Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບນະຄອນຫຼວງວຽງຈັນ 43 ປີ

       ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບນະຄອນຫຼວງວຽງຈັນ ຄົບຮອບ 43 ປີ ( 26 ສິງຫາ 1975-26 ສິງຫາ 2018 ) ໄດ້ຈັດຂຶ້ນໃນວັນທີ 24 ສິງຫາ 2018 ໂດຍມີ ທ່ານ ອານຸພາບ ຕຸນາລົມ ຮອງເຈົ້າຄອງນະຄອນຫຼວງວຽງຈັນ, ມີຄະນະກອງບັນຊາການ, ຄະນະກອງບັນຊາການ ປກສ 9 ຕົວເມືອງ, ຫ້ອງ, ກອງ, ຄ້າຍຄຸມຂັງ, ພະນັກງານອາວຸໂສບໍານານ, ແຂກຮັບເຊີນ ແລະ ພະນັກງານຫຼັກແຫຼ ອ້ອມ ຂ້າງ ປກສ ນະຄອນຫຼວງເຂົ້າຮ່ວມ.

ໃນພິທີ, ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ຂຶ້ນກ່າວບົດ ຫວນຄືນມູນເຊື້ອວັນສ້າງຕັ້ງກຳລັງ ປກສ ນະຄອນຫຼວງວຽງຈັນ ໂດຍມີບາງຕອນ ທ່ານກ່າວວ່າ: ໂດຍສືບຕໍ່ມູນ ເຊື້ອການກຳເນີນ ແລະ ເຕີບໃຫຍ່ຂະຫຍາຍຕົວຂອງກຳລັງປ້ອງກັນຄວາມສະຫງົບປະຊາຊົນ ເຊິ່ງໄດ້ສ້າງຕັ້ງຂຶ້ນ ວັນທີ 5 ເມສາ 1961 ມາຮອດກາງປີ 1975 ພາຍຫຼັງຢຶດອຳນາດວັນທີ 23 ສິງຫາ 1975, ສອງ-ສາມວັນຕໍ່ມາ ກົມການເມືອງສູນກາງພັກ, ຄະນະພັກການທະຫານສູນກາງ ປະທານ ຄຳໄຕ ສີພັນດອນ ໄດ້ເອີ້ນທ່ານ ບຸນມາ ມີທອງ ໄປພົບ ແລະ  ໄດ້ມອບໝາຍໜ້າທີ່ໃຫ້ເພິ່ນ  ເປັນຫົວໜ້າຕຳຫຼວດ  ຮັບຜິດຊອບແຂວງກຳແພງນະຄອນ   ( ນະຄອນຫຼວງວຽງຈັນ ໃນປັດຈຸບັນ ),   ຈາກຄວາມໝາຍຄວາມສຳຄັນໃນປະຫວັດສາດນັ້ນ, ກະຊວງປ້ອງ ກັນຄວາມສະຫງົບ ຈຶ່ງໄດ້ອອກຂໍ້ຕົກລົງສະບັບເລກທີ 1798/ປກສ, ລົງວັນທີ 8 ຕຸລາ 2015 ຮັບຮອງ ເອົາວັນທີ 26 ສິງຫາ 1975 ເປັນວັນສ້າງຕັ້ງກຳລັງປ້ອງກັນຄວາມສະຫງົບນະຄອນຫຼວງວຽງຈັນ.

ນັບແຕ່ໄດ້ຮັບການສ້າງຕັ້ງເຖິງປັດຈຸບັນ ກໍາລັງ ປກສ ນະຄອນຫຼວງວຽງຈັນ ໄດ້ທຸ່ມເທເຫື່ອແຮງ, ສະຕິປັນຍາ ແລະ ການເສຍສະລະໃນການຕໍ່ສູ້ຕ້ານກັບກຸ່ມຄົນບໍ່ດີ, ດ້ວຍຜົນງານ ແລະ ຄຸນງາມຄວາມ ດີດັ່ງກ່າວ, ພັກ-ລັດ ຈຶ່ງໄດ້ຕົກລົງຍ້ອງຍໍສັນລະເສີນ ກອບັນຊາການ ປກສ ນະຄອນຫຼວງວຽງຈັນ ຄື: ມອບ ຮັບຫຼຽນໄຊອິດສະຫຼະຊັ້ນ I ຈໍານວນ 2 ໜ່ວຍ, ຫຼຽນໄຊອິດສະຫຼະຊັ້ນ II ຈຳນວນ 2 ໜ່ວຍ, ຫຼຽນໄຊ ອິດສະຫຼະຊັ້ນ III ຈຳນວນ 2 ໜ່ວຍ, ຫຼຽນໄຊແຮງງານຊັ້ນ I ຈຳນວນ 1 ໜ່ວຍ, ຫຼຽນໄຊແຮງງານຊັ້ນ II ຈຳນວນ 4 ໜ່ວຍ, ຫຼຽນໄຊແຮງງານຊັ້ນ III ຈຳນວນ 3 ໜ່ວຍ.

ເພື່ອສືບຕໍ່ເສີມຂະຫຍາຍມູນເຊື້ອອັນດີງາມຂອງກຳລັງ ປກສ ນະຄອນຫຼວງວຽງຈັນ ທີ່ຍາດມາໄດ້ໃນ ໄລຍະຜ່ານມາ, ໃນຕໍ່ໜ້າຄະນະນໍາກອງບັນຊາການ ພ້ອມດ້ວຍພະນັກງານ-ນັກຮົບ ຈະສຸມໃສ່ເພີ່ມທະວີການ ປະຕິບັດຕາມພາລະບົດບາດຂອງກອງບັນຊາການ ໃນການປົກປັກຮັກສາຄວາມເປັນລະບຽບຮຽບຮ້ອຍຂອງສັງ ຄົມ, ເອົາໃຈໃສ່ແກ້ໄຂປະກົດການຫຍໍ້ໍທໍ້ໃນສັງຄົມໃຫ້ມີຄວາມຮັບປະກັນ, ສຸມໃສ່ວຽກງານກໍ່ສ້າງຮາກຖານ ການເມືອງ, ນໍາພາວຽກງານ ປກຊ-ປກສ ຢູ່ທ້ອງຖິ່ນຮາກຖານໃຫ້ມີຄວາມໜັກແໜ້ນເຂັ້ມແຂງ, ແກ້ໄຂປະກົດ ການຫຍໍ້ທໍ້ ແລະ ຄວາມບໍ່ເປັນລະບຽບຮຽບຮ້ອຍໃນຕົວເມືອງນະຄອນຫຼວງວຽງຈັນໃຫ້ຫຼຸດລົງຢ່າງຈະແຈ້ງ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ