ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Home
Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

  ກອງປະຊຸມສະພາແຫ່ງຊາດ ອັດລົງດ້ວຍຜົນສຳເລັດຢ່າງຈົບງາມ

  ກອງ​ປະຊຸມ​ສະໄໝ​ສາມັນເທື່ອ​ທີ 7 ຂອງ​ສະພາ​ແຫ່ງ​ຊາດ ຊຸດ​ທີ VII ໄດ້​ອັດ​ລົງ​ດ້ວຍ​ຜົນ​ສຳເລັດ​ຢ່າງ ​ຈົບງາມ ພາຍຫຼັງ​ທີ່​ໄດ້ດຳເນີນ​ມາ​ເປັນ​ເວລາ 15 ວັນ ໂດຍ​ພິທີ​ປິດ​ກອງ​ປະຊຸມ​ດັ່ງກ່າວໄດ້​ມີ​ຂຶ້ນ​ຕອນບ່າຍ ວັນ​ທີ 25 ກໍລະ​ກົດ 2014 ໂດຍ​ເປັນ​ປະທານຂອງ​ ທ່ານ​ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ ​ຊາດໃຫ້​ກຽດເຂົ້າ​ຮ່ວມ​ຂອງ​ ທ່ານ ຈູມ​ມາລີ ໄຊ​ຍະ​ສອນ ເລຂາທິການ​ໃຫຍ່ ປະທານ​ປະເທດ ພ້ອມ​ດ້ວຍ ​ການນຳ​ພັກ - ລັດ ອະດີດ​ການ​ນຳ ແລະ ສະມາຊິກ​ສະພາ​ແຫ່ງ​ຊາດ (​ສສຊ).

  ທ່ານ​ ນາງ ປານີ ຢາ​ທໍ່​ຕູ້ ໄດ້ກ່າວ​ສູນ​ທອນ​ພົດ​ອັດ​ກອງ​ປະຊຸມບາງ​ຕອນ​ສຳ​ຄັນວ່າ: ກອງ​ປະຊຸມສະໄໝ​ ສາມັນ​ເທື່ອ​ທີ 7 ຂອງ​ສະພາ​ແຫ່ງ​ຊາດ​ຊຸດ​ທີ VII ໄດ້​ຮັບຮອງ​ເອົາ​ບົດ​ລາຍ​ງານ​ຂອງ​ລັດຖະ​ບານກ່ຽວ​ກັບ​ ການຈັດຕັ້ງ​ປະຕິ​ບັດ​ແຜນ​ພັດທະນາ​ເສດ​ຖະກິດ -ສັງຄົມ 6 ເດືອນ ແຜນ​ງົບ​ປະມານ​ແຫ່ງ​ລັດ 9 ເດືອນ ແລະວຽກ​ງານ​ຈຸດ​ສຸມ​ທ້າຍ​ສົກ​ປີ 2013-2014 ແຜນ​ດັດແກ້​ງົບ​ປະມານ​ແຫ່ງ​ລັດ​ສົກ​ປີ 2013-2014 ແລະ ທິດ​ທາງ​ສົກ​ປີ 2014-2015 ຮັບຮອງ​ເອົາ​ການ​ແຕ່ງຕັ້ງ​ການນຳ​ຂັ້ນ​ ສູງເຂົ້າ​ໃນ​ກົງຈັກ​ລັດ​ຖະບານ ແລະ ຍົກຍ້າຍ​ສະມາຊິກລັດຖະບານ​ຊຸດ​ທີ VII ຈຳນວນໜຶ່ງ​ໄປ​ຮັບ​ໜ້າທີ່​ໃໝ່ຮັບຮອງ​ເອົາບົດ​ລາຍງານ​ ການ ຄື່ອນໄຫວວຽກ​ງານ​ສົກ​ປີ 2013-2014 ແລະ ທິດ​ທາງ​ວຽກ​ງານ​ສົກ​ປີ 2014-2015 ຂອງ​ອົງການ​ ກວດສອບ​ແຫ່ງ​ລັດ ອົງການ​ໄອ​ຍະການ​ປະຊາຊົນ​ສູງ​ສຸດ ແລະ ສານ​ປະຊາຊົນ​ສູງ​ສຸດຮັບຮອງເອົາ​ຜົນ ​ການເຄື່ອນໄຫວ​ວຽກ​ງານ ປະຈຳ​ສົກ​ປີ 2013-2014 ແລະ ທິດ​ທາງ​ວຽກ​ງານ​ສົກ​ປີ 2014-2015 ຂອງ​ ສະພາ​ແຫ່ງ​ຊາດ ພ້ອມ​ທັງ​ຮັບຮອງ​ເອົາ​ກົດໝາຍ 4 ສະບັບ ໃນ​ນີ້​ມີ​ກົດໝາຍ​ສ້າງ​ໃໝ່ 2 ສະບັບ​ຄື: ກົດ ໝາຍ​ວ່າ​ດ້ວຍການ​ຕ້ານ ແລະ ສະກັດ​ກັ້ນ​ການຟອກ​ເງິນ ແລະ ສະໜອງ​ທຶນ​ໃຫ້ແກ່​ການ​ກໍ່​ການ​ຮ້າຍ ແລະ ກົດໝາຍວ່າ​ດ້ວຍ​ການ​ກວດ​ສອບ​ອິດສະລະກົດໝາຍ​ປັບປຸງ 2 ສະບັບ ຄື: ກົດໝາຍ​ວ່າ​ດ້ວຍ​ອາກອນມູນ​ ຄ່າ​ເພີ່ມ ແລະ ກົດໝາຍ​ວ່າດ້ວຍ​ມາດຕະຖານ.

  ກອງ​ປະຊຸມ​ຍັງ​ໄດ້​ປະກອບຄຳ​ເຫັນ ​ຕໍ່​ບົດ​ລາຍ​ງານ​ຂອງ​ລັດຖະ​ບານ ກ່ຽວ​ກັບ​ການ​ຈັດ​ສັນ 3 ປະເພດ​ ປ່າ​ຄື: ປ່າ​ປ້ອງ​ກັນ, ປ່າ​ສະຫງວນ ແລະ ປ່າ​ຜະລິດ​ແຫ່ງຊາດ ພ້ອມ​ທັງ​ໄດ້​ປະກອບ​ຄຳ​ເຫັນຕໍ່​ການທາບ​ ທາມເພື່ອ​ປັບປຸງ​ກົດໝາຍ​ວ່າ​ດ້ວຍ​ການ​ແກ້​ໄຂຄຳ​ຮ້ອງທຸກ ຕະຫຼອດ​ໄລຍະ​ກອງປະຊຸມ​ບັນດາ ​ສສຊ ໄດ້​ ຍົກສູງຄວາມ​ຮັບຜິດຊອບ​ການເມືອງ ແລະ ເສີມ​ຂະຫຍາຍ​ສິດ​ປະຊາທິປະໄຕ​ຂອງ​ຕົນສຸມ​ສະຕິ​ປັນຍາ​ໃນ ການ​ຄົ້ນຄວ້າ ປະກອບ​ຄຳ​ເຫັນ​ຢ່າງ​ກົງ​ໄປ​ກົງ​ມາ ແລະ ສ້າງສັນ​ໂດຍ​ຍົກ​ໃຫ້​ເຫັນ​ດ້ານ​ດີ ດ້ານ​ອ່ອນ ແລະ ຂໍ້ຄົງຄ້າງ ສາເຫດ ​ແລະ ສະເໜີ​ມາດ​ຕະການ​ຕ່າງໆ ​ຕໍ່​ພາກ​ລາຍ​ງານ​ຂອງ​ລັດຖະບານ ​ທ່ານ​ ນາຍົກລັດ ຖະມົນຕີ ບັນດາ​ລັດຖະມົນຕີ ແລະ ອົງການ​ກ່ຽວຂ້ອງໄດ້​ໃຫ້​ຄຳ​ກະຈ່າງ​ແຈ້ງທັງ​ຕອບ​ຂໍ້​ຂ້ອງ​ໃຈຂອງ​ບັນດາ ​ສສຊ ທີ່​ມີ​ຄວາມ​ສົນໃຈ ແລະ ຊັກ​ຖາມ​ກ່ຽວ​ກັບສະພາບ​ພົ້ນ​ເດັ່ນ ​ໃນ​ການຈັດຕັ້ງປະຕິບັດ​ ແຜນ​ພັດທະນາ ​ເສດຖະກິດ - ສັງຄົມ ແລະ ແຜນ​ງົບປະມານ​ແຫ່ງ​ລັດ​ ອັນ​ພົ້ນ​ເດັ່ນ​ໃນໄລຍະ​ການ​ດຳເນີນ​ກອງ​ປະຊຸມຄັ້ງ​ນີ້ ສະພາ​ແຫ່ງ​ຊາດ​ໄດ້​ເປີດຖະແຫຼງ​ຂ່າວ​ຕໍ່​ສື່​ມວນ​ຊົນ ​ເພື່ອໃຫ້​ແຕ່​ລະ​ພາກສ່ວນ​ກ່ຽວຂ້ອງ​ຊີ້ແຈງ ຕອບ​ຄຳ​ຖາມ ແລະ ແກ້​ໄຂຂໍ້​ຂ້ອງ​ໃຈ​ຂອງ​ປະຊາຊົນ ​ທີ່​ໂທລະສັບ​ມາ​ເຖິງ​ກອງ​ປະຊຸມ ເຊິ່ງ​ສະແດງ​ເຖິງ​ຄວາມ​ເປັນ​ຫ່ວງ ເປັນໄຍຕໍ່​ການ​ບໍລິຫານ​ລັດ ກໍ່​ຄື​ການ​ປັບປຸງ​ການ​ຄຸ້ມ​ຄອງ​ລັດ ແລະ ຄຸ້ມຄອງ​ສັງຄົມ ໃຫ້​ມີ​ຄວາມ​ເຂັ້ມແຂງ ໜັກ​ແໜ້ນ ໂປ່ງ​ໃສ ແລະ ຍຸຕິ​ທຳ.

 

 

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ