ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ກອງປະຊຸມວຽກງານອ້ອມຂ້າງສນກາງ

ກົມ 200 ກົມໃຫຍ່ສັນຕິບານ ( ກົມໃຫຍ່ 502 ) ກະຊວງ ປກສ ໄດ້ຈັດກອງປະຊຸມສະຫຼຸບ ວຽກງານປ້ອງກັນ ພາຍໃນສໍານັກງານ - ອົງການອ້ອມຂ້າງສູນກາງ ເພື່ອຕີລາຄາຄືນເຖິງສະພາບການ ແລະ ຜົນການປະຕິບັດງານໃນໄລຍະ 1 ປີຜ່ານມາ ພ້ອມທັງວາງທິດທາງແຜນການປ້ອງກັນສໍານັກງານ - ອົງການ ແລະ ກອງປະຊຸມ, ງານສໍາຄັນ ຕ່າງໆຂອງພັກ ຂອງຊາດ ໃນສົກປີ 2014-2015 ຢູ່ນະຄອນຫຼວງວຽງຈັນ.

ກອງປະຊຸມດັ່ງກ່າວຈັດຂຶ້ນ ໃນວັນທີ 10 ກໍລະກົດ 2014 ທີ່ກະຊວງ ປກສ, ໃຫ້ກຽດເຂົ້າ ຮ່ວມໂດຍ ທ່ານ ພົຈວ ກົງທອງ ພົງວິຈິດ ລັດຖະມົນຕີຊ່ວຍວ່າການ ກະຊວງ ປກສ, ມີຫົວໜ້າກົມ 502, ມີບັນດາຄະນະພັກ - ຄະນະບັນຊາ, ກົມ 200, ຄະນະປ້ອງກັນພາຍໃນສໍານັກງານ - ອົງການ ຕ່າງໆ ເຂົ້າຮ່ວມ.

ທ່ານ ພັອ ວຽງຄໍາ ບຸດປັນຍາ ຫົວໜ້າກົມ 200 ທັງເປັນປະທານກອງປະຊຸມ ໄດ້ຮຽກຮ້ອງໃຫ້ຄະນະຜູ້ແທນ ກະງປະຊຸມ ໃນຄັ້ງນີ້ ຈົ່ງສຸມທຸກສະຕິປັນຍາ ປະກອບຄຳຄິດຄຳເຫັນ ຢ່າງມີຈຸດສຸມ, ກົງໄປ - ກົງມາ ແລະ ຖືກກັບສະພາບ ຄວາມເປັນຈິງ ແລະ ບັນຫາທີ່ພວກເຮົາກໍາລັງປະເຊີນໜ້າຢູ່ ເພື່ອພ້ອມກັນຫາວິທີການສະກັດກັ້ນ ແລະ ແກ້ໄຂບັນຫາໃຫ້ທັນ ເວລາ.

ກອງປະຊຸມໄດ້ສັງເກດຕີລາຄາເຄື່ອນໄຫວວຽກງານ ໃນໄລຍະປີ 2013 ທີ່ຜ່ານມາ, ເຊິ່ງຄະນະປ້ອງກັນພາຍ ໃນສໍານັກງານ - ອົງການຕ່າງໆອ້ອມຂ້າງສູນກາງ ໄດ້ສຸມໃສ່ຈັດຕັ້ງປະຕິບັດວຽກງານວິຊາສະເພາະຂອງຕົນ ຢ່າງຕັ້ງໜ້າ ຈຶ່ງເຮັດໃຫ້ມີຜົນງານຫຼາຍຢ່າງ ເປັນຕົ້ນໄດ້ຊັນນະສູດແຫຼ່ງຂ່າວ, ບັດສົນເທ ແລະ ຈົດໝາຍອໍາຊື່ ຕ່າງໆ ໄດ້ 26 ສະບັບ ແລະ ຊັນ ນະສູດປະຫວັດການເຄື່ອນໄຫວການເມືອງຂອງຜູ້ຂໍຍົກຍ້າຍ, ຜູ້ທີ່ ຈະສະເໜີເລື່ອນໜ້າທີ່ຕໍາແໜ່ງ, ຂໍເຂົ້າເປັນລັດຖະກອນ ໃໝ່ ແລະ ຂໍສ້າງຕັ້ງສາມະຄົມມູນລະນິທິໄດ້ 372 ສະຫາຍ ພ້ອມທັງລົງເກັບກໍາ ແລະ ຂຶ້ນສະຖິຕິຕ່າງໆ ຄື: ຂຶ້ນສະ ຖິຕິ ພະນັກງານ - ສະມາຊິກຢູ່ອ້ອມ ຂ້າງສູນກາງໄດ້ 30 ຄະນະ ມີ 526 ສະຫາຍ, ຂຶ້ນສະຖິຕິບັນດາ ເປົ້າໝາຍໄດ້ 111 ເປົ້າໝາຍ, ຂຶ້ນ ສະຖິຕິຄຸ້ມຄອງອົງການ, ຊ່ຽວ ຊານ ແລະ ອາສາສະໝັກຄົນຕ່າງ ປະເທດທີ່ມາເຮັດວຽກຢູ່ ສປປ ລາວ ໄດ້ 88 ອົງການ. ໃນນີ້, ມີ 172 ໂຄງການ, ຂຶ້ນສະຖິຕິສະ ມາຄົມໄດ້ 146 ສະມາຄົມ - ມູນລະນິທິໄດ້ 9 ມູນລະນິທິ, ຂຶ້ນສະຖິຕິ ກວດກາ ແລະ ຄຸ້ມຄອງ ອາວຸດເສິກໄດ້ 1.136 ກະບອກ; ຄຽງຄູ່ກັນນີ້ ຍັງໄດ້ປະສານສົມທົບ ເຮັດວຽກງານ ຮ່ວມກັບຄະນະ ປ້ອງກັນພາຍໃນໄດ້ 3.154 ຄັ້ງ ແລະ ແລກປ່ຽນສະພາບຮ່ວມກັນ ກັບຄະນະປ້ອງກັນພາຍໃນ ແລະ ກົມກອງ ກ່ຽວຂ້ອງໄດ້ 59 ຄັ້ງ. ນອກຈາກນີ້ ຍັງໄດ້ປະກອບສ່ວນ ປ້ອງກັນຜູ້ນໍາ ພັກ - ລັດ, ແຂກຕ່າງປະເທດທີ່ມາຢ້ຽມຢາມ ແລະ ເຮັດວຽກຢູ່ ສປປ ລາວ, ກອງປະຊຸມລະດັບຕ່າງໆ ແລະ ວັນບຸນສໍາຄັນຂອງຊາດໄດ້ 207 ຄັ້ງ ສາມາດຮັບປະກັນ ໄດ້ຄວາມສະຫງົບ ປອດໄພ 100%.

ທ່ານ ພົຈວ ກົງທອງ ພົງວິຈິດ ໄດ້ຍ້ອງຍໍຊົມເຊີຍຈຸດດີ ແລະ ຜົນງານທີ່ຄະນະປ້ອງກັນພາຍໃນ ສໍານັກງານ-ອົງການທີ່ໄດ້ຕັ້ງ ເຄື່ອນໄຫວເຮັດໜ້າທີ່ໃນການປະກອບ ສ່ວນເຮັດໃຫ້ສັງຄົມມີຄວາມສະຫງົບປອດໄພ ແລະ ເນັ້ນໃຫ້ຄະ ນະພັກ-ຄະນະປ້ອງກັນພາຍໃນ ຕ້ອງເພີ່ມທະວີກໍາໃຫ້ໄດ້ສະພາບ ປະກົດການຫຍໍ້ທໍ້ຢູ່ພາຍໃນສໍາ ນັກງານ-ອົງການຂອງຕົນ ເພື່ອແນ ໃສ່ເຮັດໃຫ້ທຸກລະບົບການສໍາ ນັກງານ-ອົງການຈັດຕັ້ງແຕ່ລະຂັ້ນ ໃຫ້ສາມາດຮັບປະກັນໄດ້ຄວາມ ສະຫງົບປອດໄພ 100% ພ້ອມ ທັງເອົາໃຈໃສ່ວຽກງານສືບຂ່າວ, ກໍາສະພາບການ, ຊອກໃຫ້ເຫັນ ໄດ້ຈຸດອ່ອນ ແລະ ຊ່ອງວ່າງໃນ ວຽກງານປ້ອງກັນ ພັກ ສະມາຊິກ ພັກ, ພະນັກງານ-ລັດຖະກອນ ເພື່ອລາຍງານຂັ້ນເທິງມີວິທີການ ແກ້ໄຂໃຫ້ທັນເວລາ ພ້ອມທັງສືບ ຕໍ່ກວດກາ, ຄຸ້ມຄອງ ແລະ ຂຶ້ນ ສະຖິຕິຄົນຕ່າງປະເທດທີ່ມາເຮັດ ວຽກງານຢູ່ ສປປ ລາວ ໃຫ້ຫັດ ກຸມກວ່າເກົ່າ, ສຶກສາອົບຮົມການ ຊົມໃຊ້ສັງຄົມອອນລາຍພະນັກ ງານ-ລັດຖະກອນ ຢ່າງມີສະຕິ ແລະ ກວດກາ-ຄຸ້ມຄອງຕໍ່ການນໍາ ໃຊ້ເຄື່ອງມືສື່ສານ-ອີເລັກໂຕຼນິກ ຢູ່ບັນດາສໍານັກງານ-ອົງການ ແລະ ພະນັກງານ-ລັດຖະກອນໃຫ້ມີ ຄວາມຮັດກຸມ ໄປພ້ອມກັບການ ຈັດຕັ້ງລະບອບສິດປະຈໍາການ ຂອງຕົນ ແລະ ຜັດປ່ຽນກັນປະ ຈໍາການຕະຫຼອດ 24 ຊົ່ວໂມງ ມີ ຄວາມເຂັ້ມງວດໃນການປ້ອງກັນ ເວນຍາມຕິດຕາມສະພາບ ການ, ປັບປຸງລະບຽບການເຂົ້າ-ອອກສໍາ ນັກງານ ເດັດຂາດບໍ່ໃຫ້ມີສະພາບ ໃດໆເກີດຂຶ້ນ.

 

 
 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ