ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ກອງປະຊຸມ ວຽກງານ ປ້ອງກັນຄວາມສະຫງົບ ທົ່ວປະເທດ ປະຈຳປີ 2014-2015
(ວັນຈັນ, ທີ່ 5 ມັງກອນ 2014)




ກອງປະຊຸມວຽກງານ ປ້ອງກັນຄວາມສະຫງົບ (ປກສ) ທົ່ວປະເທດ ປະຈຳປີ 2014 - 2015 ໄດ້ໄຂຂຶ້ນໃນ ວັນທີ 5-6 ມັງກອນນີ້ ພາຍໃຕ້ການເປັນປະທານຂອງ ທ່ານ ພົນຈັດຕະວາ ສົມແກ້ວ ສີລາວົງ ກຳມະການ ສູນກາງພັກ ຮັກສາການລັດຖະມົນຕີວ່າການ ກະຊວງ ປກສ ຊຶ່ງມີບັນດາລັດຖະມົນຕີ ຊ່ວຍວ່າການກະຊວງ ປກສ, ຄະນະພັກ - ຄະນະບັນຊາກົມໃຫຍ່, ຫ້ອງວ່າການ, 2 ວິທະຍາ ຄານ, 2 ບໍລິສັດ, ປກສ ນະຄອນ ຫຼວງ, ປກສ ແຂວງທົ່ວປະເທດເຂົ້າຮ່ວມ.

   ໃນກອງປະຊຸມ, ທ່ານພົນ ຈັດຕະວາ ສິນທະວົງ ໄຊຍະ ກອນ ລັດຖະມົນຕີຊ່ວຍວ່າ ການກະຊວງ ປກສ ໄດ້ຜ່ານ ຮ່າງບົດສະຫຼຸຸບການເຄື່ອນ ໄຫວວຽກງານປ້ອງກັນຄວາມສະຫງົບ ປີ 2014 ແລະ ທິດ ທາງໃນປີ 2015 ຊຶ່ງໄດ້ຍົກໃຫ້ ເຫັນວ່າ: ໃນປີ 2014 ຜ່ານມາ, ບັນດາຄະນະພັກ - ຄະນະບັນຊາ ໃນທົ່ວກຳລັງ ປກສ ໄດ້ເອົາ ໃຈໃສ່ຊີ້ນຳ - ນຳພາກຳລັງວິ ຊາສະເພາະປະຕິບັດວຽກງານ ປົກປັກຮັກສາຄວາມເປັນລະບຽບຮຽບ ຮ້ອຍທາງສັງຄົມໃນ ຂອບເຂດທົ່ວປະເທດ ໂດຍ ການສຸມໃສ່ແກ້ໄຂປະກົດການ ຫຍໍ້ທໍ້ໃນສັງຄົມຕາມຄຳສັ່ງ ເລກທີ 27/ນຍ, ພ້ອມທັງແຕ່ງ ຕັ້ງໜ່ວຍແກ້ໄຂປະກົດການ ຫຍໍ້ທໍ້ໃນສັງຄົມຕາມຄຳສັ່ງ ເລກທີ 1470/ປກສ ຢູ່ນະຄອນ ຫຼວງບັນດາເມືອງໃຫຍ່ຈຳ ນວນໜຶ່ງ ຊຶ່ງສາມາດເລີກຮື້, ແກ້ໄຂບັນດາເປົ້າໝາຍປະກົດ ການຫຍໍ້ທໍ້ ຕ່າງໆທີ່ສ້າງຄວາມ ບໍ່ສະຫງົບຢູ່ໃນສັງຄົມ ເຮັດໃຫ້ ຫາງສຽງຕຳນິ, ວິພາກວິຈານຕໍ່ ກຳລັງ ປກສ ໃຫ້ຫຼຸດ ໜ້ອຍຖອຍລົງ ແລະ ສັງຄົມມີຄວາມສະຫງົບປອດໄພໂດຍພື້ນຖານ.

   ສະແດງອອກ: ໃນປີ 2014 ທົ່ວປະເທດມີຄະດີອາຍາເກີດ ຂຶ້ນທັງໝົດ 3.956 ລາຍ, ມ້າງ ໄດ້ 1.938 ລາຍ, ກັກຕົວຜູ້ຖືກ ຫາ 4.543 ຄົນ, ຍິງ 819 ຄົນ (ທຽບໃສ່ປີ 2013 ເພີ່ມຂຶ້ນ 517 ລາຍ) ສະເພາະຢູ່ ນະຄອນຫຼວງວຽງຈັນ 2.460 ລາຍ, ມ້າງໄດ້ 1.348 ລາຍ, ກັກຕົວ ຜູ້ຖືກຫາ 2.271 ຄົນ, ຍິງ 313 ຄົນ. ນອກນັ້ນ, ຍັງມີຄະດີຢາ ເສບຕິດເກີດຂຶ້ນທັງໝົດ 1.658 ລາຍ, ກັກຕົວ 2.538 ຄົນ, ຍິງ 590 ຄົນ, ຄົນຕ່າງປະເທດ 45 ຄົນ, ຢຶດຂອງກາງເປັນຢາບ້າ ໄດ້ 363,31 ກິໂລກຣາມ, ເຮໂຣອິນ 163,94 ກິໂລ ກຣາມ, ຢາ ໄອ 8,85 ກິໂລກຣາມ, ຝິ່ນ 15,1 ກິໂລກຣາມ, ກັນຊາແຫ້ງ 1.252 ກິໂລກຣາມ, ລົດໃຫຍ່ 59 ຄັນ ແລະ ລົດຈັກ 229 ຄັນ (ທຽບໃສ່ປີ 2013 ເພີ່ມຂຶ້ນ 339 ລາຍ).

   ກອງປະຊຸມຄັ້ງນີ້, ຍັງໄດ້ ວາງທິດທາງແຜນການປີ 2015 ເພື່ອໃຫ້ບັນດາຄະນະພັກ - ຄະນະບັນຊາ ກົມກອງອ້ອມ ຂ້າງ ແລະ ປກສ ແຂວງນຳໄປ ຈັດຕັ້ງຜັນຂະຫຍາຍ ແນໃສ່ສືບ ຕໍ່ຮັກສາຄວາມສະຫງົບ
ຄວາມລະບຽບຮຽບຮ້ອຍໃນສັງຄົມ, ຕັ້ງໜ້າສະກັດກັ້ນ ແລະ ແກ້ໄຂ ປະກົດການຫຍໍ້ທໍ້ຕ່າງໆໃຫ້ຫຼຸດລົງ ເປັນຕົ້ນຢູ່ນະຄອນຫຼວງວຽງຈັນ ແລະ ບັນດາຕົວເມືອງ ໃຫຍ່ໃນທົ່ວປະເທດ ໂດຍການ ປະສານສົມທົບກັບ ອົງການທີ່ກ່ຽວຂ້ອງ, ອຳນາດການປົກ ຄອງແຕ່ລະຂັ້ນເຂົ້າຮ່ວມໃນ ການຄຸ້ມຄອງ, ສະກັດກັ້ນ ແລະ ແກ້ໄຂ ປະກົດການຫຍໍ້ທໍ້ໃນສັງຄົມ ໂດຍສະເພາະວຽກງານສະກັດກັ້ນ ແລະ ແກ້ໄຂບັນຫາຢາເສບຕິດ ຊຸກຍູ້ໃນ ທົ່ວກຳລັງ ປກສ ເປັນຫົວຈັກຫຼັກແຫຼ່ງໃນ ການນຳພາທຸກຊັ້ນຄົນເຂົ້າ ຮ່ວມແກ້ໄຂບັນຫາຢາເສບຕິດ ຢ່າງເປັນ ຂະບວນຟົດຟື້ນ ໄປຄຽງຄູ່ກັບການປັບປຸງກໍ່ສ້າງພະນັກງານສືບສວນ - ສອບສວນ ໃຫ້ມີປະສິດທິຜົນ, ດຳເນີນຄະດີໃຫ້ຖືກຕ້ອງຕາມລະບຽບກົດ ໝາຍ.

ພາຍຫຼັງຮັບຟັງການຜ່ານ ບົດສະຫຼຸຸບ, ບັນດາຄະນະພັກ - ຄະນະບັນຊາກົມກອງອ້ອມຂ້າງ ແລະ ປກສ ແຂວງທີ່ເຂົ້າ ຮ່ວມກອງປະຊຸມກໍໄດ້ມີການ ປະກອບຄຳເຫັນໃສ່ຮ່າງບົດ ສະຫຼຸຸບ ແລະ ທິດທາງແຜນ ການ ໃນຕໍ່ໜ້າໃຫ້ມີເນື້ອໃນສົມ ບູນຍິ່ງຂຶ້ນ ແຕ່ລະຂົງເຂດວຽກ ງານວິຊາສະເພາະ ເພື່ອພ້ອມ ກັນນຳເອົາທິດທາງທີ່ ວາງໄວ້ ໄປຈັດຕັ້ງປະຕິບັດໃຫ້ປະກົດ ຜົນເປັນຈິງ.

ການດຳເນີນກອງປະຊຸມ ໃນມື້ສຸດທ້າຍ, ບັນດາຄະນະພັກ - ຄະນະບັນຊາທີ່ເຂົ້າຮ່ວມ ກອງະຊຸມຈະສຸມໃສ່ ປະກອບ ຄຳຄິດຄຳເຫັນ ແລະ ຮັບຟັງ ການໂອ້ລົມຈາກທ່ານຮັກສາ ການລັດຖະມົນຕີວ່າການກະຊວງ ປກສ ຕື່ມອີກ.

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ