ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 

Username 

Password 

LOG IN

 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 

 

  

ມອບ - ຮັບ ຕຳແໜ່ງຫົວໜ້າກອງບັນຊາການ ປກສ ແຂວງຈຳປາສັກ

ກອງບັນຊາການ ປກສ ແຂວງຈຳປາສັກ ໄດ້ຈັດພິທີມອບ-ຮັບ ຕຳແໜ່ງຫົວໜ້າກອງບັນຊາການລະຫວ່າງ ທ່ານ ພັອ ບຸນຮຽງ ພັນທະວົງ ຫົວໜ້າກອງບັນຊາການ ປກສ ແຂວງຈຳປາສັກ ຜູ້ເກົ່າທີ່ພັກຜ່ອນລໍ ຖ້າຮັບບຳນານ ແລະ ທ່ານ ພົຈວ ດຣ. ທອງສະຫວັນ ວົງສະຫວັດ ເປັນຫົວໜ້າກອງບັນຊາການ ປກສ ແຂວງຈຳປາສັກ ຄົນໃໝ່ຢ່າງເປັນທາງການ ໃນວັນທີ 16 ມິຖຸນາ 2014. ມີຄະນະພັກ-ບັນຊາ, ຫົວໜ້າຫ້ອງ, ຄະນະຫ້ອງ, ຫົວໜ້າກອງບັນຊາການ ປກສ 10 ຕົວເມືອງເຂົ້າຮ່ວມ.

   ທ່ານ ພັທ ສຸກັນ ໄຕໄຊຍະວົງ ຮອງກອງບັນຊາການ ປກສ ແຂວງຈຳປາສັກ ໄດ້ຂື້ນຜ່ານບົດສະຫຼຸບ ວຽກງານວິຊາສະເພາະ ໃນໄລຍະ 1 ປີ ຂອງຫົວໜ້າກອງບັນຊາການຄົນເກົ່າ ໂດຍສະເພາະແມ່ນໄດ້ ເອົາໃຈໃສ່ຊີ້ນຳ-ນຳພາ ໂດຍອີງໃສ່ 4 ຄາດໝາຍ, 4 ບຸກທະລຸ, 13 ວຽກງານຍຸດທະສາດຂອງກະຊວງ ປ້ອງກັນຄວາມສະຫງົບວາງອອກ, ໂດຍໄດ້ສຸມໃສ່ວຽກງານກໍ່ສ້າງພັກ-ພະນັກງານ ເຊິ່ງໄດ້ເອົາໃສ່ສຶກສາ ອົບຮົມສະມາຊິກພັກ, ພະນັກງານ-ນັກຮົບ ເຮັດໃຫ້ກຳລັງຮັບຮູ້ເຊື່ອມຊຶມ ແນວທາງນະໂຍບາຍ ຂອງພັກ ແລະ ລະບຽບກົດໝາຍຂອງລັດ ໂດຍຕິດພັນກັບການສ້າງກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ, ສ້າງພັກ-ພະນັກງານທາງດ້ານປະລິມານ ແລະ ໃຫ້ມີຄຸນນະພາບ. ພ້ອມດຽວກັນນັ້ນ, ກໍຍັງໄດ້ເອົາໃຈໃສ່ ຮັກສາຄວາມເປັນລະບຽບຮຽບຮ້ອຍ ຂອງສັງຄົມ ກໍຄືແຂວງຈຳປາສັກ.

   1 ປີຜ່ານມາ, ໃນທົ່ວແຂວງຈຳປາສັກ ມີຄະດີອາຍາເກີດຂຶ້ນທັງໝົດ 177 ລາຍ, ມ້າງໄດ້ 115 ລາຍ, ຈັບຜູ້ຖືກຫາໄດ້ 55 ຄົນ, ຍິງ 5 ຄົນ ເດັ່ນກ່ວາໝູ່ແມ່ນຄະດີຢາເສບຕິດສາມາດມ້າງໄດ້ 78 ລາຍ, ຈັບຜູ້ຖືກຫາໄດ້ 169 ຄົນ, ຍິງ 27 ຄົນ (ຕ່າງປະເທດ 5 ຄົນ, ຍິງ 1 ຄົນ) ຢຶດຂອງກາງຢາບ້າ 302.174 ເມັດ, ຢາໄອສ 90 ຖົງ, ນ້ຳໝັກ 42.444 g, ກັນຊາ 112 ສອບ ກັບ 29 ແທ່ງ, ອາວຸດເສິກຈຳນວນ 19 ກະບອກ, ໝາກແຕກ 3 ໜ່ວຍ, ລົດໃຫຍ່ 4 ຄັນ, ລົດຈັກ 32 ຄັນ ແລະ ຄະດີເສດຖະກິດ ເກີດຂຶ້ນທັງໝົດ 18 ລາຍ, ມ້າງໄດ້ 12 ລາຍ, ຈັບຜູ້ຖືກຫາໄດ້ 19 ຄົນ, ຍິງ 6 ຄົນ, ເກັບກູ້ເຄື່ອງຂອງກາງ ໄດ້: ໄມ້ຂະຍຸງ, ໄມ້ປະດົງ, ໄມ້ດູ່, ໄມ້ມັນປາ ຈຳນວນ 3.524 ທ່ອນ, ລົດຕູ້ ສະຕາແລັກ 3 ຄັນ, ເງິນໂດລາ 3.100 ໂດລາ ແລະ ເງີນກີບ 2 ລ້ານກີບ ແລະ ຄະດີອື່ນໆ.

   ໃນພິທີ ໄດ້ມີການເຊັນບົດບັນທຶກມອບ-ຮັບໜ້າທີ່ ພ້ອມທັງກ່າວອຳລາຕຳແໜ່ງຢ່າງເປັນທາງການ ເພື່ອ ຮັບປະກັນໃຫ້ແກ່ການ ຊີ້ນຳ ນຳພາວຽກງານຢ່າງຖືກຕ້ອງ ແລະ ສອດຄ່ອງ ແລະ ເພື່ອເຮັດໃຫ້ຜູ້ໃໝ່ ສືບຕໍ່ຈັດຕັ້ງປະຕິບັດວຽກງານ ໃຫ້ປະສົບຜົນ ສຳເລັດຕາມຄາດໝາຍທີ່ວາງໄວ້.

* ຄັດຈາກ: ໜັງສືພິມ ສຽງຂອງກຳລັງປ້ອງກັນຄວາມສະຫງົບປະຊາຊົນລາວ, ສະບັບວັນທີ 19-6-2014

 
 

ເລືອກພາສາ:

  |

 
 
 
 
 
 

 
 
 

  

 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ