຽມພ້ອມເຮັດໜ້າທີ່ ກວດກາ ລາດຕະເວນປ້ອງກັນເວນຍາມຕະຫຼອດ 24 ຊົ່ວໂມງ, ປ້ອງກັນງານສໍາຄັນ, ກິດຈະການຕ່າງໆຂອງລັດ, ລວມໝູ່ ແລະ ບຸກຄົນ ປ້ອງກັນກອງປະຊຸມຕ່າງໆທັງພາຍໃນ ແລະ ສາກົນມີຄວາມປອດໄພ 100%.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ