ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ຫາລື​​ຮ່າງ​ກົດໝາ​ຍ ວ່າ​ດ້ວຍ​ການ​ຕ້ານ ​ແລະ
ສະກັດ​ກັ້ນການ​ໃຊ້​ຄວາມ​ຮຸ່ນ​ແຮງ​ຕໍ່​ແມ່​ຍິງ-​ເດັກນ້ອຍ

ສະພາ​ແຫ່ງ​ຊາດ ຮ່ວມ​ກັບ ກະຊວງ​ຍຸຕິ​ທຳ, ຄະນະ​ກຳມາ​ທິການ​ເພື່ອ​ແມ່ ​ແລະ ​ເດັກແຫ່ງ​ຊາດ ​ແລະ ພາກ ສ່ວນ​ກ່ຽວຂ້ອງ ​ໄດ້​ປຶກສາ​ຫາລື ​ແລະ ​ແລກປ່ຽນບົດຮຽນ​ກ່ຽວ​ກັບ​ຮ່າງກົດໝາຍ ວ່າ​ດ້ວຍ​ການ​ຕ້ານ​ການ​ໃຊ້​ ຄວາມ​ຮຸນ​ແຮງ​ຕໍ່​ແມ່ຍິງ ​ແລະ ​ເດັກນ້ອຍ ​ໃນ ສປປ ລາວ ​ໃນ​ວັນ​ທີ 23 ​ເດືອນ​ຕຸລາ ປີ 2014 ທີ່​ສະພາ​ ແຫ່ງ​ຊາດ ພາຍ​ໃຕ້​ການ​ເປັນ​ປະທານ​ຂອງ ທ່ານ ດຣ. ​ໄຊ​ສົມ​ພອນ ພົ​ມວິຫານ ຮອງ​ປະທານ​ສະພາ​ແຫ່ງ​ຊາດ ​ລາວ ​ແລະ ທ່ານນາງ ມາ​ຕາ ຊັນ​ໂທສ໌ ​ໄພສ໌ ຜູ້ຕາງໜ້າ​ພິ​ເສດ​ຂອງ​ເລຂາທິການ​ໃຫຍ່​ອົງການ​ສະຫະ​ປະຊາ​ ຊາດ ທີ່​ເຮັດ​ວຽກ​ກ່ຽວ​ກັບ​ວຽກ​ງານ​ການ​ຕ້ານ​ການ​ໃຊ້​ຄວາມ​ຮຸນ​ແຮງ​ຕໍ່​​ເດັກ, ມີ ທ່ານ​ນາງ ຫົງ​ເວີຍ ​ເກົາ ຜູ້ຕາງ ໜ້າ​ອົງການ​ອຸຍ​ນີ​ເຊັບ ປະຈຳ​ລາວ, ບັນດາ​ຄະນະ​ກຳມາ​ທິການ​ກົດໝາຍ ​ເຂົ້າ​ຮ່ວມ.

ທ່ານ​ຮອງ​ປະທານ​ສະພາ​ແຫ່ງ​ຊາດ​ ​ໄດ້ກ່າວ​ຕໍ່​ກອງ​ປະຊຸມ​ວ່າ: ປັດຈຸບັນ ສປປ ລາວ ກຳລັງ​ຮ່າງ​ກົດໝາຍ​ວ່າ ດ້ວຍ​ການ​ຕ້ານ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່ຍິງ ​ແລະ ​ເດັກນ້ອຍ ຈະເປັນ​ກົດໝາຍທີ່​ລະບຸ​ສະ​ເພາະ​ກ່ຽວ​ກັບ​​ ການ​ຕ້ານ​ການ​ໃຊ້​ຄວາມ​ຮຸນ​ແຮງ​ ຕໍ່​ແມ່ຍິງ ​ແລະ ​ເດັກນ້ອຍ ​ເຊິ່ງມັນ​ສອດ​ຄ່ອງ​ກັບ​ແຜນ​ ດຳ​ເນີນ​ງານ​ ແຫ່ງ​ຊາດ ​ກ່ຽວ​ກັບ​ການ​ປ້ອງ​ກັນ ​ແລະ ​ແກ້​ໄຂ​ຄວາມ​ຮຸນ​ແຮງ​ຕໍ່​ແມ່ຍິງ ​ແລະ ​ເດັກນ້ອຍ ​ໂດຍ​ລວມ​ແລ້ວ​ ກົດໝາຍ​ໃໝ່​ຈະ​ຊ່ວຍ​ວຽກ ​ງານ​ທາງ​ດ້ານ​ນິຕິ​ກຳ ​ເພື່ອ​ປົກ​ປ້ອງ​ແມ່ຍິງ ​ແລະ ​ເດັກນ້ອຍ ຈາກ​ຄວາມ​ຮຸນ​ແຮງ ​ໃຫ້​ມີ​ລັກສະນະ​ເຂັ້ມ​ແຂງ​ກວ່າ​ເກົ່າ ​ເຊິ່ງສາມາດ​ຕອບ​ຂໍ້ສະ​ເໜີ​ແນະ​ ຂອງ​ຄະນະ​ກຳມະການ​ສົນທິສັນຍາ ​ວ່າ​ດ້ວຍ​ສິດທິ​ເດັກ ຂອງ​ອົງການ​ສະຫະ​ປະຊາ​ຊາດ ​ແລະ ຄະນະ​ກຳມະການ​ວ່າ​ດ້ວຍ​ການ​ລຶບ​ລ້າງທຸກ​ຮູບ​ແບບ ​ຂອງ​ການຈຳ​ແນ​ກຕໍ່​ແມ່ຍິງ.​ ເຊິ່ງ​ໂຄງ​ປະກອບ​ຂອງ​ຮ່າງ​ກົດໝາຍ​ດັ່ງກ່າວ ປະກອບ​ມີ 9 ພາກ 83 ມາດຕາ.

ທ່ານ​ຮອງ​ປະທານ​ສະພາ​ແຫ່ງ​ຊາດ​ຍັງ​ກ່າວ​ອີກ​ວ່າ: ຄວາມ​ຮຸນ​ແຮງ​ຕໍ່​ເດັກ ​ເມືອ​ເກີດ​ຂຶ້ນ​ແລ້ວ ​ໄດ້​ສ້າງ​ຄວາມ​ສູນ​ ເສຍ​ຢ່າງ​ຫລວງ​ຫລາຍ​ຕໍ່​ຊຸມ​ຊົນ, ສັງຄົມ ​ແລະ ປະ​ເທດ​ຊາດ ຕໍ່​ບັນຫາ​ດັ່ງ​ກ່າວ​ລັດຖະບານ ​ແຫ່ງ ສປປ ລາວ ​ໄດ້​ເອົາ​ໃຈ​ໃສ່​ໃນ​ການ​ແກ້​ໄຂ​ຄວາມ​ຮຸນ​ແຮງ​ຕໍ່​ເດັກ​ໃນ​ທຸກ​ລະດັບ ​ເພື່ອ​ຮັບປະກັນ ​ໃນ​ການ​ປົກ​ປ້ອງ​ເດັກ​ຈາກ ​ຄວາມ​ຮຸນ​ແຮງ ສະ​ແດງ​ອອກ​ໃນ​ການ​​ເຂົ້າ​ຮ່ວມ​ກັບ​ບັນດາ​ປະ​ເທດ​ໃນ​ພາກພື້ນ ​ແລະ ສາກົນ ​ໂດຍ​ສະ​ເພາະ ​ແມ່ນ​ການ​ໃຫ້​ສັດ ຕະຍາບັນຕໍ່​ສົນທິສັນຍາ​ວ່າ​ດ້ວຍ​ສິດທິ​ເດັກ ​ໃນ​ປີ 1991, ຮັບຮອງ​ເອົາ​ຖະ​ແຫລ​ງການ​ອາ​ຊຽນ ກ່ຽວ​ກັບ​ການ​ລຶບລ້າງ​ຄວາມ​ຮຸນ​ແຮງ​ຕໍ່​ແມ່ຍິງ ​ແລະ ຄວາມ​ຮຸນ​ແຮງ​ຕໍ່​ເດັກ ​ໃນ​ປີ 2013 ​ແລະ ຖະ​ແຫລ​ງ ການ​ນິວ​ເດັນ​ລີ ​ໃນ​ຂອບ​ການ​ຮ່ວມ​ມື ລະຫວ່າງ ບັນດາ​ປະ​ເທດ​ກຳລັງພັດທະນາກ່ຽວ​ກັບ​ສິດທິ​ເດັກ ​ໃນ​ປີ 2013. ປັດຈຸບັນ ສປປ ລາວ ມີ​ຄວາມ​ຄືບ​ໜ້າ​ຫລາຍ​ດ້ານ​ໃນ​ການ​ແກ້​ໄຂ​ບັນຫາ​ຄວາມ​ຮຸນ​ແຮ​ງຕໍ່​ເດັກ ​ເຊິ່ງ ລັດຖະບານ​ໄດ້​ຮັບຮອງ​ເອົາ​​ແຜນ ​ດຳ​ເນີນ​ງານ​ ແຫ່ງ​ຊາດ​ເພື່ອ​ປ້ອງ​ກັນ ​ແລະ ລຶບລ້າງ​ຄວາມ​ຮຸນ​ແຮງ​ຕໍ່​ແມ່​ຍິງ ​ແລະ ຄວາມ​ຮຸນ​ແຮງ​ຕໍ່​ເດັກ 2014-2020 ​ເພື່ອ​ກ້າວ​ໄປ​ເຖິງການ ລຶບລ້າງ​ຄວາມ​ຮຸນ​ແຮງ​ຕໍ່​ແມ່​ຍິງ ​ແລະ ຄວາມ​ ຮຸນ​ແຮງ​ຕໍ່​ເດັກ​ແບບ​ຍືນ​ຍົງ; ​ແຜນ​ດຳ​ເນີນ​ງານ​ໄດ້​ກຳນົດ​ຂອບ​ການ​ປະສານ​ງານ​ກັບ​ທຸກຂະ​ແໜງ​ການ ​ເພື່ອ​ປ້ອງ​ ກັນ ​ແລະ ​ແກ້​ໄຂ​ທຸກ​ຮູບ​ແບບ​ຂອງ​ຄວາມ​ຮຸນ​ແຮງ. ​ໄປ​ຄຽງ​ຄູ່​ກັນນັ້ນລັດຖະບານ​ລາວ ກຳລັງ​ດຳ​ເນີນ​ການ​ ສຶກສາ​ຄົ້ນຄວ້າ​ກ່ຽວ​ກັບ​ຂະໜາ​ດ ​ແລະ ລັກສະນະ​ຂອງ​ຄວາມ​ຮຸນ​ແຮງ​ທີ່​ສົ່ງ​ຜົນ​ກະທົບ​ຕໍ່​ແມ່ຍິງ ​ແລະ ​ເດັກ ນ້ອຍ.

ທ່ານ ​ນາງ ຫົງ​ເວີຍ ​ເກົາ ​ໄດ້​ກ່າວ​ເນັ້ນ​ເຖິງຄວາມ​ຈຳ​​ເປັນ ສຳລັບ​ທຸກຂະ​ແໜງ​ການ​​ຕ້ອງ​ຮ່ວມ​ມື​ກັນ ​ເພື່ອ​ເຮັດ​ ໃຫ້ ການ​ຈັດຕັ້ງປະຕິບັດ​ກົດໝາຍ​ສະບັບ​ນີ້ ປະສົບ​ຜົນສຳ​ເລັດ, ທຸກ​ຄົນ​ມີ​ໂອກາດ​ໃນ​ການ​ຢຸດຕິ​ວົງ​ຈອນ​ຂອງ ​ການ​ໃຊ້ຄວາມ​ຮຸນແຮງ​ຕໍ່​ເດັກ ​ແລະ  ສິ່ງ​ດັ່ງກ່າວ​ນີ້ ​ແມ່ນ​ຕິດ​ພັນ​ກັບ​ການ​ປະຕິບັດ ​ງານ​ໃນ​ທຸກຂັ້ນ ນັບ​ທັງ​ ພາກ​ລັດ, ​ເອກະ​ຊົນ, ອົງການ​ຈັດຕັ້ງທາງ​ສັງຄົມ, ຊຸມ​ຊົນ ​ແລະ ບຸກຄົນ ລ້ວນ​ແລ້ວ​ແຕ່​ມີ​ບົດບາດ​ໃນ​ການ​ຢຸດ ຕິ​ການ​ໃຊ້​ຄວາມ​ຮຸນ​ ແຮງ ​ແລະ ການ​ໃຫ້​ສິດ​ອຳນາດ​ແກ່​ເດັກ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ