Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

                    ກົມຕຳຫຼວດຄຸມຂັງປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ

ກົມຕໍາຫຼວດຄຸມຂັງ-ດັດສ້າງ ກະຊວງ ປກສ ໄດ້ປະກາດເລື່ອນ ຊັ້ນໃຫ້ນາຍ ແລະ ພົນຕຳຫຼວດ ທີ່ມີຜົນງານດີເດັ່ນ, ໃນການຝຶກຝົນຫຼ່ໍຫຼອມຕົນເອງ, ດ້ານຄຸນສົມບັດ, ມີຄວາມຮູ້-ຄວາມສາມາດ  ແລະ ມີຜົນສຳເລັດໃນວຽກງານຕົວຈິງ ປະດັບຊັ້ນໂດຍ ພົຈວ ສົມລິດ ດາວຮຸ່ງສຸລິ ຫົວໜ້າກົມຕໍາ ຫຼວດຄຸມຂັງ-ດັດສ້າງ, ມີບັນດາ ຄະນະພັກ-ຄະນະກົມ, ຫົວໜ້າ ພະແນກ-ຮອງພະແນກ ແລະ ພະນັກງານຫຼັກແຫຼ່ງເຂົ້າຮ່ວມ, ໃນ ວັນທີ 17 ກັນຍາ 2019.

ພັທ ຈູມວິໄລ ແກ້ວທອງສີ ວ່າການຫົວໜ້າຫ້ອງການເມືອງ ກົມຕຳຫຼວດຄຸມຂັງ-ດັດສ້າງ ໄດ້ຂຶ້ນຜ່ານຂໍ້ຕົກລົງ ສະບັບເລກທີ 2779/ກມປສ ລົງວັນທີ 3 ກັນ ຍາ 2019 ວ່າດ້ວຍການເລື່ອນຊັ້ນໃຫ້ນາຍຕໍາຫຼວດກົມຕໍາຫຼວດ ຄຸມຂັງ-ດັດສ້າງ ຈຳນວນ 9 ສະຫາຍ; ໃນນັ້ນ, ເລື່ອນຊັ້ນ ສິບຕີ ຂຶ້ນ ສິບໂທ 2 ສະຫາຍ ຍິງ 1 ສະຫາຍ, ສິບເອກ ຂຶ້ນ ວາທີ 2 ສະຫາຍ ຍິງ 1 ສະຫາຍ, ຮ້ອຍຕີ ຂຶ້ນ ຮ້ອຍໂທ 5 ສະຫາຍ ຍິງ 2 ສະຫາຍ.

ໃນພິທີ, ພົຈວ ສົມລິດ ດາວຮຸ່ງສຸລິ ກໍໄດ້ປາຖະກະຖາມູນເຊື້ອວັນຍຶດອຳນາດ 23 ສິງຫາ ຄົບ ຮອບ 44 ປີ ແລະ 74 ປີ (23 ສິງ ຫາ 1945 ແລະ 23 ສິງຫາ 1975 -23 ສິງຫາ 2019) ແລະ ວັນລັດຖະທໍາມະນູນ ຄົບຮອບ 28 ປີ    ( 15 ສິງຫາ 1991-15 ສິງຫາ 2019 ) ເຊິ່ງໃຫ້ຮູ້ວ່າ: ຊາດລາວ ເປັນຊາດໜຶ່ງ ທີ່ມີປະຫວັດສາດ ແຫ່ງການ ກໍ່ຕັ້ງອັນສະຫງ່າງາມ ແລະ ໄດ້ຖືກປົກປັກຮັກສາເປັນເວ ລາຫຼາຍພັນປີມາແລ້ວ ຊຶ່ງສະຕະວັດທີ XIV ເຈົ້າຟ້າງຸ່ມ ໄດ້ທ້ອນ ໂຮມເມືອງລາວບູຮານສ້າງເປັນອານາຈັກລາວລ້ານຊ້າງ, ສະຕະວັດທີ XVI ອານາຈັກລາວລ້ານ  ຊ້າງໄດ້ຖືກສັກດີນາຕ່າງ ດ້າວມາຮຸກຮານມາຮອດຕົ້ນສະຕະວັດທີ XX ບັນດາປະເທດຈັກກະພັດ ໄດ້ດໍາເນີນການຮຸກຮານ ແລະ ຢຶດຄອງບັນດາ ປະເທດເປັນຫົວເມືອງຂຶ້ນ ແລະ ປະເທດລາວ ໄດ້ຕົກ ເປັນຫົວເມືອງຂຶ້ນຂອງຝຣັ່ງ ໃນປີ 1893, ປະຊາຊົນລາວບັນດາ ເຜົ່າໄດ້ຈົມຢູ່ໃນຄວາມເປັນຂ້ອຍຂ້າຂອງພວກລ່າເມືອງຂຶ້ນຕ່າງດ້າວ ແລະ ຖືກຂູດຮີດຢ່າງແສນສາຫັດ, ແຕ່ດ້ວຍນໍ້າໃຈ ຮັກຊາດ, ຄວາມຄຽດແຄ້ນຕໍ່ການຮຸກຮານ ແລະ ການກົດຂີ່ຂູດຮີດ ຂອງພວກລ່າເມືອງຂຶ້ນປະຊາຊົນລາວບັນດາເຜົ່າ ໄດ້ລຸກຮື້ຂຶ້ນຕໍ່ສູ້ ເພື່ອຄວາມເປັນ ເອກະລາດ, ເສລີພາບ ແລະ ຄວາມຢູ່ດີກິນດີຂອງຕົນ, ຮອດປີ 1930 ພັກກອມ ມູນິດອິນດູຈີນ ໄດ້ກຳ ເນີດເກີດຂຶ້ນພາຍໃຕ້ການນຳພາ ຂອງພັກປະຕິວັດ, ການຕໍ່ສູ້ຂອງ ປະຊາຊົນລາວ ຈຶ່ງໄດ້ກ້າວເຂົ້າສູ່ ໄລຍະໃໝ່, ດ້ວຍຄຸນນະພາບໃໝ່ ແລະ ພັກໄດ້ນຳພາປະຊາຊົນລາວລຸກຮື້ຂຶ້ນຢຶດອຳນາດການປົກຄອງ ໃນທົ່ວປະເທດ ໃນວັນທີ 23 ສິງ ຫາ 1945.

ຜ່ານການຕໍ່ສູ້ຂອງປວງຊົນ ລາວທັງຊາດ ໃນແຕ່ລະໄລຍະ, ວັນຢຶດອໍານາດ 23 ສິງຫາ 1975 ຈຶ່ງມີຄວາມ ສຳຄັນຫຼາຍສຳລັບປະຊາຊົນລາວທັງຊາດ ເພາະວ່າ: ໄຊຊະນະດັ່ງກ່າວນີ້ ແມ່ນໝາກຜົນ ແຫ່ງການຕໍ່ສູ້ປະຫວັດສາດ ອັນຍືດເຍື້ອຍາວນານຂອງປະຊາຊົນລາວ ບັນດາເຜົ່າ ພາຍໃຕ້ການນຳພາຂອງ ພັກປະຊາຊົນປະຕິວັດລາວ, ແມ່ນຜົນ ທີ່ເກີດຈາກຄວາມກ້າຫານປະດິດສ້າງແຫ່ງການນຳໃຊ້ 3 ບາດ ຄ້ອນຍຸດທະສາດ ເພື່ອຢຶດອຳນາດ ການປົກຄອງໃນທົ່ວ ປະເທດແບບ "ບົວບໍ່ຊໍ້ານໍ້າບໍ່ຂຸ່ນ" ແມ່ນໄຊຊະນະຂອງແນວທາງປະຕິວັດອັນຖືກຕ້ອງ.

ລັດຖະທຳມະນູນ ເປັນກົດໝາຍພື້ນຖານຂອງລະບອບປະຊາທິປະໄຕຂອງປະຊາຊົນລາວ ເພື່ອສຶກສາອົບຮົມ ປະຊາຊົນລາວບັນ ດາເຜົ່າ ໃຫ້ຍົກສູງນ້ຳໃຈຮັກຊາດ, ເພີ່ມທະວີຄວາມສາມັກຄີປວງຊົນ ລາວທັງຊາດ, ເຊີດຊູບົດບາດ  ເປັນເຈົ້າການໃນການປົກປັກຮັກສາ ແລະ  ສ້າງສາພັດທະນາປະເທດ ຊາດຕາມຈຸດໝາຍທີ່ໄດ້ກຳນົດໄວ້ ການປະກາດ ໃຊ້ລັດຖະທໍາມະ ນູນເປັນເຫດການການເມືອງ, ທັງເປັນຂີດໝາຍໃໝ່ແຫ່ງການຫັນ ໄປສູ່ການຄຸ້ມຄອງລັດ, ຄຸ້ມຄອງ ສັງຄົມດ້ວຍກົດໝາຍ ແລະ ສ້າງລັດແຫ່ງກົດໝາຍເທື່ອລະກ້າວ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ