ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ໄຂກອງປະຊຸມລັດຖະມົນຕີພະລັງງານຄັ້ງທີ 32 ຢ່າງເປັນທາງການ

ກອງປະຊຸມລັດຖະມົນຕີພະລັງງານອາຊຽນຄັ້ງທີ 32 ໄຂຂຶ້ນຢ່າງເປັນທາງການໃນວັນທີ 23 ກັນຍານີ້ ທີ່ໂຮງແຮມ ດອນຈັນພາເລດ ພາຍໃຕ້ການ ເປັນປະທານຂອງທ່ານ ສຸລິວົງ ດາລາວົງ ລັດຖະມົນຕີວ່າການ ກະຊວງພະລັງງານ ແລະ ບໍ່ແຮ່ ໂດຍ  ໃຫ້ກຽດເຂົ້າຮ່ວມ ແລະ  ກ່າວໄຂ ກອງ ປະຊຸມຢ່າງເປັນທາງ ການຂອງພະນະທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ຊຶ່ງມີບັນ ດາລັດຖະມົນຕີ ຈາກບັນດາປະເທດອາຊຽນ ແລະ ບັນດາປະເທດຄູ່ເຈລະຈາອາຊຽນເຂົ້າຮ່ວມ.

ທ່ານນາຍົກລັດຖະມົນຕີ ກ່າວວ່າ: ກອງປະຊຸມລັດຖະ ມົນຕີອາຊຽນດ້ານພະລັງງານ ຄັ້ງທີ 32 ນີ້ ແມ່ນ ມີຄວາມ ໝາຍ ສຳຄັນເປັນ ພິເສດເພາະໄດ້ຈັດຂຶ້ນໃນເງື່ອນໄຂທີ່ສະ ພາບແວດລ້ອມພວມມີການປ່ຽນແປງ ຂອງດິນຟ້າອາກາດ ເຮັດໃຫ້ ໂລກຂອງພວກເຮົາ ປະສົບກັບ ໄພພິບັດທາງທຳມະຊາດຢ່າງໜັກໜ່ວງ ເປັນຕົ້ນແມ່ນເກີດແຜ່ນດິນໄຫວ, ພາຍຸ, ນ້ຳຖ້ວມ, ແຫ້ງແລ້ງ ແລະ ອື່ນໆ ຊຶ່ງໄດ້ສ້າງຄວາມສູນ ເສຍແກ່ ຊີວິດ ແລະ ຊັບສິນຂອງປະຊາກອນຢູ່ໃນໂລກຢ່າງຫຼວງຫຼາຍ ແລະ ໃນເງື່ອນໄຂທີ່ເສດຖະກິດ - ສັງຄົມ ຢູ່ໃນກຸ່ມປະເທດ ອາຊຽນໄດ້ພັດທະນາ ແລະ ຂະຫຍາຍຕົວຢ່າງຕໍ່ເນື່ອງ ຊຶ່ງໄດ້ ຊ່ວຍໃຫ້ຄຸນນະພາບຊີວິດ ຂອງປະຊາຊົນນັບມື້ນັບດີຂຶ້ນ. ສະນັ້ນ, ຄວາມ ຕ້ອງການດ້ານ ພະລັງງານ ຍິ່ງນັບມື້ ນັບສູງຂຶ້ນ ເພື່ອຮັບ ປະກັນໃຫ້ແກ່ການຂະ ຫຍາຍຕົວທາງດ້ານເສດຖະ ກິດ - ສັງຄົມຢ່າງຍືນຍົງ.

ຂະແໜງພະລັງງານຈຶ່ງມີສ່ວນສຳຄັນ ແລະ ມີໜ້າທີ່ຕົ້ນ ຕໍໃນການແກ້ໄຂບັນຫາການ ປ່ຽນແປງຂອງດິນ ຟ້າອາກາດ ທັງຮັບປະກັນໃຫ້ ແກ່ການພັດ ທະນາເສດຖະກິດແບບຍືນຍົງ ຢູ່ໃນຂົງເຂດອາຊຽນຂອງພວກ ເຮົາ ດ້ວຍການພັດທະນາພະ ລັງງານທົດແທນ ແລະ ພະລັງ ງານສີຂຽວທີ່ສະອາດ, ບໍ່ສ້າງມົນລະພິດຕໍ່ຊັ້ນ ບັນຍາກາດຂອງໂລກ, ຊຶ່ງມາຮອດປະຈຸບັນ ໃນກອບການຮ່ວມມືການ ເຊື່ອມໂຍງດ້ານພະ ລັງງານກໍໄດ້ມີ ການແລກປ່ຽນບົດຮຽນ ກ່ຽວກັບການພັດທະນາພະລັງ ງານທົດແທນຢ່າງມີຄຸນນະ ພາບ ແລະ ການປະຢັດ ພະລັງງານ. ຊຶ່ງບັນຫານີ້ກໍໄດ້ຂະຫຍາຍອອກເປັນວົງກວ້າງ ແລະ ໄດ້ຮັບການຈັດຕັ້ງປະຕິ ບັດຮ່ວມກັນຢ່າງ ມີໝາກມີຜົນ ຕົວຈິງ, ຊຶ່ງສະແດງອອກ ຢູ່ໃນກອງປະຊຸມເຈົ້າໜ້າທີ່ອາວຸໂສຄັ້ງທີ 32 ທີ່ຫຼວງພະບາງ, ກໍໄດ້ ມີການຕົກລົງເປັນເອກະພາບກັນເພື່ອບັນຈຸເອົາພະລັງງານ ໄຟຟ້ານ້ຳ ຕົກຂະໜາດໃຫຍ່ເຂົ້າໃນກຸ່ມ ຂອງ ພະລັງງານທົດແທນອັນເຮັດໃຫ້ອັດຕາສ່ວນ ການຊົມໃຊ້ພະລັງງານທົດແທນ ໃນກຸ່ມປະເທດອາຊຽນ ໄດ້ມີຈຳນວນ ເພີ່ມສູງຂຶ້ນເລື້ອຍໆ.

ລັດຖະບານແຫ່ງ ສປປ ລາວ ໄດ້ໃຫ້ຄວາມສຳຄັນຫຼາຍ ຕໍ່ການປົກປັກຮັກສາສິ່ງແວດ ລ້ອມ ເປັນຕົ້ນ ແມ່ນຄວາມອຸ ດົມສົມບູນ ທາງດ້ານລະບົບນິເວດ ແລະ ຊີວະນາໆພັນໃຫ້ມີຄວາມຍືນຍົງ ແລະ ຍັງມີ ນະໂຍບາຍໃຫ້ນຳໃຊ້ ຊັບພະຍາກອນ ທຳມະຊາດ ເປັນຕົ້ນ ແມ່ນຫ້ວຍນ້ຳລຳເຊທີ່ມີຢູ່ໃນປະເທດ ເປັນ ຈຳນວນຫຼວງຫຼາຍໃ ຫ້ກາຍເປັນທ່າແຮງໃນການພັດທະນາພະລັງງານໄຟຟ້ານ້ຳຕົກ. ຈາກການ ພັດທະນາ ພະລັງງານໄຟຟ້າດັ່ງກ່າວໄດ້ເຮັດໃຫ້ລາຍຮັບທີ່ໄດ້ຈາກພະລັງງານກວມເຖິງ 33% ຂອງທຶນທີ່ມາຈາກ ຊັບພະຍາ ກອນທຳມະ ຊາດ. ແຕ່ເຖິງຢ່າງໃດກໍດີການພັດທະນາພະລັງງານໄຟຟ້າ ນ້ຳຕົກຢູ່ ສປປ ລາວ ນັ້ນພວກ ຂ້າພະເຈົ້າກໍບໍ່ໄດ້ຖືເບົາຕໍ່ຜົນ ກະທົບ ຕ່າງໆທີ່ອາດຈະຕາມມາ, ພວກຂ້າພະເຈົ້າໄດ້ເອົາໃຈໃສ່ ພັດທະນາດ້ານນີ້ດ້ວຍ ຄວາມລະມັດລະວັງ, ມີຄວາມ ຮັບຜິດຊອບ, ມີການແລກ ປ່ຽນຖອດຖອນບົດຮຽນ ກັບບັນດາປະເທດເພື່ອນມິດອາຊຽນ ແລະ ຖືກຕ້ອງກັບມາດຕະຖານສາກົນ. ພະລັງງານຈາກເຂື່ອນ ໄຟຟ້ານ້ຳ ຕົກທີ່ຜະລິດອອກມາກໍເປັນພະລັງງານທີ່ສະ ອາດ, ບໍ່ເປັນພິດຕໍ່ຊັ້ນບັນຍາ ກາດຂອງໂລກ, ນຳໃຊ້ບໍ່ໝົດ ເປັນ ແລະ ຍັງສາມາດຊ່ວຍ ຕ້ານແລ້ງຕ້ານຖ້ວມຕື່ມອີກ.

ຍ້ອນພວກຂ້າພະເຈົ້າມີນະໂຍບາຍທີ່ຖືກຕ້ອງຄືແນວນັ້ນການ ເຂົ້າເຖິງລະບົບໄຟຟ້າທີ່ໝັ້ນ ຄົງຂອງຄົວ ເຮືອນ ຂອງປະຊາ ຊົນລາວ ຈຶ່ງໄດ້ມີຈຳນວນເພີ່ມ ຂຶ້ນຢ່າງໄວວາຄືເພີ່ມຈາກ 36% ໃນປີ 2000 ມາເປັນ 87% ໃນປີ 2014 ຊຶ່ງໃນນັ້ນ 98% ຂອງຕົວເມືອງໄດ້ເຊື່ອມຕໍ່ເຂົ້າໃນລະບົບຕາຂ່າຍໄຟຟ້າ ຊຶ່ງບັນຫານີ້ ໄດ້ສ້າງເງື່ອນ ໄຂໃຫ້ ສປປ ລາວ ສາມາດຈັດ ຕັ້ງປະຕິບັດ ບັນດາຄາດໝາຍ ຂອງແຜນພັດທະນາ ເສດຖະ ກິດ - ສັງຄົມຂອງປະເທດໄດ້ ເປັນຢ່າງດີ.

ສປປ ລາວ ພວກຂ້າພະເຈົ້າຍາມໃດກໍໄດ້ໃຫ້ຄວາມສຳ ຄັນ ແລະ ເອົາໃຈໃສ່ເປັນພິ ເສດຕໍ່ການພັດທະນາ ພະລັງ ງານແບບຍືນຍົງ, ແຕ່ການຫຼຸດ ຜ່ອນຜົນກະທົບຈາກການປ່ຽນ ແປງຂອງດິນຟ້າອາກາດ ຍ້ອນ ການປ່ອຍສານພິດສູ່ຊັ້ນບັນ ຍາກາດນັ້ນເຫັນວ່າບັນຫານີ້ ຈະເຮັດພໍໃຜພໍລາວແມ່ນເປັນໄປບໍ່ໄດ້ ສະນັ້ນ, ອາຊຽນພວກ ເຮົາຄວນເພີ່ມທະວີການຮ່ວມ ມື ແລະ ແລກປ່ຽນບົດຮຽນນຳ ກັນກ່ຽວກັບ ພັດທະນາພະລັງ ງານໃຫ້ເປັນຮູບປະທຳຫຼາຍຂຶ້ນກວ່າເກົ່າ. ສະນັ້ນ, ໃນໂອກາດໄຂກອງປະຊຸມລັດຖະມົນ ຕີອາຊຽນດ້ານ ພະລັງງານເທື່ອ ນີ້ ຂ້າພະເຈົ້າຈຶ່ງຂໍສະເໜີບາງຂໍ້ຄິດເຫັນຕໍ່ກອງປະຊຸມດັ່ງນີ້:

1. ຄວນກຳນົດນິຕິກຳ ແລະ ມີນະໂຍບາຍ ທີ່ຊັດເຈນ ກວ່າເກົ່າກ່ຽວກັບການສົ່ງເສີມ ແລະ ນຳໃຊ້ພະລັງ ງານທົດ ແທນເຂົ້າໃນ ແຜນຍຸດທະສາດ ການພັດທະນາແບບຍືນຍົງ.
2. ຄວນເສີມຂະຫຍາຍ ການຄົ້ນຄວ້າວິໄຈ ແລະ ການ ພັດທະນາກ່ຽວກັບເຕັກໂນໂລ ຊີດ້ານພະລັງງານ ທົດແທນ ເພື່ອສາມາດເຜີຍແຜ່ ແລະ ນຳ ໃຊ້ໃນບັນດາປະເທດອາຊຽນ ຢ່າງແທດເໝາະ ກັບສະພາບ ການຂອງແຕ່ລະປະເທດ.
3. ສືບຕໍ່ສຶກສາດ້ານການ ສ້າງຕະຫຼາດພະລັງງານທົດ ແທນໃຫ້ກວ້າງຂວາງກວ່າເກົ່າ ແລະ ສະໜອງທຶນ ທີ່ຈຳເປັນໃນ ການສົ່ງເສີມ ພະລັງງານສີຂຽວ ທີ່ເປັນມິດຕໍ່ສິ່ງແວດລ້ອມ.
4. ຄວນຊຸກຍູ້ການເຊື່ອມໂຍງລະບົບໄຟຟ້າແຮງສູງໃຫ້ ເປັນຮູບປະທຳຂຶ້ນເທື່ອລະກ້າວ ໂດຍແນໃສ່ການ ແລກປ່ຽນພະລັງງານ ໄຟຟ້າ ຈາກແຫຼ່ງຕ່າງໆຢ່າງມີປະສິດທິຜົນ ໂດຍເລີ່ມຈາກນ້ອຍໄປຫາໃຫຍ່ທັງເຮັດ, ທັງຖອດຖອນ ບົດຮຽນ ແລະ ຊອກຫາວິທີແກ້ ໄຂບັນຫາ ຫຍຸ້ງຍາກ ແລະ ສິ່ງ ທ້າທາຍຕ່າງໆ.

ຂ້າພະເຈົ້າເຊື່ອໝັ້ນວ່າບາງຂໍ້ຄິດເຫັນຂ້າງເທິງນີ້ຈະ ເປັນແນວທາງໜຶ່ງທີ່ຊ່ວຍເຮັດ ໃຫ້ການພັດທະນາ ພະລັງງານ ທົດແທນຢູ່ໃນຂົງ ເຂດອາຊຽນ ພວກເຮົາກາຍເປັນພະລັງງານ ທີ່ສະອາດ, ບໍ່ເປັນພິດຕໍ່ຊັ້ນບັນ ຍາກາດ ແລະ ຊ່ວຍຫຼຸຸດຜ່ອນ ສະພາບການປ່ຽນແປງຂອງ ດິນຟ້າອາກາດຢູ່ໃນໂລກຂອງພວກເຮົາ. ທ່ານນາຍົກລັດຖະມົນຕີໄດ້ຖືໂອກາດນີ້ສະແດງຄວາມ ຂອບອົກຂອບໃຈຢ່າງຈິງໃຈ ມາຍັງບັນດາ ປະເທດຄູ່ ເຈລະຈາອາຊຽນ + 3 ແລະ + 6 ທີ່ ໄດ້ໃຫ້ການສະໜັບສະໜູນ ແລະ ຮ່ວມມືເປັນຢ່າງດີຕໍ່ ສປ ປ ລາວ ໃນຂົງເຂດ ພະລັງງານ ແລະ ຫວັງວ່າບັນດາທ່ານຈະສືບຕໍ່ໃຫ້ການສະໜັບສະໜູນ, ຮ່ວມມື ແລະ ຊ່ວຍ ເຫຼືອພວກ ຂ້າພະເຈົ້າໃນການພັດທະນາ ດ້ານພະລັງງານເປັນຕົ້ນແມ່ນວຽກງານແລກປ່ຽນຂໍ້ມູນຂ່າວສານ, ການຝຶກອົບຮົມບຸກຄະລາກອນ, ບົດຮຽນກ່ຽວກັບການ ພັດທະນາພະ ລັງງານທົດແທນ ທີ່ມີຄຸນນະພາບ, ບົດຮຽນກ່ຽວ ກັບເຕັກໂນໂລຊີຖ່ານຫີນສະອາດ, ພະລັງງານນິວເຄຼຍ ແລະ ອື່ນໆຕື່ມອີກ

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ