Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຄະນະກໍາມະການຄວບຄຸມໄພພິບັດ ລົງກວດກາສະພາບນໍ້າຖ້ວມຢູ່ຄ້າຍຄຸມຂັງ-ດັດສ້າງຕານປ່ຽວ

          ຄະນະກໍາມະການ ຄວບຄຸມໄພພິບັດ ຂັ້ນກະຊວງ ປກສ ຮ່ວມກັບ ກົມຕໍາຫຼວດຄຸມຂັງ - ດັດສ້າງ ກະຊວງ ປກສ ໄດ້ລົງກວດກາສະພາບນໍ້າຖ້ວມ ຢູ່ຈຸດໂຄງການກໍ່ສ້າງຄ້າຍຄຸມຂັງ - ດັດສ້າງຕານປ່ຽວ ເມືອງທຸລະຄົມ ແຂວງວຽງ ຈັນ ໃນວັນທີ 10 ກັນຍາ 2018, ນໍາໂດຍ ພົຈວ ອຸ່ນຫຼ້າ ວົງພະຈັນ ຮອງຫົວໜ້າ ກົມໃຫຍ່ການເມືອງ, ພ້ອມດ້ວຍຄະ ນະກໍາມະການຄວບຄຸມໄພພິບັດຂັ້ນກະຊວງ.

ພັອ ສົມລິດ ດາວຮຸ່ງສຸລິ ຫົວໜ້າກົມຕຳຫຼວດຄຸມຂັງ - ດັດສ້າງ ໄດ້ໃຫ້ຮູ້ວ່າ: ຄ້າຍຄຸມຂັງ - ດັດສ້າງຕານປ່ຽວ ເປັນຄ້າຍທີ່ສ້າງຂຶ້ນໃໝ່ ໂດຍບໍລິສັດ ດາລາຈະເລີນ ກໍ່ສ້າງຂົວທາງ ຈໍາກັດ ເປັນຜູ້ຮັບເໝົາ ແລະ ໄດ້ເລີ່ມການກໍສ້າງມາ ແຕ່ປີ 2013 ຈົນເຖິງປັດຈຸບັນແມ່ນສໍາເລັດແລ້ວ 70%, ເປັນການອອກແບບທີ່ໄດ້ມາດຕະຖານລະດັບສາກົນ, ເຂດ ການກໍ່ສ້າງມີເນື້ອທີ່ທັງໝົດ 30 ເຮັກຕາ, ມີ 72 ອາຄານ, ໃນນີ້ອາຄານປະເພດກັກຂັງມີ 11 ອາຄານ, ສາມາດບັນຈຸໄດ້ ປະມານ 5.000-6.000 ຄົນ ແລະ ໃນທ້າຍປີ 2018 ແມ່ນຈະເປີດນໍາໃຊ້ອາຄານຈໍານວນໜຶ່ງ ແລະ ສ່ວນທີ່ເຫຼືອ ແມ່ນຈະໄດ້ສືບຕໍ່ສ້າງໃຫ້ສໍາເລັດ. ເຊິ່ງປັດຈຸບັນ ໂຄງການກໍ່ສ້າງຄ້າຍຄຸມຂັງ - ດັດສ້າງຕານປ່ຽວ ກຳລັງເປັນອີກຈຸດໜຶ່ງທີ່ ໄດ້ຮັບຜົນກະທົບຈາກອຸທົກກະໄພໃນຄັ້ງນີ້.

ຜ່ານການລົງກວດກາຕົວຈິງ ຂອງຄະນະກຳມະການຄວບຄຸມໄພພິບັດ ຂັ້ນກະຊວງ ເຫັນວ່ານໍ້າຂຶ້ນມາຮອດກໍາ ແພງ ເຊິ່ງໄດ້ຖ້ວມແຕ່ຂອບເຂດກໍາແພງດ້ານໜ້າ; ສໍາລັບດ້ານຂ້າງ, ດ້ານຫຼັງ ແລະ ດ້ານໃນແມ່ນນໍ້າຂຶ້ນບໍ່ເຖິງຍ້ອນວ່າຈຸດ ທີ່ກໍ່ສ້າງແມ່ນຈຸດທີ່ສູງ ເອີ້ນວ່າດອນທາດ; ໃນບັນດາ 72 ອາຄານແມ່ນມີ 1 ອາຄານທີ່ນໍ້າເຂົ້າຖ້ວມເຊິ່ງແມ່ນອາຄານທີ່ ເປັນຈຸດຢ້ຽມຍາດ, ບ່ອນທີ່ຮັບເຄື່ອງ, ສໍາລັບເສັ້ນທາງເຂົ້າ - ອອກຄ້າຍແມ່ນຖືກນໍ້າຖ້ວມຍາວປະມານ 300-400 ແມັດ ແລະ ອີກປະມານ 400-500 ແມັດ ທີ່ເປັນທາງເຂົ້າໄປບ້ານສຸກສາລາ ແມ່ນນໍ້າຍັງບໍ່ຖ້ວມ ເຊິ່ງມາຮອດປັດຈຸບັນ ຖ້າທຽບໃສ່ໄລຍະຜ່ານມາເຫັນວ່ານໍ້າໄດ້ຫຼຸດລົງປະມານ 40 - 50 ຊັງຕີແມັດ, ສໍາລັບການກໍ່ສ້າງຈະສືບຕໍ່ປະຕິບັດໃຫ້ ສໍາເລັດ.

          ໃນຕໍ່ໜ້າຖ້າຫາກວ່າມີຝົນຕົກຕື່ມອີກ ຫຼື ລະດັບນໍ້າເພີ່ມຂຶ້ນ ຄະນະຮັບຜິດຊອບຈະໄດ້ຕິດຕາມ, ສະເພາະກໍາ ແພງຢູ່ຈຸດທີ່ຖືກນໍ້າຖ້ວມຂັງເປັນເວລາດົນ ຈະຕ້ອງມີການພິຈາລະນາ ແລະ ສະເໜີຂັ້ນເທິງ ເພື່ອຊອກຫາວິທີການແກ້ ໄຂໃຫ້ທັນເວລາ ເພື່ອບໍ່ໃຫ້ກໍາແພງໄດ້ຮັບຄວາມເສຍຫາຍ, ສໍາລັບອາຄານທີ່ສ້າງຍັງບໍສໍາເລັດ ທີ່ພື້ນຍັງມີລັກສະນະຕໍ່າ ກໍຈະມີການຄົ້ນຄວ້າຍົກພື້ນຂຶ້ນຕື່ມ ເພື່ອບໍ່ໃຫ້ເກີດນໍ້າຖ້ວມ.

         ໂອກາດດຽວກັນຄະນະກໍາມະການຄວບຄຸມໄພພິບັດຂັ້ນກະຊວງ ໄດ້ສໍາຫຼວດພື້ນທີ່ຄວາມເສຍຫາຍພາຍໃນ ເຂດບ້ານເວີນຄໍາ, ຫາດສວນ, ຕານປ່ຽວ ແລະ ຫາດກ້ຽງ ເພື່ອນໍາໄປລາຍງານຂັ້ນເທິງ ໃນການຊອກຫາວິທີການແກ້ໄຂ ປະຊາຊົນທີ່ຖືກຜົນກະທົບໃນຄັ້ງນີ້.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ