Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ກະຊວງ ປກສ ປາຖະກະຖາວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ

ກະຊວງປ້ອງກັນຄວາມສະຫງົບ ໄດ້ຈັດພິທີປາຖະກະຖາມູນເຊື້ອ ວັນສ້າງຕັ້ງ ເມືອງ ວຽງໄຊ-ຖານທີ່ໝັ້ນຂອງ ການປະຕິວັດລາວຄົບຮອບ 50 ປີ ( 30 ພະຈິກ 1968-30 ພະຈິກ 2018) ໃນວັນທີ 6 ພະຈິກ 2018 ຜ່ານມານີ້, ໃຫ້ກຽດປາຖະກະຖາໂດຍ ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງ ປກສ, ມີບັນດາຄະນະພັກກະຊວງ, ຫົວໜ້າກົມໃຫຍ່ອ້ອມຂ້າງ, ຄະນະກອງບັນຊາການ, ຄະນະພະແນກເຂົ້າຮ່ວມ.

ພົຕ ສິນທະວົງ ໄຊຍະກອນ ໄດ້ຍົກໃຫ້ຮູ້ຄວາມໝາຍຄວາມສຳຄັນ ແລະ ຄວາມເປັນມາຂອງ ເມືອງ ວຽງໄຊ-ຖານທີ່ໝັ້ນວ່າ: ເມືອງວຽງໄຊ-ຖານທີ່ໝັ້ນ ເປັນບ່ອນກໍາເນີດອົງການເເນວລາວຮັກຊາດ, ເຊິ່ງເປັນໃຈກາງແຫ່ງການເຕົ້າ ໂຮມຄວາມສາມັກຄີ ທົ່ວປວງຊົນທັງຊາດ ດັ່ງໂຄງການການເມືອງຂອງພັກໄດ້ກຳນົດວ່າ: ມະຫາສາມັກຄີທົ່ວປວງຊົນ, ສ້າງຕັ້ງແນວໂຮມເອກະພາບແຫ່ງຊາດຢ່າງກວ້າງຂວາງ ໂດຍຕັ້ງຢູ່ບົນພື້ນຖານ ພັນທະພາບກຳມະກອນ-ຊາວນາ ນຳພາ ປະຊາຊົນລາວບັນດາເຜົ່າ ຈັດຕັ້ງປະຕິບັດແນວທາງແຜນນະໂຍບາຍ ຂອງພັກປະຊາຊົນ ປະຕິວັດລາວ, ເປັນອົງການແນວ ໂຮມ ຊຶ່ງປະຕິບັດແນວທາງມະຫາຊົນຂອງພັກ ແລະ ເຕົ້າໂຮມຄວາມສາມັກຄີທຸກກຳລັງທີ່ຮັກຊາດ ເພື່ອສ້າງກຳລັງແຮງ ສັງລວມຕີເອົາຊະນະສັດຕູຢ່າງເຂັ້ມແຂງ ແລະ ເປັນບ່ອນກໍ່ສ້າງ ແລະ ຂະຫຍາຍກຳລັງປະກອບອາວຸດ, ກໍ່ສ້າງ ແລະ ປົກ ປັກຮັກສາຖານທີ່ໝັ້ນການປະຕິວັດ, ຕະຫຼອດໄລຍະຜ່ານມາ, ກຳລັງປະກອບອາວຸດໄດ້ເຕີບໃຫຍ່ ຂະຫຍາຍຕົວຢ່າງແຂງ ແຮງ, ກາຍເປັນກຳລັງຫຼັກແຫຼ່ງໃນສົງຄາມປະຊາຊົນປົດປ່ອຍຊາດ ທັງເຂັ້ມແຂງທາງດ້ານປະລິມານ ແລະ ຄຸນນະພາບ, ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງມີຄວາມເຂັ້ມແຂງ ແລະ ມີບົດຮຽນໃນການສູ້ຮົບ, ມີຄວາມເດັດດ່ຽວໜຽວແໜ້ນ ແລະ ພິລະອາດຫານ ເຮັດໃຫ້ການປະຕິບັດງານມີຜົນສຳເລັດ ໃນແຕ່ລະໄລຍະການສູ້ຮົບ ແລະ ມາຮອດປີ 1968 ເຂດ ປົດປ່ອຍໄດ້ຮັບການປົກປັກຮັກສາ ແລະ ເປີດກວ້າງເຮັດໃຫ້ຕິດລ່ຽນກັນ ແຕ່ພາກເໜືອລົງຮອດພາກໃຕ້ ພ້ອມທັງໄດ້ຮັບ ການກໍ່ສ້າງ ແລະ ປັບປຸງປ່ຽນແປງ ໃນທຸກດ້ານຕາມຂະໜາດ ເຮັດໃຫ້ມີການພັດທະນາດີຂຶ້ນເປັນກ້າວໆ.

ເພື່ອສືບຕໍ່ເສີມຂະຫຍາຍມູນເຊື້ອວິລະຊົນ ເມືອງ ວຽງໄຊ-ຖານທີ່ໝັ້ນ ຂອງການປະຕິວັດລາວ ດັ່ງນັ້ນ, ທ່ານ ຮອງລັດຖະມົນຕີກະຊວງ ປກສ ຊີ້ນຳໃຫ້ບັນດາຜູ້ເຂົ້າຮ່ວມພິທີ ຈົ່ງພ້ອມກັນເຊື່ອມຊຶມ, ກຳແໜ້ນເອົາມູນເຊື້ອສຳຄັນ ດັ່ງກ່າວນີ້ ໄປຈັດຕັ້ງເຜີຍແຜ່ ໃຫ້ບັນດາພະນັກງານທີ່ຂຶ້ນກັບຄວາມຮັບຜິດຊອບຂອງຕົນຮັບຮູ້ຢ່າງທົ່ວເຖິງ ເປັນຕົ້ນແມ່ນ ເສີມຂະຫຍາຍມູນເຊື້ອແຫ່ງການຊີ້ນຳ-ນຳພາຂອງພັກ, ມູນເຊື້ອຮັກຊາດ, ຕໍ່ສູ້ພິລະອາດຫານຂອງກອງທັບ ແລະ ປະຊາ ຊົນລາວບັນດາເຜົາ, ມູນເຊື້ອຄວາມສາມັກຄີທົ່ວປວງຊົນທັງຊາດພາຍໃຕ້ການນຳພາຂອງພັກ, ມູນເຊື້ອຄວາມດຸໝັ່ນ ຂະຫຍັນພຽນ ໃນການອອກແຮງງານຂອງປະຊາຊົນລາວບັນດາເຜົ່າ ແລະ ເສີມຂະຫຍາຍມູນເຊື້ອການປະດິດຄິດສ້າງ ທາງດ້ານສິລະປະ-ວັດທະນະທຳ ເພື່ອຮັບປະກັນໃຫ້ການປົກປັກຮັກສາ ສປປ ລາວ ກໍຄືເມືອງວຽງໄຊ-ຖານທີ່ໝັ້ນຂອງ ການປະຕິວັດລາວ ໃຫ້ເຂົ້າສູ່ລວງເລິກ ແລະ ກວ້າງຂວາງຂຶ້ນເລື້ອຍໆ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ