ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ສສຊ ຮັບຮອງເອົາກົດໝາຍ ວ່າດ້ວຍການຄຸ້ມຄອງເງິນຕາຕ່າງປະເທດ
 

 

    ກອງ​ປະຊຸມ​ສະໄໝ​ສາມັນເທື່ອ​ທີ 8 ຂອງ​ສະພາ​ແຫ່ງ​ຊາດ ຊຸດ​ທີ VII ໄດ້​ດຳເນີນ​ມາ​ຮອດວັນ​ທີ 22 ທັນວາ 2014 ໂດຍເປັນ​ປະທານ​ຂອງທ່ານ​ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງຊາດ ບັນດາ​ຜູ້​ແທນ (​ສສຊ) ເຂດ​ເລືອກ​ຕັ້ງ​ຕ່າງໆ ​ສືບຕໍ່​ພ້ອມ​ກັນປະກອບ​ຄຳ​ເຫັນ​ໃສ່​ຮ່າງ​ກົດໝາຍ ວ່າ​ດ້ວຍ​ການ​ຄຸ້ມ​ຄອງ ​ເງິນຕາຕ່າງປະເທດ ຢ່າງ​ກົງ​ໄປ​ກົງ​ມາ ແລະ ໃນ​ທີ່​ສຸດ ​ສສຊ ກໍ່​ໄດ້​ຮັບຮອງ​ເອົາ​ກົດໝາຍສະບັບ​ດັ່ງກ່າວ ເປັນ​ທີ່​ຮຽບ​ຮ້ອຍ ດ້ວຍ​ຄະແນນ​ສຽງ​ສ່ວນ​ຫຼາຍ 105 ຄະແນນ ເຊິ່ງ​ກົດໝາຍ​ສະບັບ​ດັ່ງກ່າວ​ ປະກອບ​ດ້ວຍ 9 ພາກ 8 ໝວດ ແລະ 53 ມາດຕາ (ທຽບໃສ່​ລັດ​ຖະ​ບັນຍັດ​ວ່າ​ດ້ວຍການ​ຄຸ້ມ​ຄອງ​ເງິນຕາ​ຕ່າງ​ປະເທດ ແລະ ວັດຖຸ​ມີຄ່າ ມີ 9 ໝວດ ແລະ 39 ມາດຕາ).

   ທ່ານ ​ດຣ. ສົມ​ພາວ ໄຟ​ສິດ ຜູ້​ວ່າການທະນາຄານແຫ່ງ ​ສປປ ລາວ ໄດ້​ສະເໜີ​ຄວາມ​ຈຳເປັນ​ ໃນ​ການ​ສ້າງ​ກົດໝາຍ ​ວ່າດ້ວຍ​ການ​ຄຸ້ມ​ຄອງ​ເງິນຕາ​ຕ່າງປະເທດ ເຊິ່ງ​ວຽກ​ງານ​ດັ່ງກ່າວແມ່ນ​ວຽກ​ງານ​ ໜຶ່ງ​ທີ່​ມີ​ຄວາມສຳຄັນ ​ສຳລັບ​ຂະແໜງການ​ເງິນ-ການ​ທະນາຄານ ເພື່ອ​ຮັກສາ​ຄ່າເງິນ​ກີບ​ຕໍ່​ເງິນຕາ​ຕ່າງປະ ເທດ​ໃຫ້ໝັ້ນ​ທ່ຽງ ປະກອບສ່ວນ​ໃນ​ການພັດທະນາ​ເສດຖະກິດ-ສັງຄົມຂອງ ​ສປປ ລາວ ການ​ຍົກ​ລະດັບລັດ ​ຖະ​ບັນຍັດ​ຂຶ້ນ​ເປັນ​ກົດໝາຍ ຈະ​ເຮັດ​ໃຫ້ການ​ຄຸ້ມ​ຄອງ​ເງິນຕາຕ່າງປະເທດ​ ມີ​ບ່ອນ​ອີງ​ທີ່​ໜັກແໜ້ນ​ຂຶ້ນ​ ກວ່າ​ເກົ່າ ເພື່ອ​ໃຫ້​ສາມາດ​ຮອງ​ຮັບ​ການ​ເຊື່ອມ​ໂຍງ​ກັບພາກ​ພື້ນ ແລະ ສາກົນ ມາ​ຮອດ​ປີ 2002 ໄດ້​ຍົກ​ລະດັບ​ດຳລັດ​ມາ ເປັນ​ລັດ​ຖະ​ບັນຍັດ​ວ່າ​ດ້ວຍ​ການຄຸ້ມ​ຄອງ​ເງິນຕາ​ຕ່າງປະເທດ ແລະ ວັດຖຸ​ມີຄ່າ ສະບັບ​ເລກ​ທີ 01/​ປປທ ເພື່ອ​ເປັນ​ເຄື່ອງມື​ທີ່​ໜັກແໜ້ນ ໃນ​ການ​ຄຸ້ມ​ຄອງ​ເງິນຕາຕ່າງປະເທດ ແລະ ວັດຖຸ​ມີຄ່າ ເຮັດ​ໃຫ້​ວຽກ​ງານ​ດັ່ງກ່າວ ​ກ້າວເຂົ້າ​ສູ່​ລະບຽບ​ຫຼັກການ​ເປັນກ້າວໆ ແລະ ມາ​ຮອດ​ປີ 2008 ໄດ້​ມີ​ການ​ປັບປຸງ​ບາງ​ມາດຕາ ເພື່ອ​ເຮັດ​ໃຫ້​ລັດ​ຖະ​ບັນຍັດມີຄວາມ​ຊັດ​ເຈນ ຄົບ​ຖ້ວນ ສົມບູນຮັບປະກັນ ​ຄວາມ​ສະເໝີພາບ​ໃນການ​ດຳເນີນ​ທຸລະ​ກິດ ລະຫວ່າງທະນາຄານ​ທຸລະ​ກິດ​ດ້ວຍ​ກັນ ສາມາດ​ດຶງ​ດູດ​ການ​ ລົງທຶນ​ຂອງ​ຕ່າງປະເທດ ທັງ​ເປັນ​ການ​ສ້າງ​ເງື່ອນໄຂ​ໃຫ້​ສອດຄ່ອງ​ໃນ​ການ​ຮັບ​ເອົາ ມາດຕາ 8 ຂອງ​ກອງ​ ທຶນ​ສາກົນ ແລະ ເຂົ້າ​ເປັນ​ສະມາຊິກ​ອົງການການ​ຄ້າ​ໂລກ.

   ປີ 2008 ເປັນຕົ້ນ​ມາ ທະ​ນາຄານ​ແຫ່ງ ​ສປປ ລາວ ໄດ້​ເພີ່ມທະວີ​ວຽກ​ງານ​ການ​ ຄຸ້ມ​ຄອງ​ ເງິນຕາ​ຕ່າງປະເທດ ​ດ້ວຍ​ການ​ຊຸກຍູ້ໃຫ້​ທະນາຄານ​ທຸລະ​ກິດ ແລະ ພາກ​ເອກະ​ຊົນ ຂະຫຍາຍ​ຕາ ໜ່າງ​ການ​ບໍລິການ​ແລກປ່ຽນເງິນຕາ​ ໃນ​ຂອບ​ເຂດ​ທົ່ວ​ປະເທດ ປະຕິບັດ​ນະໂຍບາຍ​ເປີດ​ກວ້າງການ​ຊື້-ຂາຍ​ເງິນຕາ​ຕ່າງປະເທດ ນຳ​ໃຊ້​ເຄື່ອງມື​ທັນ​ສະໄໝ​ເຂົ້າ​ໃນການ​ຊຳລະ​ສະ​ສາງ​ຜ່ານ​ລະບົບທະນາຄານ ແລະ ຊຳລະ​ໂດຍ​ບໍ່ໃຊ້​ເງິນສົດ ເປັນ​ເຈົ້າ​ການ​ສົມທົບກັບ​ພາກສ່ວນ​ກ່ຽວຂ້ອງ​ ເຜີຍແຜ່ລະບຽບ​ການ​ຄຸ້ມ​ຄອງ​ ເງິນຕາຕ່າງປະເທດ ແລະ ວັດຖຸ​ມີຄ່າໃຫ້​ພາກສ່ວນ​ຕ່າງໆ ທັງ​ພາກ​ລັດ ແລະ ເອກະ​ຊົນ ໃນ​ຂອບ​ເຂດ​ ທົ່ວປະເທດ ເພື່ອ​ໃຫ້​ສັງຄົມ​ໄດ້​ຮັບ​ຮູ້ ເຂົ້າໃຈ ແລະ ຈັດ​ຕັ້ງ​ປະຕິບັດ​ລັດຖະ​ບັນຍັດ​ດັ່ງກ່າວ​ຂຶ້ນ​ເປັນ​ກົດໝາຍ​ ແມ່ນ​ມີ​ຄວາມ​ຈຳເປັນທັງນີ້ ເພື່ອ​ເຮັດ​ໃຫ້​ເງິນຕາ​ຕ່າງ​ປະເທດ​ເຂົ້າ​ສູ່​ລະບົບ​ທະນາຄານຫຼາຍ​ຂຶ້ນ ເປັນ​ກຳລັງ ​ແຮງ​ໃນການ​ເພີ່ມ​ຄັງ​ສຳຮອງ​ເງິນຕາຕ່າງປະເທດ ແລະ ຊ່ວຍ​ໃນ​ການຈັດ​ຕັ້ງ​ປະຕິບັດ​ນະໂຍບາຍ​ເງິນຕາ ໃຫ້​ມີ​ປະ​ສິດທິ​ຜົນ​ຫຼາຍ​ຂຶ້ນ ປະກອບສ່ວນ​ເຂົ້າ​ໃນ​ການ​ຮັກສາສະຖຽນ​ລະ​ພາບ​ເງິນຕາ​ແຫ່ງຊາດ ໃຫ້​ມີ​ຄວາມ​ ໝັ້ນ​ທ່ຽງ ສ້າງຄວາມ​ເຊື່ອ​ໝັ້ນ​ໃຫ້​ນັກ​ລົງທຶນ ໃນ​ການ​ເຮັດ​ທຸລະ​ກຳ​ການ​ເງິນຜ່ານ​ລະບົບ​ທະນາຄານ ຊ່ວຍ ​ຫຼຸດຜ່ອນ​ການ​ນຳ​ໃຊ້​ເງິນຕາ​ຕ່າງ​ປະເທດ​ຢູ່​ໃນ​ສັງຄົມ ແລະ ຫັນ​ມານຳ​ໃຊ້​ເງິນ​ກີບ​ຫຼາຍ​ຂຶ້ນ ແລະ ກ້າວ​ ເຖິງ​ການ​ນຳ​ໃຊ້​ເງິນ​ກີບ​ພຽງສະກຸນ​ດຽວ ເຂົ້າ​ໃນ​ການ​ຊຳລະສະ​ສາງ​ຢູ່​ພາຍ​ໃນ​ປະເທດ ແລະ ເຮັດ​ໃຫ້​ ວຽກ​ງານ​ການ​ເງິນ-ການທະນາຄານ​ຂອງ ​ສປປ ລາວ ສາມາດ​ເຊື່ອມ​ໂຍງ​ກັບ​ພາກ​ພື້ນ ແລະ ສາກົນ.

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ