Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ປກສ ນວ ປະກາດເລື່ອນຊັ້ນໃຫ້ພະນັກງານ-ນັກຮົບ

          ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດພິທີປະກາດເລື່ອນຊັ້ນໃຫ້ພະນັກງານ-ນັກຮົບ ຈໍານວນ 61 ສະຫາຍ ຍິງ 5 ສະຫາຍ ທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂ, ໃນວັນທີ 8 ຕຸລາ 2019 ປະດັບຊັ້ນໂດຍ ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນວ, ມີຄະນະພັກ-ຄະນະບັນຊາ, ຄະນະພະແນກ ແລະ ພະນັກ ງານ-ນັກຮົບທີ່ໄດ້ຮັບການເລື່ອນຊັ້ນເຂົ້າຮ່ວມ.

ພັທ ສຸກພະຈັນ ບຸດດາຄໍາ ຮອງຫົວໜ້າກອງບັນຊາການ ປກສ ນວ ຫົວໜ້າຫ້ອງການເມືອງ ໄດ້ຜ່ານຂໍ້ຕົກລົງ ວ່າດ້ວຍການເລື່ອນຊັ້ນໃຫ້ພະນັກງານ-ນັກຮົບຂອງກອງບັນຊາການ ປກສ ໃນນີ້ໄດ້ຕົກລົງເລື່ອນຊັ້ນ ຮ້ອຍເອກ ຂຶ້ນ ພັນຕີ 30 ສະຫາຍ ຍິງ 2 ສະຫາຍ, ຮ້ອຍໂທ ຂຶ້ນ ຮ້ອຍເອກ 3 ສະຫາຍ, ຮ້ອຍຕີ ຂຶ້ນ ຮ້ອຍໂທ 15 ສະຫາຍ ຍິງ 2 ສະຫາຍ, ວາທີ ຂຶ້ນ ຮ້ອຍຕີ 1 ສະຫາຍ, ສິບເອກ ຂຶ້ນ ວາທີ 10 ສະຫາຍ ຍິງ 1 ສະຫາຍ ແລະ ສິບຕີ ຂຶ້ນ ສິບໂທ 2 ສະຫາຍ.

          ພົຈວ ບຸບຜາ ສີພົມມາ ໄດ້ເນັ້ນໃຫ້ພະນັກງານ-ນັກຮົບທີ່ໄດ້ຮັບການເລື່ອນຊັ້ນໃນຄັ້ງນີ້ ຈົ່ງສືບຕໍ່ຝຶກຝົນຫຼໍ່ຫຼອມ ຄຸນສົມບັດສິນທໍາປະຕິວັດ, ຮັກສາມູນເຊື້ອອັນດີງາມ, ບຸກບືນ ແລະ ຫ້າວຫັນໃສ່ທຸກຂົງເຂດວຽກງານ ເຮັດໃຫ້ການ ຈັດຕັ້ງມີຄວາມເຊື່ອໝັ້ນ, ມີສະຕິ ແລະ ເຄົາລົບຕໍ່ການຈັດຕັ້ງ, ເຂັ້ມງວດໃນການປະຕິບັດລະບຽບວິໄນ ແລະ ຈໍາແນກ ໄດ້ມິດສັດຕູໄດ້ຢ່າງຈະແຈ້ງ ພ້ອມທັງຊອກຮູ້ຮໍ່າຮຽນເພື່ອພັດທະນາຕົນເອງໃຫ້ເປັນແບບຢ່າງທີ່ດີໃຫ້ກັບພະນັກງານ-ນັກ ຮົບ.

          ຂ່າວຍັງໃຫ້ຮູ້ວ່າ: ໃນວັນທີ 9 ຕຸລາ 2019 ກອງບັນຊາການປ້ອງກັນສູນກາງ ກະຊວງ ປກສ ໄດ້ຈັດພິທີ ປະກາດເລື່ອນຊັ້ນໃຫ້ນາຍຕຳຫຼວດຜູ້ທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂ ຕາມຂໍ້ຕົກລົງຂອງກະຊວງປ້ອງກັນ ຄວາມສະຫງົບ ສະບັບເລກທີ 2074/ປກສ, ລົງວັນທີ 26 ກັນຍາ 2019 ວ່າດ້ວຍການເລື່ອນຊັ້ນໃຫ້ນາຍຕໍາຫຼວດ ກອງບັນຊາການປ້ອງກັນສູນກາງ ໃນນັ້ນ, ລັດຖະມົນຕີກະຊວງ ປກສ ຕົກລົງເລື່ອນຊັ້ນ ຮ້ອຍເອກ ຂຶ້ນ ພັນຕີ ຈຳນວນ 14 ສະຫາຍ ຍິງ 1 ສະຫາຍ ແລະ ຮ້ອຍໂທ ຂຶ້ນ ຮ້ອຍເອກ ຈຳນວນ 14 ສະຫາຍ ຍິງ 3 ສະຫາຍ; ປະດັບຊັ້ນໂດຍ ພັອ ຄຳເຄື່ອງ ບຸນວິໄລ ຫົວໜ້າກອງບັນຊາການປ້ອງກັນສູນກາງ, ໂດຍມີບັນດາຄະນະກົມ-ກົມກອງອ້ອມຂ້າງ ເຂົ້າຮ່ວມ.

          ພ້ອມກັນນັ້ນ, ຍັງໄດ້ຜ່ານບົດສະຫຼຸບການເຄື່ອນໄຫວຊີ້ນຳ-ນຳພາວຽກງານຂອງອົງຄະນະພັກ ກອງບັນຊາການ ປ້ອງກັນສູນກາງ ປະຈຳໄຕມາດ III (ເດືອນກໍລະກົດ-ກັນຍາ) ແລະ ທິດທາງປະຈຳໄຕມາດ IV (ເດືອນຕຸລາ-ທັນວາ) 2019, ເຊິ່ງຜ່ານມາ ໄດ້ຊີ້ນໍາ-ນຳພາພະນັກງານ-ນັກຮົບ ເຄື່ອນໄຫວເຮັດວຽກງານປ້ອງກັນການນຳພັກ-ລັດ, ແຂກຂັ້ນ ສູງ, ບັນດາສຳນັກງານ-ອົງການ, ກອງປະຊຸມລະດັບຊາດ-ສາກົນ ແລະ ງານບຸນປະເພນີສຳຄັນຕ່າງໆທີ່ພັກ-ລັດຈັດຂຶ້ນ ໃຫ້ເປັນລະບຽບຮຽບຮ້ອຍດີ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ