ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ປກສ ປຶກສາຫາລືຮ່າງກົດໝາຍ ວ່າດ້ວຍການຕ້ານການຄ້າມະນຸດ

ກະຊວງປ້ອງກັນຄວາມສະຫງົບ ໄດ້ເປີດກອງປະຊຸມເພື່ອປຶກສາຫາລືໂຄງຮ່າງກົດໝາຍວ່າດ້ວຍ ການຕ້ານການຄ້າມະນຸດ ເພື່ອລະດົມຄວາມຄິດເຫັນຈາກ ຫຼາຍພາກສ່ວນໃນການຄົ້ນຄວ້າຂຽນ ແລະປັບ ປຸງກົດໝາຍສະບັບນີ້ໃຫ້ມີເນື້ອໃນຄົບຖ້ວນ, ຖືກຕ້ອງສົມບູນ ແລະ ສອດຄ່ອງກັບກົດໝາຍ ວ່າດ້ວຍການ ສ້າງນິຕິກຳ ກໍຄືສອດຄ່ອງກັບສະພາບການເຄື່ອນໄຫວວຽກງານວິຊາສະເພາະຂອງເຈົ້າໜ້າທີ່-ທີ່ປະຕິບັດກົດ ໝາຍ.

ກອງປະຊຸມໄດ້ຈັດຂຶ້ນໃນ ວັນທີ 7 ກຸມພາ 2015, ທີ່ກະຊວງ ປກສ ໂດຍການເປັນປະທານ ຂອງ ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງ ປກສ, ເປັນກຽດເຂົ້າຮ່ວມຂອງ ທ່ານ ສຈ ດາວອນ ຫວ່າງວິຈິດ ຫົວໜ້າກຳມາທິການກົດໝາຍສະພາແຫ່ງຊາດ ແລະ ທ່ານ ສຈ ເກດ ກຽດຕິສັກ ລັດຖະມົນຕີຊ່ວຍວ່າການກະຊວງຍຸຕິທຳ, ມີບັນດາຜູ້ແທນຈາກກົມໃຫຍ່ການເມືອງ, ກົມໃຫຍ່ຕໍາຫຼວດ, ກົມ ຕຳຫຼວດສະກັດກັ້ນ ແລະ ຕ້ານການຄ້າມະນຸດ ກະຊວງ ປກສ, ອົງການໄອຍະການປະຊາຊົນສູງສຸດ ແລະ ບັນດາຄະນະຮັບຜິດຊອບສ້າງຮ່າງກົດໝາຍຂອງກະຊວງ ປກສ ພ້ອມດ້ວຍພາກສ່ວນທີ່ກ່ຽວຂ້ອງ 35 ທ່ານ; ເຊິ່ງໃນກອງປະຊຸມ ພັອ ດຣ ເພັງສະຫວັດ ທິບພະວົງໄຊ ຮອງຫົວໜ້າກົມໃຫຍ່ຕຳຫຼວດ, ຫົວໜ້າກອງ ເລຂາຄະນະຊີ້ນຳລະດັບຊາດຕ້ານການຄ້າມະນຸດ, ຄະນະຮັບຜິດຊອບສ້າງຮ່າງກົດໝາຍຕ້ານການຄ້າມະ ນຸດ ກ່າວວ່າ: ໂດຍປະຕິບັດ ຕາມຂໍ້ຕົກລົງຂອງທ່ານລັດຖະມົນຕີວ່າການກະຊວງ ປກສ ສະບັບເລກທີ 1468/ປກສ, ລົງວັນທີ 7 ພະຈິກ 2011 ວ່າດ້ວຍການແຕ່ງຕັ້ງຄະນະຊ່ຽວຊານຮັບຜິດຊອບສ້າງຮ່າງກົດ ໝາຍ ແລະ ແຜນການສ້າງປັບປຸງກົດໝາຍ 5 ປີ ຂອງສະພາແຫ່ງຊາດ ດັ່ງນັ້ນ, ກະຊວງ ປກສ ຈຶ່ງຈັດ ຕັ້ງຜັນຂະຫຍາຍເນື້ອໃນດັ່ງກ່າວ, ໂດຍສະເພາະໃນວຽກງານສ້າງກົດໝາຍວ່າດ້ວຍການຕ້ານການຄ້າມະ ນຸດແນໃສ່ໃຫ້ກຳລັງປ້ອງກັນຄວາມສະຫງົບ ເວົ້າລວມ, ເວົ້າສະເພາະເຈົ້າໜ້າທີ່ປະຕິບັດກົດໝາຍຂອງ ລາວ ມີຄວາມສະດວກໃນການເຄື່ອນໄຫວວຽກງານຂອງຕົນ; ພ້ອມທັງເປັນການຫັນວຽກງານສະກັດກັ້ນ ແລະ ຕ້ານການຄ້າມະນຸດເຂົ້າສູ່ລະບຽບຫຼັກການເທື່ອລະກ້າວ ມາຮອດປັດຈຸບັນ, ການສ້າງໂຄງຮ່າງເບື້ອງ ຕົ້ນຂອງກົດໝາຍສະບັບດັ່ງກ່າວ, ປະກອບມີ 11 ພາກ, 9 ໝວດ, 84 ມາດຕາ ໃນນີ້ມີບັນດາຜູ້ແທນທີ່ ເຂົ້າຮ່ວມກອງປະຊຸມໄດ້ປຶກສາຫາລື ແລະ ປະກອບຄຳຄິດເຫັນໃສ່ຮ່າງກົດໝາຍຢ່າງກົງໄປ-ກົງມາເປັນ ຕົ້ນແມ່ນ ດ້ານເນື້ອໃນ, ການໃຊ້ຄຳສັບທີ່ສອດຄ່ອງ, ການຈັດໝວດ ແລະ ອື່ນໆ ເພື່ອໃຫ້ຮ່າງກົດໝາຍສະ ບັບດັ່ງກ່າວມີເນື້ອໃນຄົບຖ້ວນສົມບູນຍິ່ງຂຶ້ນກ່ອນນຳສະເໜີຕໍ່ສະພາເຊິ່ງ ພົຈວ ສິນທະວົງ ໄຊຍະກອນໃຫ້ ຮູ້ວ່າ: ການປຶກສາຫາລືຄົ້ນຄວາໂຄງຮ່າງກົດໝາຍ ວ່າດ້ວຍການຕ້ານການຄ້າມະນຸດສະບັບນີ້ຂຶ້ນມາກໍເພື່ອ ເປັນການຄຸ້ມຄອງຕິດຕາມກວດກາວຽກງານສະກັດກັ້ນ ແລະ ຕ້ານການຄ້າມະນຸດເພື່ອເຮັດໃຫ້ວຽກງານດັ່ງ ກ່າວເຄື່ອນໄຫວຢ່າງເປັນລະບົບ ແລະ ມີປະສິດທິຜົນແນໃສ່ປົກປ້ອງສິດ, ຜົນປະໂຫຍດ, ກຽດສັກສີ, ເສລີ ພາບຂອງພົນລະເມືອງ, ຮີດຄອງປະເພນີອັນດີງາມຂອງຊາດ ແລະ ແນໃສ່ໃຫ້ສັງຄົມມີຄວາມສະຫງົບ, ເປັນ ລະບຽບຮຽບຮ້ອຍປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດຕໍ່ໄປ.

 

 

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ