ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ລັດຖະບານລາວຈູດທໍາລາຍຢາເສບຕິດ

  ເນື່ອງໃນໂອກາດວັນ ສາກົນຕ້ານຢາເສບຕິດຄົບຮອບ 27 ປີ ຄະນະກຳມະການ ແຫ່ງຊາດເພື່ອກວດກາ ແລະ ຄວບຄຸມ ຢາເສບຕິດຮ່ວມກັບ ອົງການ ສປຊ ເພື່ອຄວບຄຸມ ຢາເສບຕິດ ແລະ ອາຊະຍາກຳ ປະຈຳລາວ, ກະຊວງປ້ອງກັນ ຄວາມສະຫງົບ ແລະ ນະຄອນຫຼວງວຽງຈັນໄດ້ຈັດພິທີຈູດທຳ ລາຍຢາເສບ ຕິດ ຂຶ້ນໃນວັນທີ 25 ມີຖຸນານີ້ ທີ່ເດີ່ນພະທາດ ຫູວງພາຍໃຕ້ການເປັນປະ ທານຂອງພະນະທ່ານ ທອງສິງ ທຳມະວົງ, ນາຍົກລັດຖະມົນ ຕີແຫ່ງ ສປປ ລາວ ທັງເປັນປະ ທານຄະນະຊີ້ນຳຂະບວນການ ຕໍ່ຕ້ານຢາເສບ ຕິດຂັ້ນສູນກາງ, ອົງການ ສປຊ, ທູຕານູທຸດ, ອົງ ການຈັດຕັ້ງສາກົນປະຈຳລາວແລະ ພາກສ່ວນກ່ຽວຂ້ອງເຂົ້າ ຮ່ວມ.

 ທ່ານ ກຸ ຈັນສີນາ ປະທານຄະນະກຳມະການແຫ່ງ ຊາດ ເພື່ອກວດກາ ແລະ ຄວບ ຄຸມຢາເສບຕິດ ໄດ້ຂຶ້ນກ່າວ ລາຍງານ ກ່ຽວກັບສະພາບການປະຕິບັດວຽກງານກວດກາ ແລະ ຄວບຄຸມຢາເສບຕິດ ໃນໄລຍະ 1 ປີຜ່ານມາວ່າ: ພວກເຮົາໄດ້ເອົາ ໃຈໃສ່ ຕໍ່ວຽກ ງານປ້ອງກັນ ເປັນບັນຫາສຳ ຄັນ ໂດຍຖືເອົາການສຶກສາ ອົບຮົມ ແລະ ໂຄສະນາເຜີຍແຜ່ ດ້ວຍຮູບການຕ່າງໆ ເພື່ອສ້າງ ຈິດສຳນຶກໃຫ້ຄົນໃນທົ່ວສັງຄົມ ໄດ້ຮັບຮູ້ ແລະ ເຂົ້າໃຈລະບຽບ ກົດໝາຍ ແລະ ເຫັນໄດ້ເຖິງ ພິດໄພ ແລະ ຜົນຮ້າຍ ຂອງຢາ ເສບຕິດ ພ້ອມທັງ ຊັກຊວນໃຫ້ ປະຊາຊົນທຸກຊັ້ນຄົນ, ທຸກເພດ ໄວ ໄດ້ຕື່ນຕົວ ແລະ ສະໝັກ ໃຈເຂົ້າຮ່ວມ ໃນ ຂະບວນການ ສະກັດກັ້ນ ແລະ ແກ້ໄຂບັນຫາຢາເສບຕິດຢ່າງກວ້າງຂວາງ, ເພື່ອສະກັດກັ້ນການລັກລອບ ປູກຝິ່ນ ແລະ ການແກ້ໄຂ ຄວາມທຸກ ຍາກຂອງປະຊາຊົນ ນັ້ນ, ທັງພາກລັດ ແລະ ເອກະ ຊົນທັງພາຍໃນ ແລະ ຕ່າງປະ ເທດ, ບັນດາ ປະເທດເພື່ອນ ມິດ, ອົງການຈັດ ຕັ້ງ ແລະ ສະຖາບັນການເງິນສາກົນ, ອົງ ການບໍ່ສັງກັດ ລັດຖະບານໄດ້ ພ້ອມກັນສຸມໃສ່ ຈັດຕັ້ງປະຕິບັດ ໂຄງການພັດທະນາຊົນ ນະບົດ ຢູ່ບັນດາແຂວງພາກເໜືອ ເພື່ອ ຊ່ວຍປະຊາຊົນທີ່ເຄີຍປູກຝິ່ນ ໄດ້ມີເງື່ອນໄຂຫັນ ໄປປະກອບ ອາຊີບໃໝ່ທີ່ມີລາຍໄດ້ສຳລັບ  ການດຳລົງ ຊີວິດ ທີ່ໝັ້ນຄົງ, ໄດ້ເອົາໃຈໃສ່ຟື້ນຟູສະພາບຈິດ ໃຈ ແລະ ຮ່າງກາຍ ຂອງຜູ້ຕິດ ຢາເສບຕິດປະເພດຕ່າງໆຢູ່ ຕາມສູນ ບຳບັດ, ໂຮງໝໍ, ຕາມຊຸມຊົນ ແລະ ຢູ່ກັບຄອບຄົວຕາມຄວາມເໝາະສົມ ເພື່ອ ຊ່ວຍໃຫ້ຜູ້ຖືກເຄາະ ຮ້າຍໄດ້ ກັບຄືນສູ່ສະພາບປົກ ກະຕິ.

 ໄປ ຄຽງຄູ່ກັບການບຳບັດປິ່ນປົວຢູ່ ຕາມສູນຕ່າງໆນັ້ນ, ກໍຍັງໄດ້ ໃຫ້ຄົນປ່ວຍໄດ້ຝຶກວິຊາຊີບ ຂັ້ນພື້ນຖານເພື່ອສ້າງເງື່ອນໄຂ ໃຫ້ເຂົາເຈົ້າໄດ້ມີວຽກເຮັດງານທຳ ພາຍຫຼັງກັບຄືນສູ່ຄອບຄົວ ແລະ ທ້ອງຖິ່ນຂອງໃຜລາວ, ເພື່ອປະກອບສ່ວນເຂົ້າໃນ ການຈັດຕັ້ງ ປະຕິບັດມະຕິ 3 ສ້າງ ແລະ ຄຳສັ່ງເລກທີ 03 ຂອງກົມການເມືອງ, ຄຳສັ່ງ ເລກທີ 22 ຂອງຄະນະເລຂາທິ ການສູນກາງພັກ, ຄຳສັ່ງເລກທີ 27 ຂອງນາຍົກລັດຖະມົນຕີ ແລະ ບັນດານິຕິກຳທີ່ກ່ຽວຂ້ອງ ໃຫ້ປະກົດຜົນເປັນຈິງນັ້ນ, ແຕ່ ລະທ້ອງຖິ່ນໄດ້ເອົາ ໃຈໃສ່ຢ່າງ ຕັ້ງໜ້າ ໃນການປະຕິບັດແຜນ ການສ້າງບ້ານປອດຢາເສບ ຕິດ ຕິດພັນກັບການສ້າງບ້ານ ວັດທະນະທຳ, ບ້ານປອດຄະ ດີ ແລະ ບ້ານພັດທະນາ ຊຶ່ງມາ ຮອດປະຈຸບັນນີ້, ໃນທົ່ວປະ ເທດໄດ້ມີຄອບຄົວປອດຢາ ເສບຕິດ ແລະ ຄອບຄົວພັດທະ ນາກວມ ເອົາ 65,60% ຂອງຄອບຄົວທັງໝົດ, ມີບ້ານປອດ ຢາເສບຕິດ ກວມເອົາ 27,45% ຂອງບ້ານທັງໝົດ, ມີໂຮງຮຽນ ປອດຢາເສບ ຕິດກວມເອົາ 37,90% ຂອງໂຮງຮຽນມັດທະ ຍົມທັງໝົດ.

ຂະບວນສ້າງຄອບ ຄົວ, ສ້າງບ້ານ, ສ້າງສະຖາບັນ ການສຶກສາ ແລະ ກົມກອງໃຫ້ປອດຢາເສບຕິດດັ່ງກ່າວນີ້ ໄດ້ປະກອບສ່ວນ ອັນສຳຄັນເຂົ້າ ໃນການຫຼຸຸດຜ່ອນປະກົດການ ຫຍໍ້ທໍ້ຕ່າງໆໃນຫຼາຍຕົວເມືອງ ໃຫຍ່ຂອງຫຼາຍແຂວງໄດ້ດີພໍສົມຄວນ ແລະ ເຈົ້າໜ້າທີ່ຕຳຫຼວດໄດ້ຮ່ວມມືກັບພາກສ່ວນ ທີ່ກ່ຽວຂ້ອງຂັ້ນຕ່າງໆປະຕິບັດ ໜ້າທີ່ຂອງ ຕົນດ້ວຍຄວາມຮັບຜິດຊອບສູງ ຊຶ່ງ ສະແດງອອກ ໃນການມ້າງຄະດີໄດ້ 1.581 ກໍລະນີ, ຈັບກຸມຜູ້ຕ້ອງຫາໄດ້ 2.140 ຄົນ ໃນນີ້ມີຍິງ 420 ຄົນ, ມີຄົນຕ່າງ ປະເທດ 54ຄົນ, ຢຶດຢາບ້າໄດ້ 3.841.077 ເມັດ, ເຮໂຣອິນ 238,5 ກິໂລ, ມອກ ຟີນ 83,5 ກິໂລ, ຝິ່ນດິບ 47,8 ກິໂລ, ກັນຊາແຫ້ງ 1.480 ກິ ໂລ, ຢາໄອ 22,3 ກິ ໂລ.

   ໃນພິທີກໍໄດ້ມີການຈູດທຳລາຍຢາເສບຕິດປະເພດຕ່າງໆ ຊຶ່ງເຈົ້າໜ້າທີ່ຢຶດໄດ້ ຈາກການລັກລອບຄ້າຂາຍ ແລະ ລຳບຽງ ຂົນສົ່ງ ຂອງພວກ ຄົນບໍ່ດີ ທີ່ສານໄດ້ຕັດສິນ ແລະ ມີຄຳສັ່ງໃຫ້ທຳລາຍຖິ້ມ ຊຶ່ງ ລາຍລະອຽດມີດັ່ງນີ້: ຢາບ້າ 5.439.877 ເມັດ, ກັນຊາ ແຫ້ງ ອັດແທ່ງ 3.001,5 ກິໂລ, ຢາ ໄອ 49,2 ກຣາມ, ເຮໂຣອິນ 334 ກຣາມ, ຢາ Ameflu 32,2 ກິໂລ.

   ຢາເສບ ຕິດປະເພດ ຕ່າງໆທີ່ຈູດທຳລາຍໃນມື້ນີ້ຖ້າ ຄິດໄລ່ເປັນເງິນແລ້ວຈະມີມູນ ຄ່າປະມານ 17,5 ລ້ານໂດລາ ສະຫະລັດ ແລະ ສຳລັບຢູ່ແຂວງຕ່າງໆ, ຈຳນວນຢາເສບຕິດທີ່ເຈົ້າໜ້າທີ່ຍຶດໄດ້ ແລະ ສານປະຊາຊົນໄດ້ຕັດສິນໃຊ້ ໄດ້ຢ່າງເດັດຂາດແລ້ວນັ້ນກໍ ຈະໄດ້ຈັດຕັ້ງພິທີຈູດທຳລາຍຖິ້ມເຊັ່ນດຽວກັນ.

* ຄັດຈາກ: ໜັງສືພິມປະຊາຊົນ, ສະບັບວັນທີ 26-6-2014

 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ