Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

       ຮທມ ເປີດການຮຽນ-ການສອນອະນຸປະລິນຍາທິດສະດີການເມືອງ-ການບັນຊາ ຮຸ່ນທີ XV ພ້ອມທັງສະເຫຼີມສະຫຼອງວັນຄູແຫ່ງຊາດ

 

ໂຮງຮຽນທິດສະດີການເມືອງ ປກສ ( ຮທມ ປກສ) ໄດ້ເປີດການຮຽນ-ການສອນອະນຸປະລິນຍາທິດສະດີ ການເມືອງ-ການບັນຊາ ຮຸ່ນທີ XVພ້ອມທັງສະເຫຼີມສະຫຼອງວັນຄູແຫ່ງຊາດ ທີ 7 ຕຸລາ ຄົບຮອບ 26 ປີ ຂຶ້ນໃນ ວັນທີ 6 ຕຸລາ 2020 ໂດຍການເປັນປະທານຂອງ ພັອ ຊາຍຄອງ ເພັດຊະວົງ ອໍານວຍການໂຮງຮຽນທິດສະດີ ການເມືອງ ປກສ ໂດຍມີ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງ ປກສ ພ້ອມດ້ວຍ ຄະນະພັກ-ຄະນະບັນຊາ, ພະນັກງານ-ຄູອາຈານ ແລະ ນັກສຶກສາເຂົ້າຮ່ວມ.

ພັທ ຄໍາແວ່ນ ສີຫາລາດ ຮອງອໍານວຍການໂຮງຮຽນທິດສະດີການເມືອງ ປກສ ໄດ້ຂຶ້ນຜ່ານແຜນການເປີດ ການຮຽນ-ການສອນອະນຸປະລິນຍາທິດສະດີການເມືອງ-ການບັນຊາ ຮຸ່ນທີ XV ວ່າ: ນັກສຶກສາອະນຸປະລິນຍາ ທິດສະດີການເມືອງ-ການບັນຊາ ຮຸ່ນທີ XV ມີຈໍານວນພົນທັງໝົດ 50 ສະຫາຍ ຍິງ 9 ສະຫາຍທີ່ມາຈາກ ບັນດາກົມກອງອ້ອມ ຂ້າງກະຊວງ ເຊິ່ງຈະໄດ້ຮຽນ 41 ວິຊາ 2 ປີ ມີ 4 ພາກຮຽນ ລວມມີ 80 ໜ່ວຍກິດ ເທົ່າກັບ 1.712 ຊົ່ວໂມງ; ພາກ ທິດສະດີມີ 78 ໜ່ວຍກິດ, ປ້ອງກັນບົດຈົບຊັ້ນ 2 ໜ່ວຍກິດ, ຮຽນຕົວຈິງມີ 936 ຊົ່ວໂມງ, ກຽມສໍາມະນາ 90 ຊົ່ວໂມງ, ສໍາມະນາ 165 ຊົ່ວໂມງ, ໄປທັດສະນະສຶກສາ 42 ຊົ່ວໂມງ, ທວນເສັງ 93 ຊົ່ວໂມງ, ແກ້ຂໍ້ຂ້ອງໃຈ ແລະ ສອບເສັງ 175 ຊົ່ວໂມງ, ຂຽນບົດຈົບຊັ້ນ 105 ຊົ່ວໂມງ ແລະ ເວລາສໍາຮອງ 70 ຊົ່ວໂມງ ຄາດກະການຈັດຕັ້ງ ປ້ອງກັນບົດຈົບຊັ້ນ ແລະ ປິດຊຸດຮຽນໃນທ້າຍເດືອນ 6 ປີ 2022.

ໃນວາລະດັ່ງກ່າວ, ພົຈວ ປອ ສຸວັນນີ ສີສຸພາບມີໄຊ ໄດ້ຮຽກຮ້ອງມາຍັງບັນດາພະນັກງານຄູ-ອາຈານ, ນັກສຶກສາແຕ່ລະສະຫາຍຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນຄື ການຮຽນ-ການສອນ, ການຮັບ ໃຊ້ມີຄວາມອົດທົນຜ່ານຜ່າອຸປະສັກ ແລະ ຂໍ້ຫຍຸ້ງຍາກຕ່າງໆ ເພື່ອບັນລຸຕາມລະດັບຄາດໝາຍຂອງແຜນການຮຽນ-ການສອນ.

ພັທ ຄໍາປານ ທິພະຄຸນ ຫົວໜ້າຫ້ອງນັກສຶກສາ ຮຸ່ນທີ XV ໃຫ້ສໍາພາດວ່າ: ຕົນເອງແມ່ນມີຄວາມພາກພູມ ໃຈເປັນຢ່າງສູງ ແລະ ສະແດງຄວາມຮູ້ບຸນຄຸນຢ່າງລົ້ນເຫຼືອທີ່ຄະນະພັກຂັ້ນເທິງໄດ້ໃຫ້ ໂອກາດມາສຶກສາຕໍ່ທີ່ໂຮງຮຽນ ທິດສະດີການເມືອງແຫ່ງນີ້ ແລະ ຂໍໃຫ້ຄໍາໝັ້ນສັນຍາວ່າ ຈະເອົາໃຈໃສ່ຄົ້ນຄວ້າຮໍ່າຮຽນ, ຝຶກຝົນຫຼໍ່ຫຼອມຕົນເອງໃຫ້ ກາຍເປັນພະນັກງານນໍາພາ-ບັນຊາທີ່ມີຄວາມຮູ້-ຄວາມສາມາດທາງດ້ານທິດສະດີການເມືອງ,​ ມີຄວາມຊື່ສັດບໍລິສຸດ ຕໍ່ພັກ, ຕໍ່ປະເທດຊາດ, ຕໍ່ມະຫາຊົນ ແລະ ມີທັດສະນະມະຫາຊົນ.

ໃນໂອກາດດຽວກັນ ຮທມ ປກສ ກໍໄດ້ສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ ( 7 ຕຸລາ 1994- 7 ຕຸລາ 2020 ) ເຊິ່ງໄດ້ມີການເລົ່າມູນເຊື້ອ 7 ຕຸລາ, ມີການແຂ່ງຂັນຂະບວນການແຂ່ງຂັນກິລາບານສົ່ງ, ເປຕັງ, ຂະບວນການອະນາໄມ ແລະ ຂະບວນການສອນດີ-ສອນເກັ່ງເພື່ອເປັນການຍ້ອງຍໍຄູ-ອາຈານ ໃນນັ້ນ, ພັອ ຊາຍຄອງ ເພັດຊະວົງ ໃຫ້ໄດ້ຮູ້ເຖິງຜົນງານການເຄື່ອນໄຫວວຽກງານການຮຽນ-ການສອນນັບແຕ່ມື້ສ້າງຕັ້ງເປັນຕົ້ນມາສາມາດ ກໍ່ສ້າງນັກສຶກສາໄດ້ 1.558 ສະຫາຍ ໃນນັ້ນ, ມີລະບົບເລັ່ງລັດ 5 ເດືອນ ລວມມີ 12 ຮຸ່ນ  ມີຈໍານວນ 657 ສະຫາຍ ຍິງ 55 ສະຫາຍ, ການສຶກສາຊັ້ນສູງ ແລະ ອະນຸປະລິນຍາທິດສະດີການເມືອງ-ການບັນຊາໄດ້ທັງໝົດ 13 ຮຸ່ນ ມີຈໍານວນ 789 ສະຫາຍ ຍິງ 90 ສະຫາຍ ຍັງສືບຕໍ່ຮຽນ 2 ຮຸ່ນຄື ຮຸ່ນທີ 14 ແລະ 15 ມີຈໍານວນ 121 ສະຫາຍ ຍິງ 21 ສະຫາຍ ແຕ່ລະຮຸ່ນທີ່ຈົບໄປແລ້ວເຫັນວ່ານັກສຶສາທຸກສະຫາຍມີຄຸນທາດການເມືອງໜັກແໜ້ນ ຫຼາຍສະຫາຍໄດ້ຮັບການເລື່ອນຊັ້ນຫຼາຍສະຫາຍໄດ້ຮັບຕໍາແໜ່ງເປັນຫົວໜ້າ ແລະ ກອງບັນຊາການ, ຫົວໜ້າ ແລະ ຮອງກົມ, ຫົວໜ້າ ແລະ ຮອງກອງບັນຊາການ ແລະ ອື່ນໆ. ສໍາລັບຄູອາຈານກໍໄດ້ຮັບການຍ້ອງຍໍສອນດີ-ຮຽນເກັ່ງມີ 3 ປະເພດຄື: ປະເພດ 1 ລັດຖະມົນຕີຍ້ອງຍໍມີ 9 ສະຫາຍ; ປະເພດ 2 ກົມໃຫຍ່ການເມືອງ ປກສ ຍ້ອງຍໍມີ 9 ສະຫາຍ ແລະ ປະເພດ 3 ໂຮງຮຽນທິດສະດີການເມືອງ ປກສ ຍ້ອງຍໍມີ 5 ສະຫາຍ.

ເພື່ອເປັນການຮູ້ບຸນຄຸນຄູ-ອາຈານ; ພັທ ໂພໄຊ ຫົງຄໍາ ຫົວໜ້າຫ້ອງນັກສຶກສາຮຸ່ນທີ 14 ກ່າວວ່າ: ເນື່ອງ ໃນໂອກາດວັນຄູແຫ່ງຊາດ 7 ຕຸລາ ໃນນາມຕາງໜ້ານັກສຶກສາ ຂໍອວຍພອນໄຊໃຫ້ບັນດາຄູ-ອາຈານທຸກທົ່ວໜ້າ ເວົ້າລວມ, ເວົ້າສະເພາະແມ່ນບັນດາຄູ-ອາຈານພາຍໃນໂຮງຮຽນທິດສະດີການເມືອງ ປກສ ຈົ່ງມີສຸຂະພາບແຂງແຮງ ປະສົບຜົນສໍາເລັດໃນໜ້າທີ່ວຽກງານ ສືບຕໍ່ຊີ້ນໍາ-ນໍາພາວຽກງານການຮຽນ-ການສອນໃຫ້ມີຄຸນນະພາບຍິ່ງຂຶ້ນກວ່າ ເກົ່າ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ