Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປະດັບຫຼຽນຄຳ, ຫຼຽນໄຊ ແລະ ຍ້ອງຍໍ ໃຫ້ກະຊວງ ປ້ອງກັນປະເດທ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກອງທັບ ຄົບຮອບ 70 ປີ

          ພິທີປະດັບຫຼຽນຄຳ ແຫ່ງຊາດ, ໃຫ້ກະຊວງປ້ອງກັນປະເທດ ຈັດຂຶ້ນໃນວັນທີ 18 ມັງກອນ 2019 ທີ່ກະ ຊວງປ້ອງກັນປະເທດ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ (20 ມັງ ກອນ 1949-20 ມັງກອນ 2019), ໃຫ້ກຽດເຂົ້າຮ່ວມໂດຍ ທ່ານ ບຸນຍັງ ວໍລະຈິດ ປະທານປະເທດ, ມີແຂກຮັບເຊີນ, ບັນດາຄະນະພັກ-ຄະນະນຳກະຊວງ ພ້ອມດວ້ຍພະນັກງານຫຼັກແຫຼ່ງອ້ອມຂ້າງ ກະຊວງເຂົ້າຮວ່ມ.

          ໃນພິທີ, ທ່ານ ສີພຸກ ວົງພັກດີ ຮອງລັດຖະມົນຕີ ກະຊວງພາຍໃນ ໄດ້ຂຶ້ນຜ່ານລັດຖະດຳລັດ ຂອງປະທານປະ ເທດ ສະບັບ ເລກທີ 294/ປປທ ລົງວັນທີ 21 ພະຈິກ 2018 ວ່າດ້ວຍການປະດັບຫຼຽນຄໍາ ແຫ່ງຊາດ ເຊິ່ງເປັນຫຼຽນ ສູງສຸດ ຂອງສາທາລະນະລັດ ປະຊາທິປະໄຕ ປະຊາຊົນລາວ ໃຫ້ກະຊວງປ້ອງກັນປະເທດ ທີ່ມີຜົນງານອັນໃຫຍ່ຫຼວງໃນ ການຕໍ່ສູ້ກູ້ຊາດ ຕ້ານຈັກກະພັດຜູ້ຮຸກຮານ ແລະ ໄລຍະແຫ່ງການປົກປັກຮັກສາ ແລະ ພັດທະນາປະເທດຊາດ ກອງທັບ ຍາມໃດກໍ່ຈົງຮັກພັກດີຕໍ່ປະເທດຊາດ ປົກປັກຮັກສາຜືນແຜ່ນດິນອັນຄົບຖ້ວນຂອງ ສປປ ລາວ ໄດ້ເປັນຢ່າງດີເຮັດໃຫ້ ສປປ ລາວ ມີຄວາມສະຫງົບ ໃຫ້ກຽດຂຶ້ນປະດັບຫຼຽນຄຳແຫ່ງຊາດ ໂດຍ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ.

          ຈາກນັ້ນ, ພົນຕີ ອ່ອນສີ ແສນສຸກ ຮອງລັດຖະມົນຕີ ກະຊວງປ້ອງກັນປະເທດ ໄດ້ຂຶ້ນຜ່ານລັດຖະດຳລັດ ຂອງປະທານປະເທດ ສະບັບເລກທີ 002-052/ປປທ ລົງວັນທີ 8 ມັງກອນ 2019 ວ່າດ້ວຍການປະດັບຫຼຽນໄຊອິດ ະຫຼະໃຫ້ນາຍ ແລະ ພົນທະຫານ, ກົມກອງລວມໝູ່ທົ່ວກອງທັບ; ໃນນັ້ນ, ປະດັບຫຼຽນໄຊອິດສະຫຼະຊັ້ນ II ໃຫ້ບຸກ ຄົນຈໍານວນ 487 ສະຫາຍ ແລະ ກົມກອງລວມໝູ 66 ກົມກອງ, ຫຼຽນໄຊອິດສະຫຼະຊັ້ນ III ໃຫ້ບຸກຄົນຈໍານວນ 896 ສະຫາຍ ແລະ ກົມກອງລວມໝູ່ 126 ກົມກອງ ນອກນັ້ນຍັງມີ ລັດຖະດຳລັດຂອງປະທານປະເທດ ເລກທີ 053-107/ປປທ ລົງວັນທີ 8 ມັງກອນ 2019 ວ່າດວ້ຍການປະດັບຫຼຽນໄຊແຮງງານໃຫ້ນາຍ ແລະ ພົນທະຫານ, ກົມກອງ ລວມໜູ່ທົ່ວກອງທັບ; ໃນນັ້ນ, ປະດັບຫຼຽນໄຊແຮງງານຊັ້ນ II ໃຫ້ບຸກຄົນ 4.885 ສະຫາຍ ແລະ ກົມກອງລວມໝູ່ 275 ກົມກອງ, ຫຼຽນໄຊແຮງງານຊັ້ນ III ໃຫ້ບຸກຄົນ 12.363 ສະຫາຍ ແລະ ກົມກອງລວມໝູ 527 ກົມກອງ,

          ຜ່ານດໍາລັດຂອງທ່ານນາຍົກລັດຖະມົນຕີ ເລກທີ 417-469/ນຍ ລົງວັນທີ 6 ທັນວາ 2018 ແລະ ເລກທີ 365-416  ວ່າດ້ວຍການປະດັບຫຼຽນກາແຮງງານໃຫ້ ນາຍ ແລະ ພົນທະຫານ ແລະ ມອບໃບຍ້ອງຍໍລັດຖະບານ ໃຫ້ ແກ່ນາຍ ແລະ ພົນທະຫານ; ໃນນັ້ນ, ປະດັບຫຼຽນກາແຮງງານໃຫ້ນາຍ ແລະ ພົນທະຫານ ຈຳນວນ 18.521 ສະຫາຍ, ໃບຍ້ອງຍໍ ຈຳນວນ 14.522 ສະຫາຍ ແລະ ກົມກອງລວມໝູ່ 192 ກົມກອງ ທີ່ມີຜົນງານດີເດັ່ນປະກອບສ່ວນເຂົ້າໃນ ການປະຕິບັດໜ້າທີ່ວຽກງານປ້ອງກັນຊາດ - ປ້ອງກັນຄວາມສະຫງົບ ຕະຫຼອດໄລຍະປີ  2014-2019.

 ນອກນີ້, ຍັງໄດ້ຍ້ອງຍໍສັນລະເສີນຜົນງານ 5 ປີ ເພື່ອຂໍ່ານັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກອງ ທັບຄົບຮອບ 70 ປີ ໃຫ້ກົມກອງລວມໝູ່ ແລະ ບຸກຄົນ; ໃນນັ້ນ, ປະດັບຫຼຽນໄຊພິລະອາດຫານຊັ້ນ I ໃຫ້ 7 ກົມກອງ ແລະ  9 ສະຫາຍ, ປະດັບຫຼຽນໄຊພິລະອາດຫານຊັ້ນ II ໃຫ້ 140 ກົມກອງ ແລະ 1.616 ສະຫາຍ, ຊັ້ນ III ໃຫ້ 252 ກົມກອງ ແລະ 4.635 ສະຫາຍ, ມອບໃບຍ້ອງຍໍກະຊວງປ້ອງກັນປະເທດ ໃຫ້ 26 ກົມກອງ ແລະ 11.059 ສະ ຫາຍ.

ໃນວັນດຽວກັນ, ມີບັນດາກະຊວງ, ສຳນັກງານ-ອົງການ ອ້ອມຂ້າງສູນກາງ, ກົມກອງອ້ອມຂ້າງກະຊວງ ປ້ອງກັນ ປະເທດ, ບັນດາບໍລິສັດ ທັງພາຍໃນ ແລະ ຕ່າງປະເທດ ໄດ້ນຳກະຕ່າດອກໄມ້ ແລະ ກະຕ່າຂອງຂວັນເຂົ້າອວຍພອນ ຄະ ນະນໍາ ກະຊວງປ້ອງກັນປະເທດ, ເປັນກຽດຕ້ອນຮັບໂດຍ ພົອ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງ ກັນ ປະເທດ ພ້ອມຄະນະເນື່ອງໃນໂອກາດງານສະເຫຼີມສະຫຼອງ ວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ປີ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ