ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

    ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດ ທີ VII ໄດ້ໄຂຂຶ້ນ ຢ່າງເປັນທາງການ 

 

   ກອງປະຊຸມສະໄໝສາມັນເທື່ອ ທີ 7 ຂອງສະພາແຫ່ງຊາດຊຸດທີ VII ໄດ້ຂຶ້ນຢ່າງເປັນທາງການ ໃນຕອນເຊົ້າຂອງ ວັນທີ 7 ກໍລະກົດ 2014  ຢູ່ທີ່ສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານ ສະພາແຫ່ງຊາດ, ໂດຍການ ເປັນກຽດເຂົ້າຮ່ວມຂອງ ທ່ານ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິຫານ ງານສູນກາງພັກ, ປະະທານ ປະເທດ, ທ່ານທອງສິງ ທຳ ມະວົງ ນາຍົກລັດຖະມົນຕີ, ມີທ່ານຜູ້ນຳ ພັກ-ລັດ, ອະດີດ ການນຳຂັ້ນສູງ, ອົງການຈັດຕັ້ງແນວລາວ ສ້າງຊາດ ແລະ ບັນດາອົງການຈັດຕັ້ງມະຫາຊົນ, ສະຖາບັນນັກທຸລະກິດພາກສ່ວນ ແລະ ສະມາຊິກ ສະພາແຫ່ງຊາດຊຸດທີ VII  ເຂົ້າຮ່ວມ.

  ໃນກອງປະຊຸມຄັ້ງນີ້ຈະສຸມໃສ່ຄົ້ນຄວ້າ, ພິຈາລະນາ ແລະ ຕົກລົງບັນຫາສຳຄັນ ຫຼາຍບັນຫາເຊັ່ນ:  ພິຈາລະນາ, ຮັບຮອງບົດລາຍງານຂອງລັດ ຖະບານກ່ຽວກັບສະພາບການ ຈັດຕັ້ງປະຕິບັດແຜນພັດທະນາ ເສດຖະກິດ - ສັງຄົມ, ແຜນງົບປະມານແຫ່ງລັດປະຈຳ ສົກປີ 2013-2014 ທິດທາງວຽກງານ ສົກປີ 2014-2015 ແລະ ການສະເໜີລັດແກ້ງົບປະມານ ແຫ່ງລັດ 6 ເດືອນ ທ້າຍປີ 2013-2014, ພິຈາ ລະນາ, ຮັບຮອງເອົາການສະເໜີແຕ່ງຕັ້ງ, ຍົກຍ້າຍສະມາຊິກຄະນະລັດຖະບານ ຕາມການສະເໜີຂອງ ນາຍົກລັດຖະມົນຕີ, ປະກອບຄຳເຫັນ ເບື້ອງຕົ້ນກ່ຽວກັບການຈັດສັນ 3 ປະເພດປ່າຄື: ປ່າປ້ອງກັນ, ປ່າສະຫງວນ ແລະ ປ່າຜະລິດ, ພິຈາລະນາຮັບຮອງເອົາ ບົດລາຍງານກ່ຽວກັບການຈັດຕັ້ງ ປະຕິບັດວຽກງານ ປະຈຳປີ 2013-2014 ແລະ ທິດທາງວຽກງານ ສົກປີ 2014-2015 ຂອງອົງການ ກວດສອບແຫ່ງລັດ, ພິຈາລະນາຮັບຮອງບົດລາຍງານ ກ່ຽວກັບການເຄື່ອນໄຫວ ວຽກງານປະຈຳ ສົກປີ 2013-2014  ແລະ ທິດທາງວຽກງານ ສົກປີ 2014-2015 ຂອງສະພາແຫ່ງຊາດ ແລະ ພິຈາລະນາຮ່າງກົດໝາຍຈຳນວນ 6 ສະບັບໃນນັ້ນມີກົດ ໝາຍສ້າງໃໝ່ຈຳນວນ 2 ສະບັບຄື:

  ກົດໝາຍວ່າດ້ວຍການຕ້ານ ແລະ ສະກັດກັ້ນການຟອກເງິນ ແລະ ສະໜອງທຶນ ໃຫ້ແກ່ການກໍ່ການ ຮ້າຍ, ກົດໝາຍວ່າດ້ວຍການກວດສອບເອກະລາດ, ສຳລັບກົດໝາຍສະບັບປັບປຸງໃໝ່ມີ 4 ສະບັບ ຄື: ກົດໝາຍວ່າດ້ວຍອາກອນ ມູນຄ່າເພີ່ມ, ກົດໝາຍວ່າ ດ້ວຍພາສີ, ກົດໝາຍວ່າດ້ວຍ ມາດຕະຖານ ແລະ ການປະກອບຄວາມເຫັນເບື້ອງຕົ້ນ ໃສ່ກົດໝາຍວ່າດ້ວຍ ການແກ້ໄຂຄຳຮ້ອງທຸກ ນອກຈາກນີ້ ກອງປະຊຸມ ຍັງຈະໄດ້ຮັບຟັງ ການຊີ້ແຈງອະທິບາຍຕໍ່ຄຳ ຊັກຖາມຂອງສະມາຊິກສະ ພາກໍ່ຄືຄຳສະເໜີຂອງ ປະຊາຊົນ ຈາກ 12 ກະຊວງໂດຍ ເນື້ອໃນຕ່າງໆທີ່ນຳມາພິຈາລະນາ ໃນກອງປະຊຸມ ຄັ້ງນີ້, ລ້ວນແຕ່ເປັນ ບັນຫາທີ່ສຳຄັນ ຂອງຊາດ, ຊຶ່ງໄລຍະຜ່ານມາ ລັດຖະບານບັນດາກະຊວງ, ອົງການ ແລະ  ກຳມະທິການ ກ່ຽວຂ້ອງຂອງສະພາແຫ່ງຊາດ ກໍ່ໄດ້ປະສານສົມທົບ ກະກຽມບັນດາເນື້ອໃນດັ່ງກ່າວມີ ຄຸນນະພາບກ່ອນຈະ ນຳເຂົ້າສະເໜີຕໍ່ກອງປະຊຸມ ຄັ້ງນີ້.

 
 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ