Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

              ມອບ-ຮັບໜ້າທີ່ຫົວໜ້າກົມອຸປະໂພກ-ບໍລິໂພກ ກົມໃຫຍ່ພະລາທິການ

 ກົມອຸປະໂພກ-ບໍລິໂພກກົມໃຫຍ່ພະລາທິການ ກະຊວງ ປກສ ໄດ້ຈັດພິທີມອບ-ຮັບໜ້າທີ່ລະ ຫວ່າງ ຫົວໜ້າກົມ ອຸປະໂພກ-ບໍລິໂພກ ຜູ້ເກົ່າ ແລະ ຜູ້ໃໝ່, ໃນວັນ ທີ 3 ຕຸລາ 2019, ໂດຍມີ ພົຈວ ທອງສຸກ ຍາເອີລາວລີ ຮອງຫົວ ໜ້າກົມໃຫຍ່ພະລາທິການ ປກສ, ມີຄະນະຫ້ອງ, ຄະນະກົມ ແລະ ພະນັກງານ-ນັກຮົບ ພາຍໃນກົມ ດັ່ງກ່າວ ເຂົ້າຮ່ວມ.

ພັອ ຄຳສຸກ ເມກສະຫວັນ ຫົວໜ້າກົມອຸປະໂພກ-ບໍລິໂພກ   ( ຜູ້ເກົ່າ ) ໄດ້ຜ່ານບົດລາຍງານການນຳພາເຮັດວຽກງານ ໄລຍະ 7 ປີ ຜ່ານມາວ່າ: ໄດ້ເອົາໃຈໃສ່ຊີ້ນຳ-ນຳພາພະນັກງານເຮັດວຽກງານສະໜອງເຄື່ອງອຸປະໂພກ-ບໍລິໂພກ ໃຫ້ກຳລັງ ປ້ອງກັນຄວາມສະຫງົບ ເປັນປົກກະຕິ ແລະ ມີຜົນສຳເລັດສະແດງອອກໄລຍະຜ່ານມາ, ໄດ້ ຮັບອະນຸມັດຕົວເລກງົບປະມານ 542 ຕື້ກວ່າກີບ, ຈັດຕັ້ງເບີກ-ຈ່າຍ ເຄື່ອງອຸປະໂພກຕົ້ນປີ 2019 ສໍາ ເລັດ 16 ກົມກອງ, ປກສ ແຂວງ 11 ແຂວງ, ຍັງ 7 ປກສ ແຂວງ ທີ່ ຈະສືບຕໍ່ຈັດສົ່ງໃຫ້, ໄດ້ເຮັດສັນຍາ ຊື້ແພຕັດເຄື່ອງກັບບໍລິສັດຮ່ວມ ທຸລະກິດ ຕໍ່າແຜ່ນ ແລະ ຍ້ອມສີ ລາວ-ຫວຽດນາມ ມີ 2 ລາຍການ ມູນຄ່າ 8 ຕື້ກວ່າກີບ, ຈັດຊື້ເຄື່ອງ ອຸປະໂພກ ແລະ ເຄື່ອງແຮສຳຮອງ ສູ້ຮົບກັບບໍລິສັດ 19-5 ກະຊວງ ຕໍາຫຼວດ ສສ ຫວຽດນາມ ມີ 9 ລາຍການ ມູນຄ່າ 1.500.000 ກວ່າໂດລາສະຫະລັດ ແລະ ໄດ້ລົງ ເຄື່ອນໄຫວຊຸກຍູ້, ຕິດຕາມ, ກວດ ກາວຽກງານອຸປະໂພກ-ບໍລິໂພກ ຢູ່ບັນດາກົມກອງອ້ອມຂ້າງກະຊວງ ແລະ ປກສ ແຂວງ ໄດ້ 35 ຄັ້ງ ມີ 18 ແຂວງ ແລະ ໄດ້ເປີດຝຶກອົບ ຮົມວຽກງານອຸປະໂພກ-ບໍລິໂພກ ຈຳນວນ 2 ຄັ້ງ ມີຜູ້ເຂົ້າຮ່ວມ 133 ສະຫາຍ; ຈາກນັ້ນ, ທັງສອງທ່ານກໍໄດ້ພ້ອມກັນລົງນາມເຊັນບົດບັນທຶກມອບ-ຮັບໜ້າທີ່ ໂດຍມີຄະນະພັກ-ຄະນະນຳກົມ ໃຫຍ່, ຄະນະຫ້ອງ ແລະ ພະນັກງານ-ຫຼັກ ແຫຼ່ງເປັນສັກຂີພະຍານ.

ພັທ ບຸນມີ ວົງຄຳແສນ ຮອງ ຫົວໜ້າກົມອຸປະໂພກ-ບໍລິໂພກ  ຂຶ້ນຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນ ຄວາມສະຫງົບ ສະບັບເລກທີ 1857,1858/ປກສ, ລົງວັນທີ 6 ກັນຍາ 2019 ວ່າດ້ວຍການໂຍກຍ້າຍ ແລະ ແຕ່ງ ຕັ້ງນາຍຕຳຫຼວດຂັ້ນກົມ ແລະ ທຽບເທົ່າທີ່ຂຶ້ນກັບກົມໃຫຍ່ພະລາທິການ ປກສ ໃນນັ້ນ, ໄດ້ແຕ່ງຕັ້ງ ພັທ ຄຳສຸກ ພົມພັກ ດີ ຈາກຮອງ ຫົວໜ້າກົມການເງິນ  ໄປຮັບໜ້າທີ່ ເປັນຫົວໜ້າກົມອຸປະໂພກ-ບໍລິໂພກ, ສ່ວນຫົວໜ້າກົມຜູ້ເກົ່າແມ່ນພັກ ຜ່ອນ ລໍຖ້າເຂົ້າຮັບເບ້ຍບໍານານ.

ໂອກາດດຽວກັນ, ພົຈວ ທອງ ສຸກ ຍາເອີລາວລີ ໄດ້ໂອ້ລົມວ່າ:   ຍ້ອນຄວາມຮຽກຮ້ອງຕ້ອງການຕໍ່ໜ້າທີ່ວຽກງານ ການເມືອງ ໃນໄລ ຍະໃໝ່ ແລະ ເປັນການປັບປຸງກົງ ຈັກການນຳພາໃຫ້ມີຄວາມເຂັ້ມແຂງ  ທັງເປັນການກະກຽມໃສ່ກອງ ປະຊຸມໃຫຍ່ພັກ 3 ຂັ້ນ ຂອງອົງ ຄະນະພັກກົມໃຫຍ່ພະລາທິການ ຈຶ່ງເນັ້ນໃຫ້ຫົວໜ້າກົມອຸປະໂພກ-ບໍລິໂພກ (ຜູ້ໃໝ່) ຈົ່ງເອົາໃຈໃສ່ ຊີ້ນຳ-ນຳພາພະນັກງານເຮັດວຽກງານວິຊາສະເພາະໃຫ້ມີຜົນສຳເລັດ, ຕອບສະໜອງເຄື່ອງຂອງ ແລະ ອຸປະກອນຕ່າງໆ ໃນຂອບ ເຂດທົ່ວປະເທດ ໄດ້ທັນກັບຄວາມຮຽກຮ້ອງຕ້ອງການ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ