Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

      

ລັດວິສະຫະກິດ ລາວບໍລິ ການຄວາມປອດໄພ-ລະຫວ່າງປະເທດ (ລປພລທ) ໄດ້ຈັດຕັ້ງແຂ່ງຂັນສ້າງຜົນງານ ຂໍ່ານັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 (5 ເມສາ 1961-5 ເມສາ 2021) ເພື່ອ ເປັນການປັບປຸງພະນັກງານຮັກສາຄວາມປອດໄພເຂົ້າສູ່ຄຸນນະພາບ, ຕ້ານປະກົດການຫຍໍ້ທໍ້ທີ່ອາດຈະເກີດຂຶ້ນ ແລະ ສ້າງຄວາມເຊື່ອຖືແກ່ຜູ້ໃຊ້ບໍລິການ, ໃນວັນທີ 29 ທັນວາ 2020, ເປັນປະທານໂດຍ ພັທ ລີຕູ້ ມີໄຊຕູ້ ອຳນວຍ ການ ລປພລທ, ມີບັນດາຄະນະພັກ-ຄະນະບັນຊາ, ກອງຮ້ອຍ ແລະ ພະນັກງານ-ນັກຮົບເຂົ້າຮ່ວມ.

ພັທ ຄໍາເຟືອນ ພົມມະຈັນ ຮອງຜູ້ອຳນວຍການ ໄດ້ຜ່ານແຜນວ່າ: ການສ້າງຂະບວນການແຂ່ງ ຂັນຄັ້ງນີ້ ປະກອບ ມີສາຍກວດ 6 ກອງຮ້ອຍ, 13 ເໜືອ ແລະ 13 ໃຕ້ ແມ່ນປະຕິບັດຕາມ 5 ເນື້ອໃນຂໍ້ແຂ່ງຂັນ ຄື: ການສຶກ ສາອົບຮົມການເມືອງແນວຄິດໃຫ້ແກ່ກໍາລັງຮັກສາຄວາມປອດໄພຢ່າງທົ່ວເຖິງໃຫ້ມີແນວຄິດອຸ່ນອຽນ ທຸ່ນທ່ຽງ, ເອົາ ໃຈໃສ່ໃນການປະຕິບັດໜ້າທີ່ດ້ວຍຄວາມຮັບຜິດຊອບສູງໃຫ້ໄດ້ 95% ຂຶ້ນໄປ, ກວດກາຈຸດຍາມຂອງຕົນໃຫ້ຄົບ ທຸກກະຍາມ 90%, ປັບປຸງລະບຽບການນຸ່ງຖື, ອຸປະກອນຮັກສາຄວາມປອດໄພຄົບຊຸດ 95%, ປັບປຸງການປະຕິ ບັດໜ້າທີ່ຂອງພະນັກງານຮັກສາຄວາມປອດໄພ ເຂົ້າສູ່ຄຸນນະພາບ 90% ແລະ ຕ້ານການນອນຫຼັບປະຍາມ, ໜີປະ ປ້ອມຍາມ, ຂີ້ລັກ-ງັດແງະ, ລູກຄ້າຍົກເລີກສັນຍາໃຫ້ໄດ້ 90% ສຳລັບລາງວັນ ປະກອບມີ 4 ປະເພດ ຄື: ເຂັ້ມແຂງ ໄດ້ 500.000 ກີບ ພ້ອມໃບຍ້ອງຍໍ, ແຂງ 300.000 ກີບ ພ້ອມໃບຍ້ອງຍໍ ແລະ ກາງ 150. 000 ກີບ ພ້ອມ ໃບຊົມເຊີຍ (ຈະສິ້ນສຸດການແຂ່ງຂັນໃນວັນທີ 31 ມີນາ 2021).

ໃນໂອກາດນີ້, ພັທ ລີຕູ້ ມີໄຊຕູ້ ກ່າວວ່າ: ການແຂ່ງຂັນແມ່ນການທົດສອບດ້ານຄວາມຮູ້ ຄວາມສາມາດ, ການເປັນຜູ້ບັນຊາທີ່ດີ, ສະນັ້ນຈຶ່ງຮຽກຮ້ອງມາຍັງຜູ້ທີ່ເຂົ້າ  ຮ່ວມຂະບວນການແຂ່ງຂັນຈົ່ງເອົາ   ໃຈໃສ່ບາງບັນຫາ ຄື: ສາຍກວດຕ້ອງມີຄວາມອົດທົນ, ມີຄວາມຕື່ນຕົວ, ພະຍາຍາມສຶກສາອົບຮົມກໍາລັງຮັກສາຄວາມປອດໄພໃນຄວາມ ຮັບຜິດຊອບຂອງຕົນໃຫ້ມີຄວາມ ເຂົ້າໃຈແຈ້ງຕໍ່ການປະຕິບັດໜ້າທີ່ເປົ້າໝາຍ ເພື່ອຄວາມສະຫງົບທາງດ້ານການ ເມືອງ ຫຼື   ຮັບໃຊ້ໜ້າທີ່ການເມືອງ, ຕີຖອຍແນວຄິດຂີ້ຄ້ານ-ມັກງ່າຍ, ບໍ່ຮອບຄອບ, ແນວຄິດສວຍໂອກາດ, ຄົນເຈົ້າ ຄົນຂ້ອຍ ເມື່ອລຶ້ງເຄີຍ ຫຼື ຮັບສິນບົນ ເພື່ອສັບຊ້ອນເຮັດວຽກ 2-3 ກະໂດຍບໍ່ຄຳນຶງເຖິງຄຸນນະພາບ, ເມື່ອພົບ ເຫັນບັນຫາຕ້ອງມີຄວາມເດັດຂາດ, ກ້າຄິດ, ກ້າເຮັດ ແລະ ກ້າຕັດສິນໃຈປັບປຸງຕາມແຜນທີ່ໄດ້ວາງໄວ້, ຕ້ອງມີຄວາມ ຊື່ສັດຕໍ່ໜ້າທີ່ຄວາມຮັບຜິດຊອບຂອງຕົນ, ລາຍງານຄວາມເປັນຈິງທີ່ພົບເຫັນ, ບໍ່ເຊື່ອງອຳເຫດການຕ່າງໆ ຍ້ອນຢ້ານ ມີຈຸດອ່ອນ, ບໍ່ຫວັງຜົນປະໂຫຍດສ່ວນຕົວ ແລະ ຫວັງເອົາແຕ່ຄາດໝາຍການແຂ່ງຂັນ ໂດຍບໍ່ຄຳນຶງຜົນເສຍທາງໜ້າ ແລະ ຕ້ອງສ້າງພະນັກງານຮັກສາຄວາມປອດໄພໃຫ້ມີຄຸນນະພາບ ຮັບຮອງເສດຖະກິດຍຸກໃໝ່ໃນຕໍ່ໜ້າ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ