Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປກສ ເມືອງຫາດຊາຍຟອງ ເຊື່ອມຊຶມມະຕິ ຄັ້ງທີ 7 ຂອງຄະນະບໍລິຫານງານພັກ ສະໄໝທີ X

 

ກອງບັນຊາການ ປກສ ເມືອງ ຫາດຊາຍຟອງ ນະຄອນຫຼວງວຽງ ຈັນ ໄດ້ເຊື່ອມຊຶມມະຕິກອງປະ ຊຸມຄົບຄະນະ ຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ X ໃນວັນທີ 27 ກຸມພາ 2019, ເພື່ອໃຫ້ບັນດາຄະນະກອງບັນຊາ ການ,  ຫົວໜ້າ-ຮອງພະແນກ, ພະນັກງານ-ນັກຮົບ ທົ່ວ ປກສ ເມືອງ ຮັບຮູ້ ແລ້ວນຳເອົາໄປຈັດຕັ້ງ ຜັນຂະຫຍາຍເຂົ້າໃນການ ປະຕິບັດວຽກງານໃຫ້ເກີດປະໂຫຍດສູງສຸດ.

ທ່ານ ສຸກສະຫວັນ ບຸດຕະວົງ  ຮອງເລຂາພັກເມືອງ ຮອງເຈົ້າ ເມືອງໆຫາດຊາຍຟອງ ໄດ້ເຜີຍແຜ່ 2 ມະຕິທີ່ນອນ ຢູ່ໃນມະຕິກອງ ປະຊຸມຄົບຄະນະ ຄັ້ງທີ 7 ຂອງຄະ ນະບໍລິຫານງານສູນກາງພັກ ສະໄໝທີ X ຄື: ມະຕິວ່າ ດ້ວຍການ ປັບປຸງຮາກຖານການເມືອງຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມແຂງ ແລະ ໜັກແໜ້ນ ໄດ້ ລະບຸວ່າ ພັກເຮົາຍາມໃດກໍເດີນ ຕາມແນວທາງມະຫາຊົນ, ຢຶດທັດ ສະນະຖືປະຊາຊົນເປັນກົກ, ເປັນກໍາລັງແຮງຂອງການປະຕິວັດ ແລະ ຖຶືການສ້າງຮາກຖານການເມືອງ ຕິດພັນກັບການພັດທະນາຊົນນະບົດ, ແກ້ໄຂຄວາມທຸກຍາກຂອງປະຊາຊົນ  ເປັນວຽກ ຍຸດທະສາດທີ່ບໍ່ປ່ຽນແປງທັງເປັນມາດຕະການພື້ນຖານໃນການຈັດຕັ້ງປະຕິບັດແນວທາງ, ແຜນນະໂຍບາຍຂອງພັກ, ກົດໝາຍ, ລະບຽບການຂອງລັດ ເພື່ອເປັນພື້ນຖານອັນໜັກແໜ້ນຂອງລະບອບປະຊາທິປະໄຕ ປະຊາຊົນ.

ມະຕິວ່າດ້ວຍເພີ່ມທະວີການນໍາພາແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ຄວາມເຂັ້ມແຂງຂອງການ ຄຸ້ມຄອງມະຫາພາກ ໄດ້ລະບຸໄວ້ວ່າ: ຄວາມຫຍຸ້ງຍາກດ້ານການເງິນ-ງົບປະມານ, ບັນຫາໜີ້ສິນສາທາລະນະ ແລະ ຄວາມ ອ່ອນແອຂອງວຽກງານແຜນການ, ການເງິນກໍຄືເສດຖະກິດມະຫາພາກຍັງພົບຄວາມຫຍຸ້ງຍາກ ແລະ ສິ່ງທ້າທາຍໃນດ້ານຕ່າງໆ, ໃນນັ້ນ ລວມທັງຄວາມຫຍຸ້ງຍາກອັນໜັກໜ່ວງດ້ານເສດຖະກິດ-ການເງິນ ໄດ້ຮັບການໄຈ້ແຍກເລິກ ເຊິ່ງຕື່ມອິກ, ທັງຊີ້ໃຫ້ ເຫັນວ່າບັນຫາທີ່ເກີດຂຶ້ນໄດ້ກາຍເປັນໄພອັນຕະລາຍທີ່ແທ້ຈິງຕໍ່ບົດບາດການນໍາພາຂອງພັກ ແລະ ລະບອບໃໝ່ຂອງເຮົາ ຢືນຕໍ່ໜ້າສິ່ງທ້າທາຍທົດ ສອບອັນໜັກໜ່ວງ, ຄະນະບໍລິຫານງານສູນກາງພັກໄດ້ຖືກາແກ້ໄຂບັນຫາຄວາມຫຍຸ້ງຍາກ ດ້ານເສດຖະກິດ-ການເງິນ ເປັນວຽກທີ່ມີລັກສະນະເປັນໃຈກາງໃນວາລະການເຄື່ອນໄຫວຂອງຕົນ.

ຂ່າວຍັງໃຫ້ຮູ້ອີກວ່າ: ວັນທີ 21 ກຸມພາ 2019 ຄະນະໂຄສະ ນາອົບຮົມ ເມືອງສີສັດຕະນາກ ນະຄອນຫຼວງວຽງຈັນ ກໍຍັງໄດ້ເຊື່ອມຊຶມມະຕິກອງປະຊຸມຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກສະໄໝທີ X, ເຜີຍແຜ່ ໂດຍ ທ່ານ ດຣ ຄອນສະຫວັນ ເທບພະວົງ ຫົວໜ້າຫ້ອງການສາທາລະນະສຸກເມືອງສີສັດຕະນາກ, ມີພະນັກງານຫຼັກແຫຼ່ງ ແຕ່ລະຫ້ອງການອ້ອມຂ້າງເມືອງເຂົ້າຮ່ວມ.   

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ