Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ລມຕ ພົບປະຊີ້ນຳວຽກງານຢູ່ ປກສ ແຂວງ ອັດຕະປື

ພົທ ວິໄລ ຫຼ້າຄຳຟອງ ລັດຖະມົນຕີ (ລມຕ) ກະຊວງ  ປກສ ໄດ້ເຄື່ອນໄຫວພົບປະ ແລະ ຊີ້ນໍາວຽກງານວິຊາສະເພາະຢູ່ ກອງບັນຊາການ ປກສ ແຂວງອັດຕະປື ໃນວັນທີ 25 ມັງກອນ 2019   ໂດຍການຕ້ອນຮັບຂອງ ພົຈວ ທອງຈັນ  ຈັນ ທະພົງ  ຫົວໜ້າກອງບັນຊາການ ປກສ ແຂວງອັດຕະປື ພ້ອມດ້ວຍຄະນະພັກ - ຄະນະນຳ  ແລະ ພະນັກງານຫຼັກແຫຼ່ງ ກອງບັນຊາການ ປກສ ແຂວງເຂົ້າຮ່ວມ.

ພົຈວ ທອງຈັນ ຈັນທະພົງ ຫົວໜ້າກອງບັນຊາການ ປກສ ແຂວງ ອັດຕະປື ໄດ້ລາຍງານກ່ຽວກັບການເຄື່ອນໄຫວ ວຽກງານໄລຍະ 1 ປີຜ່ານມາ, ໄດ້ເອົາໃຈໃສ່ປະຕິບັດຕາມທິດຊີ້ນໍາຂອງຂັ້ນເທິງ   ໂດຍສະເພາະແມ່ນການປ້ອງກັນສະ ກັດກັ້ນ ແລະ ແກ້ໄຂກຸ່ມຄົນບໍ່ດີທີ່ເຄື່ອນໄຫວສ້າງຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍໃຫ້ແກ່ສັງຄົມ  ດ້ວຍຮູບການໂຄສະນາໃສ່ຮ້າຍປ້າຍສີຕໍ່ການນໍາພາຂອງພັກ - ລັດ ປຸກລະດົມປະຊາຊົນຜູ້ຮູ້ເທົ່າບໍ່ເຖິງການເຄື່ອນໄຫວກະ ທຳຜິດຕໍ່ລະບຽບກົດໝາຍ ເປັນຕົ້ນແມ່ນ, ບັນຫາຂີ້ລັກ-ງັດແງະ, ປຸ້ນຈີ້ຊິງຊັບ, ບັນຫາຢາເສບຕິດ  ແລະ ການສວຍໃຊ້ ສາສະໜາ ໃນການເຄື່ອນໄຫວທີ່ບໍ່ຖືກຕ້ອງ ເຊິ່ງເປັນບັນຫາທີ່ເຮັດໃຫ້ສັງຄົມບໍ່ມີຄວາສະຫງົບ ບໍ່ມີຄວາມເປັນລະບຽບ ຮຽບຮ້ອຍ, ໃນໄລຍະຜ່ານມາກໍສາມາດແກ້ໄຂໄດ້ຫຼາຍກໍລະນີ  ດຳເນີນຄະດີຕໍ່ຜູ້ທີ່ເຄື່ອນໄຫວກະທຳຜິດຕາມຂັ້ນຕອນ ຂອງກົດໝາຍ.

ໃນໂອກາດນີ້, ພົທ ວິໄລ ຫຼ້າຄຳຟອງ ໄດ້ເນັ້ນໃຫ້ຄະນະພັກ - ຄະນະບັນຊາ ພະນັກງານ - ນັກຮົບ ທຸກສະຫາຍ  ສືບຕໍ່ເສີມຂະຫຍາຍດ້ານດ - ຜົນງານ ທີ່ເປັນມູນເຊື້ອ  ແລະ ເພີ່ມທະວີປັບປຸງແກ້ໄຂຂໍ້ບົກຜ່ອງ  ທີ່ເປັນບັນຫາຫຍໍ້ທໍ້ ໂດຍກຳແໜ້ນສະພາບການທັງພາຍໃນ ແລະ ພາຍນອກໃຫ້ທົ່ວເຖິງ ເອົາໃຈໃສ່ສຶກສາອົບຮົມພະນັກງານ - ນັກຮົບ ໃຫ້ມີຄວາມໜັກແໜ້ນ ທາງດ້ານການເມືອງ - ແນວຄິດ, ເຂັ້ມແຂງທາງດ້ານການຈັດຕັ້ງ ມີທັດສະນະຄຸນສົມບັດ, ມີລະ ບຽບວິໄນທີ່ເຂັ້ມງວດ, ເຊື່ອໝັ້ນຕໍ່ການນໍາພາຂອງພັກ, ມີຄວາມສາມັກຄີໃຫ້ແໜ້ນແຟ້ນ, ມີແບບແຜນໃນການເຄື່ອນ ໄຫວວິຊາສະເພາະໃຫ້ຖືກຕ້ອງຕາມກົດໝາຍ, ສຸມໃສ່ແກ້ໄຂປະກົດການຫຍໍ້ທໍ້ຢູ່ໃນກຳລັງໃຫ້ໝົດໄປ, ຕ້ານ ແລະ ສະ ກັດ ກັ້ນການສໍ້ລາດບັງຫຼວງໃຫ້ເດັດຂາດ ຫາກເກີດຂຶ້ນບ່ອນໃດແກ້ໄຂຢູ່ບ່ອນນັ້ນໃຫ້ທັນເວລາ  ແລະ ຖືກຕ້ອງ, ຈັດຕັ້ງ ລະບອບປະຈຳການໃຫ້ເຂັ້ມງວດ ຫັນພະນັກງານລົງກໍ່ສ້າງຮາກຖານ ປຸກລະດົມປະຊາຊົນໃຫ້ເຂົ້າຮ່ວມວຽກງານ ປ້ອງ ກັນຊາດ - ປ້ອງກັນຄວາມສະຫງົບ ທົ່ວປວງຊົນຮອບດ້ານ ເພື່ອສະກັດກັ້ນແກ້ໄຂບັນດາໜໍ່ແໜງທີ່ສ້າງຄວາມບໍ່ສະ ຫງົບທາງດ້ານການເມືອງ ຄວາມບໍ່ເປັນລະບຽບຮຽບຮ້ອຍທາງສັງຄົມ ເປັນຕົ້ນແມ່ນບັນຫາຢາເສບຕິດ, ສໍ້ໂກງຊັບ, ລັກຊັບ, ອຸປະຕິເຫດຕາມທ້ອງຖະໜົນ ແກ້ໄຂຄົນຕ່າງປະເທດທີ່ມາເຄື່ອນໄຫວຜິດກົດໝາຍຂອງ ສປປ ລາວ, ແກ້ໄຂ ບັນຫາໂສເພນີ  ແລະ  ບັນຫາການຄ້າມະນຸດໃຫ້ຫຼຸດນ້ອຍລົງ.

ນອກນັ້ນ, ກໍໃຫ້ຄົ້ນຫາທ່າແຮງໃນການເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ ໂດຍການປູກ ຝັງ - ລ້ຽງສັດ ແລະ ວຽກງານອື່ນໆທີ່ຖືກຕ້ອງຕາມກົດໝາຍ ເພື່ອສ້າງາຍໄດ້ໃຫ້ແກ່ກົມກອງ ແລະ    ຊ່ວຍແກ້ໄຂຊີ ວິດການເປັນຢູ່ຂອງພະນັກງານໃນເວລາຈຳເປັນ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ