ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ຍົກ​ສູງຄວາມ​ສາມາດ​ປະຕິບັດ​​ແຜນງານ
​ບົດບາດ​ ຍິງ​-ຊາຍ​ໃຫ້​ມີ​ປະສິດທິ​ຜົນ

   ກອງ​ປະຊຸມ​ປຶກສາ​ຫາລື​ກ່ຽວ​ກັບ​ການ​ຕິດ​ຕາມ​ ແຜນດຳເນີນງານ ເພື່ອສົ່ງເສີມບົດບາດ​ ຍິງ - ຊາຍ ໂດຍ​ກົມ​ຮ່ວມ​ມື​ສາກົນ, ກະຊວງ​​ແຜນການ ​ແລະ ການ​ລົງທຶນ​ຮ່ວມ​ກັບ​ທະນາຄານ​ພັດທະນາ​ອາຊີ (​ເອດີ​ບີ) ​​ໄດ້ຈັດ​ຂຶ້ນ​​ໃນ​ວັນ​ທີ 16 ​ເດືອນກໍລະກົດ ປີ 2014 ນີ້ ທີ່​ໂຮງ​ແຮມ​ລາວ​ພລາຊາ ນະ​ຄອນ​ຫລວງ​ວຽງ​ຈັນ ​ໂດຍ​ການ​​ເປັນ​ປະທານ​ຂອງທ່ານ ນາງ ສີ​ສົມບູນ ອຸນນະ​ວົງ ຫົວໜ້າ​ກົມ​ຮ່ວມ​ມື, ກະຊວງ​ແຜນການ ​ແລະ ການ​ລົງທຶນ, ທ່ານ ນາງ ​ແຊນ​ດຣາ ນິ​ໂຄຣ໌ ຜູ້ຕາງໜ້າ​ທະນາຄານພັດທະນາອາຊີ (ເອດີ​ບີ​) ປະຈຳ​ລາວ, ​ ມີ​ບັນດາ​ພະນັກງານ​ວິຊາ​ການທີ່​ກ່ຽວຂ້ອງ​ເຂົ້າ​ຮ່ວມ.

   ກອງ​ປະຊຸມ​ດັ່ງ​ກ່າວ ໄດ້ເປີດ​ໂອກາດ​ໃຫ້​ທີ​ມງານ​ຂອງໂຄງການ​ທີ່​ ເອດີ​ບີ ​ໃຫ້ການ​ສະໜັບສະໜູນ ​ໄດ້​ແລກປ່ຽນບົດຮຽນ​ເຊິ່ງກັນ ​ແລະ ກັນ ພ້ອມ​ທັງ​ຍົກ​ລະດັບ​ທັກ​ສະ ​ແລະ ຄວາມ​ຮູ້​ຄວາມສາມາດ​​ໃຫ້​ທີ ​ມງານ​​ຂອງໂຄງການໃນ​ການຈັດຕັ້ງປະຕິບັດ​, ຕິດຕາມ​ກວດກາ​ບັນດາ​ແຜ່ນ​ງານ​ບົດບາດ​ ຍິງ - ຊາຍ ​ໃຫ້​ມີ​ປະສິດທິພາບ​ເພີ່ມ​ຂຶ້ນ​​ແນໃສ່ຍົກ​ລະດັບ​ຜົນ​ໄດ້​ຮັບ ​ຂອງ​ການ​ພັດທະນາ​ຄົນ​ລຸ້ນຕໍ່​ໄປ, ພ້ອມ​ທັງ​ເພີ່ມ​ທະວີ​ ຄວາມ​ເຂັ້ມ​ແຂງ​ໃນ​ການ​ຫລຸດ​ຜ່ອນຄວາມ ທຸກ​ຍາກ ສຸມ​ໃສ່​ສິດ​ສະ​ເໝີພາບ​ລະຫວ່າງ​ ຍິງ - ຊາຍ ​ແລະ​ ການ​ສົ່ງ​ເສີມ​ແມ່ຍິງ​ ໂດຍ​ເພີ່ມ​ໂອກາດ​ໃຫ້​ແມ່ຍິງ​ ເຂົ້າ​ເຖິງ​ການ​ບໍລິການ​ທາ​ງດ້ານ​ສັງຄົມ​ຕ່າງໆ ເຊັ່ນ: ສ້າງ​ໂອກາດ​ໃຫ້​ໄດ້ຮັບ​ການ​ສຶກສາ, ມີ​ວຽກ​ເຮັດ​ງານ​ທຳ ພ້ອມ​ທັງ​ເພີ່ມທະວີ​ການ​ເຂົ້າ​ຮ່ວມ​ຂອງ​ແມ່​ຍິ​ງ​ ໃນ​ ການ​ຕັດສິນ​ໃຈຕໍ່​ບັນຫາ​ຕ່າງໆ. ​

     ທ່ານ ນາງ ​ແຊນ​ດຣາ ນິ​ໂຄຣ ກ່າວ​ໃນ​ກອງ​ປະຊຸມ​ວ່າ: ບົດ​ຮຽນ​ຜ່ານ​ມາ​ຂອງ​ພວກ​ເຮົາ​ໄດ້​ໃຫ້ຮູ້​ວ່າ ການຈັດຕັ້ງປະຕິບັດ​​ແຜນ​ງານ​ບົດບາດ​ ຍິງ - ຊາຍ​ ໄດ້​ປະສົບ​ກັບ​ຫລາຍ​ບັນຫາເນື່ອງ​ຈາກ​ຄວາມ​ຕື່ນ ​ຕົວ​ຂອງ​ທີມງານ​ຈັດຕັ້ງປະຕິບັດ​ໂຄງການ​ຍັງ​ໜ້ອຍ ​ແລະ ຊ່ອງ​ຫວ່າງ​ຄວາມ​ອາດ​ສາມາດ​ໄດ້​ສົ່ງ ​ຜົນ​ຕໍ່​ ການຈັດຕັ້ງປະຕິບັດ, ​ເພື່ອເພີ່ມຜົນ​ໄດ້​ຮັບ​ຂອງ​ໂຄງການ, ຈຶ່ງມີ​ຄວາມ​ຈຳ​ເປັນ​ຕ້ອງ​ໄດ້​ຍົກ​ລະດັບ​ທັກ​ສະ ​ແລະ ຄວາມ​ຮູ້​ຄວາມ​ສາມາດ​ຂອງ​ທີ​ມງານ ​ໂຄງການ​ຕ່າງໆ​ ເພື່ອ​ໃຫ້​ສາມາດ​ຕິດຕາມ​ກວດກາ, ຈັດຕັ້ງ ປະຕິບັດ​ບັນດາ​ແຜນ​ງານ​ບົດບາດ​ ຍິງ - ຊາຍ ​ໃຫ້​ມີ​ປະສິດທິພາບ​ເພີ່ມ​ຂຶ້ນ.

   ພ້ອມນີ້, ບັນດາ​ໂຄງ ການ​ທີ່​ສະໜັບສະໜູນ ​ໂດຍ​ທະນາຄານ​​ພັດທະນາ​ອາຊີ ຢູ່ ສປປ ລາວ ຍັງຮຽກຮ້ອງ​ໃຫ້​ເອົາ​ໃຈ​ໃສ່​ເພີ່ມ​ຂຶ້ນ​ໃນ​ການ​ສ້າງ​ຄວາມ​ເຂັ້ມ​ແຂງ​ ເພື່ອ​ຈັດຕັ້ງ​ ແຜນ​ປະຕິ​ບັດ​ງານ​ໃຫ້​ເຂົ້າ​ໃຈ​ ເຖິງ​ບົດບາດ ​ແລະ ໜ້າ​ທີ່​ຮັບຜິດຊອບ ລະ​ຫວ່າງ​ຜູ້​ມີ​ສ່ວນ ​ຮ່ວມ​ໃນ​ການ​ປະຕິບັດ​ໂຄງການ ​ຕໍ່​ກັບ​​ ແຜນປະຕິບັດງານ​ບົດບາດ​ຍິງ-ຊາຍ​ແຕ່​ຂັ້ນສູນ​ກາງ ​ແລະ ທ້ອງ​ຖິ່ນໂດຍ​ສະ​ເພາະ​ຂັ້ນບ້ານ ທີ່ຈະ​ຊ່ວຍ​ ປະກອບສ່ວນ​ເຮັດ​ໃຫ້​ຜົນ​ໄດ້​ຮັບ​ຂອງ​ໂຄງການ​ມີ​ໝາກຜົນ​ພົນ​ເດັ່ນ ​ຂຶ້ນ.

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ