Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ໝັງສືພິມຄວາມສະຫງົບ ຈະໂຄສະນາຂ່າວສານຜ່ານສື່ແບບເກົ່າ ແລະ ແບບໃໝ່ໃຫ້ຫຼາກຫຼາຍ-ວ່ອງໄວ

ປີນີ້, ຄະນະກອງບັນນາທິການ ໜັງສືພິມຄວາມສະຫງົບ  ທີ່ຂຶ້ນ ກັບຄະນະບັນນາທິການຂ່າວສານ ປກສ (ຄບສ) ກົມໃຫຍ່ການເມືອງ ກະຊວງ ປກສ ຈະສືບຕໍ່ໂຄສະນາເຜີຍແຜ່ຂໍ້ມູນຂ່າວສານຕ່າງໆ ໃຫ້ມີຄວາມຫຼາກຫຼາຍ ແລະ ວ່ອງໄວ ໂດຍນອກຈາກຈະໂຄສະນາເຜີຍແຜ່ຜ່ານສື່ໜັງ ( ສືພິມສື່ແບບເກົ່າ ແລະ ສື່ແບບໃໝ່ ກໍຍັງຈະເຜີຍ ແຜ່ຜ່ານສື່ອອນລາຍ  ກໍຄື: ເວບໄຊ ແລະ ເພຈເຟສບຸກ ເພື່ອໃຫ້ມວນຊົນທົ່ວສັງຄົມຮັບຮູ້ຢ່າງທົ່ວເຖິງວ່ອງໄວ ແລະ ທັນເຫດການ ເນື່ອງຈາກວ່າປັດຈຸບັນສື່ສັງຄົມອອນ ລາຍກໍາລັງເປັນທີ່ນີຍົມໃນສັງຄົມ.

ຂໍ້ມູນດັ່ງກ່າວ ໄດ້ໃຫ້ຮູ້ໃນກອງປະຊຸມສະຫຼຸບວຽກງານປະຈໍາປີ 2018 ແລະ ວາງທິດທາງແຜນການ ປະຈໍາປີ 2019 ຂອງກອງບັນນາທິການໜັງສືພິມຄວາມ ສະຫງົບ ຄັ້ງວັນທີ 22 ກຸມພາ 2019, ເປັນປະທານ ໂດຍ ພັທ ປອ ຕູ້ ດວງມະນີ  ຫົວໜ້າກອງ  ບັນນາທິການໜັງສືພິມຄວາມສະຫງົບ, ມີ ພັທ ພອນສະຫວັນ ອຸດົມເພັດ ຮອງຫົວໜ້າ ຄບສ, ຜູ້ຊີ້ນຳກອງບັນນາທິການໜັງສືພິມຄວາມສະຫງົບ, ມີຄະນະກອງໜັງສືພິມ, ແຂກຮັບເຊີນ ແລະ ພະນັກງານພາຍ ໃນໜັງສືພິມເຂົ້າຮ່ວມ;

ກອງປະຊຸມ ໃຫ້ຮູ້ວ່າ: ປີ 2019, ຄະນະກອງບັນນາທິການໜັງສືພິມຄວາມສະຫງົບ  ຈະເອົາໃຈໃສ່ຊີ້ນຳ-ນຳພາ ພະນັກງານເປັນເຈົ້າການປະຕິບັດໜ້າທີ່ວຽກງານທີ່ການຈັດຕັ້ງມອບໝາຍ ໃຫ້ເປັນຕົ້ນ ແມ່ນສືບຕໍ່ຍົກລະດັບຄວາມ ຮູ້-ຄວາມສາມາດ, ຊຳນິຊຳນານ ຕໍ່ພະນັກງານໃນການຂຽນບົດ-ຂ່າວ, ເຕັກນິກ-ວິຊາການໃຫ້ໄດ້ທັງປະລິມານ ແລະ ຄຸນນະພາບ; ປັບປຸງເນື້ອໃນບົດ-ຂ່າວ  ໃຫ້ມີຄວາມແຫຼມຄົມທັງກວດກາເນື້ອໃນ, ຮູບແບບສີສັນ ແລະ ຄໍລຳ ຕ່າງໆ  ໃຫ້ມີຄວາມມີໂດດເດັ່ນ ມີເນື້ອໃນສົມບູນ ແລະ ຖືກຕ້ອງ ຕາມແນວທາງຂອງພັກ, ລະບຽບກົດໝາຍຂອງລັດ ສິ່ງສຳຄັນແມ່ນສາມາດດຶງດູດຜູ້ອ່ານໃຫ້ຫຼາຍກວ່າເກົ່າ ແລະ ເປັນທີ່ຍອມຮັບຈາກສັງຄົມ ແນໃສ່ໂຄສະນາເຜີຍແຜ່ ຂ່າວສານຜ່ານສື່ໃຫ້ມີຄວາມຫຼາກຫຼາຍ   ແລະ  ວ່ອງໄວ   ເຊິ່ງນອກຈາກຈະໂຄສະນາເຜີຍແຜ່ລົງໜ້າໜັງສືພິມຄວາມ ສະຫງົບ  ແລ້ວ  ຍັງຈະນໍາບົດຂ່າວທີ່ເປັນເຫດການເດັນໃນສັງຄົມຄວາມສົນໃຈ  ແລະ ເຫດການເຄື່ອນໄຫວຂອງທົ່ວ ກຳລັງ ປກສ ລົງເວບໄຊ (www. lsecuritynews.com) ແລະ ເພຈເຟສບຸກ (ໜັງສືພິມຄວາມສະຫງົບ  ແລະ  ຄວາມສະຫງົບ ລາຍວັນເພື່ອເຮັດໃຫ້ການໂຄສະນາຂ່າວສານຕ່າງໆ  ໃຫ້ມີຄວາມວ່ອງໄວ  ແລະ  ທັນກັບສະພາບເຫດ ການຢ່າງມີປະສິດທິພາບກວ່າເກົ່າ.

ປີ 2018 ຜ່ານມາ, ຄະນະກອງ ບັນນາທິການໜັງສືພິມຄວາມ ສະຫງົບ ໄດ້ເອົາໃຈໃສ່ຊີ້ນຳ-ນຳ ພາພະນັກງານ ເຄື່ອນໄຫວຈັດຕັ້ງປະຕິບັດໜ້າທີ່ວຽກງານວິຊາສະເພາະ ໃນການເປັນກະບອກສຽງໃຫ້ ແກ່ຄະນະພັກ-ຄະນະນຳກະຊວງ ປກສ  ໃນການຈັດຕັ້ງໂຄສະນາ ເຜີຍແຜ່ຂໍ້ມູນຂ່າວສານຕ່າງໆອອກສູ່ສັງຄົມສາມາດເຄື່ອນໄຫວເກັບກໍາຂ່າວ ໄດ້ 3.343 ຄັ້ງ, ຂຽນຂ່າວ ໄດ້ 3.342 ຂ່າວ, ຂຽນບົດໄດ້ 1.217 ບົດ, ສໍາພາດ 159 ຄັ້ງ, ກວດບົດ-ກວດຂ່າວ  ໄດ້ 4.560 ບົດ-ຂ່າວ ຮັບຂ່າວຕ່າງແຂວງ ແລະ ກວດແກ້ໄດ້ 1.278 ຂ່າວ, ຮຽບຮຽງຂ່າວຕ່າງປະເທດ, ຂ່າວ ກິລາ, ຄະດີຕ່າງແດນ  ແລະ  ບົດຮູ້ ໄວ້ໄດ້ປະໂຫຍດ  2.904  ບົດ ຂ່າວ, ສົ່ງຂ່າວໃຫ້ເວັບໄຊກະຊວງ 252 ຄັ້ງ, ປະຈໍາການ 252 ຄັ້ງ, ອອກແບບຈັດໜ້າໄດ້  3.660 ໜ້າ, ປະຈໍາການກວດແກ້ອັກສອນ 252 ຄັ້ງ, ກວດແກ້ໜ້າໜັງສືພິມ ຈໍານວນ 4.224 ໜ້າ.

 

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ