ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VII ໄຂຂື້ນຢ່າງເປັນທາງການ

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VII ໄດ້ໄຂຂຶ້ນຢ່າງເປັນທາງການໃນລະຫວ່າງ ວັນທີ 9 - 26 ທັນວານີ້ ທີ່ສະພາແຫ່ງຊາດພາຍ ໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານ ສະພາແຫ່ງຊາດ, ເປັນກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ເລຂາທິການໃຫຍ່ ປະທານປະເທດ, ທ່ານ ທອງສິງ ທຳມະວົງ ນາຍົກລັດຖະມົນຕີ ພ້ອມດ້ວຍບັນດາການນຳພັກ - ລັດ ແລະ ສະມາຊິກ ສະພາແຫ່ງຊາດເຂົ້າຮ່ວມຢ່າງພ້ອມພຽງ.

ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ກ່າວສູນທອນພົດໄຂກອງປະຊຸມຊຶ່ງມີເນື້ອໃນສຳຄັນ ດັ່ງນີ້: ໃນກອງປະຊຸມຄັ້ງນີ້ ຈະໄດ້ສຸມໃສ່ຄົ້ນຄວ້າພິຈາລະນາ ແລະ ຕົກລົງບັນຫາສຳຄັນຈຳນວນໜຶ່ງເປັນຕົ້ນ: ການຈັດຕັ້ງປະຕິບັດນະໂຍບາຍສົ່ງເສີມການຜະລິດ ສິນຄ້າຂອງປະຊາຊົນ; ສະພາບການຈັດຕັ້ງປະຕິບັດ ວຽກງານແຮງງານ, ບົດລາຍງານຜົນການກວດສອບງົບປະມານ ແລະ ພິຈາລະນາ ຮັບຮອງເອົາການສ້າງ ແລະ ປັບປຸງກົດໝາຍຈຳນວນໜຶ່ງໃນຂົງເຂດເສດຖະກິດ, ສັງຄົມ ແລະ ຍຸຕິທຳ ຊຶ່ງມີລາຍລະອຽດ ດັ່ງນີ້: 1. ຮັບຟັງການລາຍງານ ຜົນການຈັດຕັ້ງປະຕິບັດນະໂຍ ບາຍສົ່ງເສີມການຜະລິດສິນຄ້າ ຂອງປະຊາຊົນ ເພື່ອບັນລຸເປົ້າ ໝາຍສະຫັດສະວັດ ທີ 1 (MDGs1) ແນໃສ່ຫຼຸຸດຜ່ອນຄວາມທຸກຍາກ ຂອງປະຊາຊົນ, 2. ຮັບຟັງລາຍ ງານສະພາບການຈັດຕັ້ງປະຕິ ບັດວຽກງານແຮງງານ, 3. ພິຈາ ລະນາ ແລະ ຮັບຮອງເອົາບົດ ລາຍງານຜົນການກວດສອບ ກ່ຽວກັບການສະຫຼຸຸບຂາດຕົວ ການຈັດຕັ້ງປະຕິບັດແຜນງົບ ປະມານປະຈຳສົກ ປີ 2012 - 2013, 4. ພິຈາລະນາ ແລະ ຮັບຮອງເອົາບົດລາຍງານວຽກ ງານຂອງຄະນະປະຈຳສະພາ ແຫ່ງຊາດ ກ່ຽວກັບການຈັດຕັ້ງ ປະຕິບັດແຜນການເຄື່ອນໄຫວ ວຽກງານລະຫວ່າງກອງປະຊຸມ ສະໄໝສາມັນ ເທື່ອທີ 7 ຫາ ເທື່ອທີ 8 ແລະ ທິດທາງວຽກ ງານຂອງກອງປະຊຸມສະໄໝ ສາມັນ ເທື່ອທີ 8 ຫາ ເທື່ອທີ 9 ຂອງສະພາແຫ່ງຊາດຊຸດທີ VII, 5. ພິຈາລະນາ ແລະ ຮັບ ຮອງເອົາກົດໝາຍຈຳນວນ 7 ສະບັບໃນນັ້ນ: ກົດໝາຍສ້າງ ໃໝ່ 4 ສະບັບຄື: 1. ກົດໝາຍ ວ່າດ້ວຍການຄຸ້ມຄອງເງິນຕາ ຕ່າງປະເທດ, 2. ກົດໝາຍວ່າ ດ້ວຍການຄຸ້ມຄອງຄົນເຂົ້າ - ອອກ ສປປ ລາວ ແລະ ການ ຄຸ້ມຄອງຄົນຕ່າງປະເທດ, 3. ກົດໝາຍວ່າດ້ວຍ ການຄວບ ຄຸມເຄື່ອງດື່ມທີ່ມີທາດເຫຼົ້າ, 4. ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມ ຮຸນແຮງຕໍ່ແມ່ຍິງ ແລະ ເດັກ ນ້ອຍ.
- ກົດໝາຍປັບປຸງຈຳ ນວນ 3 ສະບັບຄື: 1. ກົດໝາຍ ວ່າດ້ວຍການແກ້ໄຂຄຳຮ້ອງທຸກ, 2. ກົດໝາຍວ່າດ້ວຍພາສີ, 3. ກົດໝາຍວ່າ ດ້ວຍການ ປິ່ນປົວ.

   ນອກຈາກບັນດາເນື້ອໃນທີ່ໄດ້ກ່າວມາແລ້ວນັ້ນ, ອັນສຳຄັນແມ່ນກອງປະຊຸມຍັງຈະໄດ້ຄົ້ນຄວ້າປະກອບ ຄວາມຄິດເຫັນຕໍ່ຮ່າງປັບປຸງ ລັດຖະທຳ ມະນູນສະບັບປີ 2003 ບົນພື້ນ ຖານການສັງລວມກັ່ນຕອງ ເອົາ ຄວາມຄິດເຫັນຈາກຕົວ ແທນຂອງບັນດາກະຊວງ, ອົງ ການ, ອຳນາດການປົກຄອງ ທ້ອງຖິ່ນ, ແຂວງ, ນະຄອນ ແລະ ບັນດາເມືອງຈຳນວນໜຶ່ງ, ສະຖາບັນ ແລະ ພາກສ່ວນ ຕ່າງໆທີ່ກ່ຽວຂ້ອງ ຊຶ່ງແມ່ນ ຄະນະ ກຳມະການປັບປຸງລັດ ຖະທຳມະນູນ ຈະໄດ້ນຳມາສະ ເໜີຜ່ານໃນກອງປະຊຸມສະພາ ແຫ່ງຊາດໃນຄັ້ງ ນີ້. ພ້ອມນັ້ນ, ກອງປະຊຸມຍັງຈະໄດ້ຮັບຟັງ ການຊີ້ແຈງອະທິບາຍຂອງບັນ ດາກະຊວງທີ່ກ່ຽວຂ້ອງ ແລະ ພິຈາລະນາບັນຫາອື່ນໆຈຳ ນວນໜຶ່ງ. ບັນດາເນື້ອໃນທີ່ ກ່າວມາເທິງນັ້ນລ້ວນແຕ່ເປັນ ບັນຫາທີ່ສຳຄັນ ຊຶ່ງເປັນໜ້າທີ່ ແລະ ຄວາມຮັບຜິດຊອບການ ເມືອງຂອງບັນດາທ່ານສະມາ ຊິກສະພາແຫ່ງຊາດ ຈະຕ້ອງ ໄດ້ຄົ້ນຄວ້າ ແລະ ພິຈາລະນາ ຢ່າງຖີ່ຖ້ວນ. ສະເໜີໃຫ້ບັນດາ ທ່ານສະມາຊິກສະພາແຫ່ງ ຊາດຈົ່ງໄດ້ຍົກສູງ ຄວາມຮັບ ຜິດຊອບ ແລະ ເປັນເຈົ້າການ ປະກອບຄຳເຫັນຕໍ່ບັນດາເນື້ອ ໃນຕ່າງໆທີ່ຈະນຳມາພິຈາລະນາ ໃນກອງປະຊຸມຄັ້ງນີ້ໃຫ້ ເລິກເຊິ່ງ, ມີຈຸດສຸມ, ດ້ວຍເຫດ ຜົນບົນພື້ນຖານສະພາບ ຄວາມເປັນຈິງ ໃນການ ພັດທະນາເສດຖະກິດ - ສັງຄົມຂອງ ປະເທດກໍຄືການເຊື່ອມໂຍງ ເສດຖະກິດກັບພາກພື້ນ ແລະ ໃນໂລກ ເພື່ອກ້າວເຂົ້າສູ່ການ ຮັບຮອງແຕ່ລະບັນຫາຢ່າງມີ ຄຸນນະພາບ ແລະ ສາມາດຈັດ ຕັ້ງປະຕິບັດໃຫ້ເຊື່ອມເຂົ້າຊີ ວິດຕົວຈິງຂອງສັງຄົມ. ນະໂອ ກາດນີ້, ຂ້າພະເຈົ້າຂໍສະເໜີມາ ຍັງບັນດາທ່ານສະມາຊິກລັດ ຖະບານ, ຜູ້ຕາງໜ້າອົງການ ຈັດຕັ້ງພັກ - ລັດ, ອົງການຈັດ ຕັ້ງມະຫາຊົນ, ພາກສ່ວນກ່ຽວ ຂ້ອງ ແລະ ປະຊາຊົນ ບັນດາ ເຜົ່າຈົ່ງໄດ້ໃຫ້ການຕິດຕາມ ການດຳເນີນກອງປະຊຸມຄັ້ງນີ້ ໂດຍການເຂົ້າຮ່ວມ ຫຼື ໂດຍ ຜ່ານ ພາຫະນະສື່ມວນຊົນ ຕ່າງໆ ເພື່ອປະກອບສ່ວນເຮັດ ໃຫ້ການດຳເນີນກອງປະຊຸມ ຄັ້ງນີ້ໄດ້ຮັບຜົນສຳເລັດ ຕາມ ລະດັບຄາດໝາຍທີ່ວາງໄວ້.

   ຈາກນັ້ນ ທ່ານ ວິໄລວັນ ພົມເຂ ລັດຖະມົນຕີວ່າການ ກະຊວງກະສິກຳ ແລະ ປ່າໄມ້ ໄດ້ຂຶ້ນຜ່ານບົດ ລາຍງານຂອງ ລັດຖະບານກ່ຽວກັບຜົນການ ຈັດຕັ້ງປະຕິບັດນະໂຍບາຍສົ່ງ ເສີມການຜະລິດສິນຄ້າຂອງ ປະຊາຊົນ ເປັນຕົ້ນການສົ່ງ ເສີມທຸລະກິດຂະໜາດນ້ອຍ ແລະ ຂະໜາດກາງ ແນໃສ່ຫຼຸຸດ ຜ່ອນຄວາມ ທຸກຍາກຂອງປະ ຊາຊົນ ແລະ ບັນລຸເປົ້າໝາຍທີ 01 ຂອງເປົ້າໝາຍສະຫັດສະ ວັດເພື່ອການພັດທະນາ, ທ່ານ ນາງ ເຂັມມະນີ ພົນເສນາ ລັດ ຖະມົນຕີວ່າການກະຊວງອຸດ ສາຫະກຳ ແລະ ການຄ້າ ໄດ້ ລາຍງານ ຜົນການຈັດຕັ້ງປະຕິ ບັດນະໂຍບາຍສົ່ງເສີມການ ຜະລິດສິນຄ້າຂອງປະຊາຊົນ - ເປັນຕົ້ນການ ສົ່ງເສີມ ທຸລະກິດ ຂະໜາດນ້ອຍ ແລະ ຂະໜາດ ກາງ ແນໃສ່ຫຼຸດຜ່ອນຄວາມ ທຸກຍາກຂອງປະຊາຊົນ ເພື່ອ ບັນລຸ ເປົ້າໝາຍທີ 01 ຂອງສະ ຫັດສະວັດເພື່ອການພັດທະ ນາ, ທ່ານນາງ ອ່ອນຈັນ ທຳມະວົງ ລັດຖະມົນຕີ ວ່າການ ກະຊວງແຮງງານ ແລະ ສະ ຫວັດດີການສັງຄົມ ລາຍງານ ກ່ຽວກັບສະພາບການຈັດຕັ້ງ ປະຕິບັດ ວຽກງານແຮງງານ, ທ່ານນາງ ສຸວັນເພັງ ບຸບຜານຸ ວົງ ຄະນະປະຈຳສະພາແຫ່ງ ຊາດ ປະທານກຳມາທິການ ເສດຖະກິດແຜນການ ແລະ ການເງິນໄດ້ລາຍງານກ່ຽວກັບ ຜົນການຈັດຕັ້ງນະໂຍບາຍສົ່ງ ເສີມຜະລິດສິນຄ້າ ຂອງປະຊາ ຊົນ ເປັນຕົ້ນການສົ່ງເສີມທຸລະ ກິດຂະໜາດນ້ອຍ ແລະ ຂະ ໜາດກາງ ແນໃສ່ຫຼຸດຜ່ອນ ຄວາມທຸກຍາກຂອງປະຊາຊົນ ແລະ ບັນລຸເປົ້າໝາຍທີ 01 ຂອງເປົ້າໝາຍສະຫັດສະວັດ ເພື່ອການພັດທະນາ (MDGs) ແລະ ທ່ານ ສຈ.ດຣ. ພອນເທບ ພົນເສນາ ຄະນະປະຈຳສະພາ ແຫ່ງຊາດ ປະທານກຳມາທິ ການວັດທະນະທຳ - ສັງຄົມ ໄດ້ລາຍງານກ່ຽວກັບສະພາບ ການຈັດຕັ້ງປະຕິບັດວຽກງານ ແຮງງານ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ