Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

     ລມຕ ຕ້ອນຮັບການເຂົ້າຢ້ຽມຂໍ່ານັບອໍາລາໜ້າທີ່ຂອງເອກອັກຄະລັດຖະທູດອົດສະຕາລີ

ໃນວັນທີ 26 ຕຸລາ 2020, ພົທ ວິໄລ ຫຼ້າຄໍາຟອງ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບອໍາລາໜ້າທີ່ຂອງທ່ານ ເຈນ-ເບີໜາດ ຄາລາໂຊ ເອກອັກຄະລັດຖະທູດ ຜູ້ມີ ອໍານາດເຕັມຂອງອົດສະຕາລີປະຈໍາ ສປປ ລາວ ແລະ ການເຂົ້າຢ້ຽມຂໍ່ານັບໃນໂອກາດທີ່ໄດ້ຮັບການແຕ່ງຕັ້ງເປັນ ເອກອັກຄະລັດຖະທູດຜູ້ມີອຳນາດເຕັມຂອງກຳປູເຈຍ ປະຈຳລາວຄົນໃໝ່.

ການເຂົ້າຢ້ຽມຂໍ່ານັບຄັ້ງນີ້, ທ່ານ ເຈນ-ເບີໜາດ ຄາລາໂຊ ໄດ້ສະແດງຄວາມຂອບໃຈມາຍັງທ່ານລັດ ຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ທີ່ໃຫ້ການຕ້ອນຮັບຢ່າງອົບອຸ່ນ ແລະ ກ່າວວ່າ: ສາຍພົວ ພັນຂອງສອງປະເທດເວົ້າລວມ, ເວົ້າສະເພາະແມ່ນສອງກະຊວງປ້ອງກັນຄວາມສະຫງົບ ອົດສະຕາລີ ແລະ ສປປ ລາວ ແມ່ນໄດ້ມີສາຍພົວພັນອັນແໜ້ນແຟ້ນ ແລະ ຮ່ວມມືກັນຫຼາຍດ້ານເປັນຕົ້ນວຽກງານປາບປາມ ແລະ ຄວບຄຸ້ມຢາ ເສບຕິດ, ວຽກງານການຮ່ວມມືແລກປ່ຽນຂໍ້ມູນຂ່າວສານເຊິ່ງກັນ ແລະ ກັນ ແລະ ອື່ນໆ ໂດຍສະເພາະແມ່ນ ວຽກງານກວດຄົນເຂົ້າ-ອອກເມືອງ ເຊິ່ງມີຄວາມຫ້າວຫັນ ແລະ ເຂັ້ມແຂງຫຼາຍໂດຍສະເພາະໄລຍະການລະບາດຂອງ ພະຍາດໂຄວິດ-19 ເຊິ່ງເຮັດໃຫ້ ສປປ ລາວ ມີຜູ້ຕິດເຊື້ອໜ້ອຍ ແລະ ປອດໄພຈາກພະຍາດດັ່ງກ່າວ.

ໂອກາດນີ້, ທ່ານລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ກໍໄດ້ສະແດງຄວາມຍ້ອງຍໍ ຊົມເຊີຍຕໍ່ຜົນງານຂອງການປະຕິບັດວຽກງານຂອງທ່ານ ເອກອັກຄະລັດຖະທູດຜູ້ມີອໍານາດເຕັມຂອງອົດສະຕາລີ ປະຈໍາ ສປປ ລາວ ທີ່ໄດ້ປະຕິບັດໃນໄລຍະຜ່ານມາເຊິ່ງມີຜົນສໍາເລັດຫຼາຍດ້ານໂດຍສະເພາະແມ່ນການຊ່ວຍເຫຼືອ ແລະ ຮ່ວມມືກັນທາງດ້ານວຽກງານປ້ອງກັນຄວາມສະຫງົບຂອງສອງປະເທດ ອົດສະຕາລີ-ລາວ, ລາວ-ອົດສະຕາລີ ແລະ ອວຍພອນໄຊມາຍັງທ່ານເດີນທາງກັບປະເທດດ້ວຍຄວາມສະຫວັດດີພາບ, ມີຄວາມຜາສຸກໃນຊີວິດສ່ວນຕົວ, ຄອບ ຄົວ ແລະ ສືບຕໍ່ປະຕິບັດໜ້າທີ່ວຽກງານທີ່ໄດ້ຮັບມອບໝາຍອັນໃໝ່ທີ່ມີກຽດ ອັນສະຫງ່າຂອງສະຫາຍໃຫ້ຈະເລີນ ກ້າວໜ້າຍິ່ງໆຂຶ້ນ.

ຫຼັງຈາກນັ້ນ ທ່ານລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ກໍໄດ້ ໃຫ້ການຕ້ອນຮັບ ການຢ້ຽມຂໍ່ານັບຂອງທ່ານ ນາງ ທອງ ໂສກູນເທບຣີ ເນື່ອງໃນໂອກາດທີ່ທ່ານມາຮັບຕໍາແໜງເປັນ ເອກອັກຄະ ລັດຖະທູດຜູ້ມີອໍານາດເຕັມຂອງກໍາປູເຈຍ ປະຈໍາ ສປປ ລາວ ຜູ້ໃໝ່, ເຊິ່ງການເຂົ້າຢ້ຽມທັງສອງຝ່ານກໍໄດ້ລາຍງານ ສະພາບການປະຕິບັດວຽກງານຂອງສອງປະເທດໂດຍສະເພາະແມ່ນ ວຽກງານປ້ອງກັນຄວາມສະຫງົບເຊິ່ງທັງສອງ ຝ່າຍໄດ້ປຶກສາຫາລືແລກປ່ຽນບົດຮຽນເຊິ່ງກັນ ແລະ ກັນຢ່າງກົງໄປກົງມາຕໍ່ກັບການຈັດຕັ້ງປະຕິບັດວຽກງານສະກັດ ກັ້ນ-ແກ້ໄຂປະກົດການຫຍໍ້ຕາມຊາຍແດນເປັນຕົ້ນ: ການລັກລອບຄ້າຂາຍຢາເສດຕິດ, ລັກລອບເຂົ້າ-ອອກເມືອງ ຜິດກົດໝາຍ, ການຄ້າຂາຍເຖື້ອນ, ຄ້າມະນຸດ ແລະ ສິ່ງຜິດກົດໝາຍອື່ນໆ ແລະ ຍັງໄດ້ພ້ອມວາງທິດທາງຮ່ວມມື ກັນໃນການສະກັດກັ້ນ ແລະ ແກ້ໄຂບັນຫາດັ່ງກ່າວນີ້ໃຫ້ຫຼຸດລົງເທື່ອລະກ້າວ.

 
 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ