ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ພິຈາລະນາ ຮ່າງກົດໝາຍ ການເຂົ້າ-ອອກ ແລະ ຄຸ້ມຄອງຄົນຕ່າງປະເທດ

ໃນ​ວັນ​ທີ 25 ທັນວາ 2014 ກອງ​ປະຊຸມ​ສະໄໝ​ສາມັນ​ເທື່ອ​ທີ 8 ຂອງ​ສະພາ​ແຫ່ງ​ຊາດ ຊຸດ​ທີ VII ໄດ້​ດຳເນີນ ​ມາ​ເປັນ​ມື້​ທີ 13 ໂດຍ​ເປັນ​ປະທານ​ຂອງ​ທ່ານ ໄຊສົມ​ພອນ ພົມວິຫານ ຮອງ​ປະທານ​ສະພາ​ແຫ່ງ​ຊາດ ເຊິ່ງ​ໃນ ກອງ​ປະຊຸມ ບັນດາ​ສະມາຊິກ​ສະພາ​ແຫ່ງ​ຊາດ ໄດ້​ຄົ້ນຄວ້າ​ພິ​ຈາລະນາ ປະກອບ​ຄຳ​ຄິດ​ຄຳ​ເຫັນ​ຢ່າງກວ້າງ ຂວາງ ແລະ ເລິກເຊິ່ງ ​ໃສ່ຮ່າງ​ກົດໝາຍ​ວ່າ​ດ້ວຍ​ການ​ເຂົ້າ-ອອກ ແລະ ຄຸ້ມ​ຄອງ​ຄົນ​ຕ່າງປະເທດ​ຢູ່​ລາວ ເພື່ອ​ເຮັດ​ໃຫ້​ຮ່າງກົດໝາຍ​ສະບັບ​ດັ່ງກ່າວ ​ມີ​ຄວາມຄົບ​ຖ້ວນ​ສົມບູນ.

ທ່ານ ພົນ​ຈັດຕະວາ ສົມ​ແກ້ວ ສີ​ລາ​ວົງ ຮັກສາ​ການ​ລັດ​ຖະ​ມົນຕີ​ວ່າການ​ກະຊວງ​ປ້ອງ​ກັນ​ຄວາມສະຫງົບ ໄດ້​ຂຶ້ນ​ຜ່ານ​ຮ່າງ​ກົດໝາຍວ່າ​ດ້ວຍ​ການ​ເຂົ້າ-ອອກ ແລະ ການ​ຄຸ້ມ​ຄອງ​ຄົນ​ຕ່າງ​ປະເທດ​ຢູ່ ​ສປປ ລາວ ວ່າ: ຮ່າງ​ກົດໝາຍ​ສະບັບ​ນີ້ ​ກຳນົດ​ຫຼັກການລະບຽບ​ການ ແລະ ມາດ​ຕະການ​ກ່ຽວ​ກັບ​ການ​ຄຸ້ມ​ຄອງ ຕິດຕາມ ກວດກາ ວຽກ​ງານ​ການເຂົ້າ-ອອກ ແລະ ການ​ຄຸ້ມ​ຄອງຄົນ​ຕ່າງປະເທດຢູ່ ​ສປປ ລາວ ເພື່ອ​ເຮັດ​ໃຫ້​ການ ເຄື່ອນໄຫວ​ວຽກງານ​ດັ່ງກ່າວ ​ມີ​ປະສິດທິພາບ ການ​ບໍລິການ​ຢ່າງ​ກະທັດ​ຮັດ ​ວ່ອງໄວ ແນໃສ່​ປົກ​ປ້ອງ ​ປະຊາທິປະໄຕ ຄວາມ​ໝັ້ນຄົງ​ຂອງ​ຊາດ ສັງຄົມມີ​ຄວາມ​ສະຫງົບ ແລະ ເປັນ​ລະບຽບ​ຮຽບ​ຮ້ອຍ ສາມາດ​ ເຊື່ອມໂຍງ​ກັບ​ພາກ​ພື້ນ ແລະ ສາກົນ ປະກອບສ່ວນ​ໃນ​ການ​ປົກ​ປັກ​ຮັກສາ ແລະ ພັດທະນາ​ປະເທດຊາດ.

ສຳລັບ​ການ​ເຂົ້າ-ອອກ ​ສປປ ລາວ ແມ່ນ​ການ​ເດີນທາງ​ເຂົ້າ-ອອກ​ປະເທດ​ຂອງ​ພົນລະເມືອງລາວ ຄົນ​ຕ່າງ ປະເທດ ຄົນ​ຕ່າງດ້າວ ຄົນ​ບໍ່​ມີ​ສັນຊາດ ແລະ ພາຫະ​ນະ ໂດຍ​ມີ​ການ​ແຈ້ງ​ເອກະສານ​ຢ່າງ​ຖືກຕ້ອງ​ຄົບ​ຖ້ວນ ​ຕາມລະບຽບ​ການ ນອກຈາກ​ນັ້ນ ສຳລັບ​ການ​ຄຸ້ມ​ຄອງ​ຄົນ​ຕ່າງປະເທດ ແມ່ນ​ຄົນ​ທີ່​ຖື​ສັນຊາດ​ອື່ນ ລວມທັງ​ ຄົນ​ຕ່າງ​ດ້າວ ແລະ ຄົນ​ບໍ່​ມີສັນຊາດ ເຊິ່ງ​ເຂົ້າ​ມາ​ຢູ່ ​ສປປ ລາວ ເພື່ອ​ຢ້ຽມຢາມ ທ່ອງ​ທ່ຽວ ເຄື່ອນ​ໄຫວ​ວຽກ ​ງານ​ໃດ​ໜຶ່ງ​ເປັນທາງ​ການ ຫຼື ບໍ່​ເປັນ​ທາງ​ການ ໂດຍ​ມີ​ກຳນົດ​ເວລາ ແລະ ດຳລົງຊີວິດ​ຢູ່ ​ສປປ ລາວ ເຊິ່ງ​ ຮ່າງ​ກົດໝາຍ​ສະບັບ​ນີ້ ປະກອບ​ມີ 10 ພາກ 78 ມາດຕາ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ