ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ປະດັບຊັ້ນໃຫ້ນັກສຶກສາສຳເລັດການຮຽນຈາກ ສສ ຫວຽດນາມ ສົກປີ 2015

ວັນທີ 14 ມັງກອນ 2015, ກົມຈັດຕັ້ງພະນັກງານກົມໃຫຍ່ການເມືອງ ປກສ ໄດ້ຈັດພິທີປະດັບຊັ້ນໃຫ້ນັກ ສຶກສາຮຸ່ນທີ 24 ທີ່ສຳເລັດການຮຽນຈົບລະບົບປະລິນຍາຕີຂະແໜງປ້ອງກັນພາຍໃນ ແລະ ສືບສວນ-ສອບສວນຈາກວິທະຍາຄານ ສັນຕິບານ ສສ ຫວຽດນາມ ປະຈໍາສົກປີ 2015 ຈຳນວນ 30 ສະຫາຍ, ຍິງ 3 ສະຫາຍ; ໃນນັ້ນ, ຮທ 29 ສະຫາຍ, ຍິງ 3 ສະຫາຍ ແລະ ຮຕ 1 ສະຫາຍ, ໃຫ້ກຽດປະດັບຊັ້ນໂດຍ ພັອ ອຸ່ນຫຼ້າ ວົງພະຈັນ ຮອງຫົວໜ້າກົມໃຫຍ່ ການເມືອງ ປກສ ມີບັນດາຄະນະພັກ-ຄະນະບັນຊາກົມອ້ອມຂ້າງ ກົມໃຫຍ່ພ້ອມດ້ວຍນັກສຶກສາເຂົ້າຮ່ວມ.

ພັທສົມສັກປັນຍາສີຫົວໜ້າກົມຈັດຕັ້ງພະນັກງານກ່າວວ່າ: ຕະຫຼອດໄລຍະທີ່ບັນດານັກສຶກສາໄດ້ຄົ້ນຄວ້າ ຮ່ຳຮຽນຢູ່ສສຫວຽດນາມ ແມ່ນເຫັນວ່ານັກສຶກສາທຸກສະຫາຍມີແນວຄິດອຸ່ນອ່ຽງ ທຸ່ນທ່ຽງເຊື່ອໝັ້ນຕໍ່ການນຳພາ ຂອງພັກ-ລັດຕາມແນວທາງປ່ຽນແປງໃໝ່, ມີຄວາມຊື່ສັດບໍລິສຸດຕໍ່ຊາດແລະປະຊາຊົນ, ມີຄວາມອົດທົນຜ່ານຜ່າ ຕໍ່ອຸປະສັກທີ່ຫຍຸ້ງຍາກບໍ່ຫວັ່ນໄຫວຄອນແຄນຕໍ່ສະພາບການຕ່າງໆທີ່ເກີດຂຶ້ນ ແລະ ຕັ້ງໜ້າປະຕິບັດໜ້າທີ່ ການເມືອງຂອງຕົນໄດ້ຮັບຜົນສໍາເລັດຢ່າງຈົບງາມ, ຄຽງຄູ່ກັບການປະຕິບັດລະບຽບວິໄນ ແລະ ການຝຶກຝົນ ຫຼໍ່ຫຼອມຕົນເອງກໍໄດ້ເອົາໃຈໃສ່ປະຕິບັດຕາມຂໍ້ກໍານົດກົດລະບຽບ ຂອງວິທະຍາຄານກໍຄືຄະນະນັກສຶກສາ ລາວ ວາງອອກຢ່າງເຂັ້ມງວດ, ມີຄວາມເຄົາລົບນັບຖືການຈັດຕັ້ງສະແດງອອກໄລຍະຜ່ານມາບໍ່ມີສະຫາຍໃດ ຜິດລະບຽບ ຫຼືຖືກສໍາຫຼວດກ່າວເຕືອນຈັກເທື່ອ; ດ້ານການສຶກສາຮໍ່າຮຽນກໍໄດ້ຮັບການເອົາໃຈໃສ່ເບິ່ງແຍງຊ່ວຍ ເຫຼືອຈາກ ຄະນະພັກ-ຄະນະນໍາວິທະຍາຄານ ໂດຍສະເພາະແມ່ນ ຄູ-ອາຈານ ກໍຄືຄະນະນັກສຶກສາລາວ ທີ່ໄດ້ໄປຄົ້ນຄວ້າຢູ່ວິທະຍາຄານ ດັ່ງກ່າວ, ເຊິ່ງໄລຍະທີ່ສຶກສາຢູ່ສສຫວຽດນາມກໍໄດ້ປະຕິບັດຕາມໂຄງການ ຫຼັກສູດຂອງວິທະຍາຄານ ໃນລະບົບກໍ່ສ້າງ 6 ປີ ໃນນັ້ນກຽມພາສາແມ່ນ 1 ີຮຽນວິຊາສະເພາະ 5 ປີ. ຜ່ານການສຶກສາຮໍ່າຮຽນຕົວຈິງມີຜົນໄດ້ຮັບຄື: ຄະແນນສະເລ່ຍ 7:00 ຂຶ້ນໄປ ມີ 3 ສະຫາຍ; 6:00 ຂຶ້ນໄປມີ 27 ສະຫາຍນອກນັ້ນ, ຍັງໄດ້ສ້າງຜົນງານຫຼາຍດ້ານແລະໄດ້ຮັບການຍ້ອງຍໍຂັ້ນຕ່າງໆຈຳນວນ 148 ໃບຄື: ໄດ້ຮັບການຍ້ອງຍໍຈາກສະຖານທູດ ສປປ ລາວ ປະຈ ສສ ຫວຽດນາມ ມີ 68 ໃບ, ໃບຍ້ອງຍໍຈາກ ວິທະຍາຄານສັນຕິບານ ສສ ຫວຽດນາມ 80 ໃບ.

ໃນພິທີຍັງໄດ້ປະກາດສັບຊ້ອນຜູ້ທີ່ສຳເລັດການສຶກສາ ໃຫ້ບັນດາກົມກອງວິຊາສະເພາະນັບທັງສູນກາງ ແລະ ທ້ອງຖິ່ນ. ໃນໂອກາດດຽວກັນ, ທ່ານພັອອຸ່ນຫຼ້າວົງພະຈັນໄດ້ກ່າວສະແດງຄວາມຍ້ອງຍໍ ຊົມເຊີຍຕໍ່ກັບ ນັກສຶກສາທີ່ສາມາດ ອົດທົນຜ່ານຜ່າອຸປະສັກຕ່າງໆ ແລະ ສາມາດຍາດໄດ້ຜົນງານຫຼາຍດ້ານພ້ອມທັງເນັ້ນ ໃຫ້ນັກສຶກສາຈົ່ງຕັ້ງໃຈປະຕິບັດໜ້າທີ່ວຽກງານ ທີ່ຂັ້ນເທິງມອບໝາຍໃຫ້, ທ່ານກ່າວວ່າ: ຜົນສຳເລັດທີ່ບັນດາ ສະຫາຍໄດ້ຮໍ່າຮຽນມາເປັນພຽງຜົນສໍາເລັດທາງດ້ານທິດສະດີ ແລະ ກໍເປັນພຽງຜົນສໍາເລັດໃນເບື້ອງຕົ້ນ ແລະ ວຸດທິການສຶກສາເທົ່ານັ້ນນັບຈາກນີ້ໄປບັນດາສະຫາຍແມ່ນຈະໄດ້ພົບກັບພຶດຕິກໍາຕົວຈິງສະນັ້ນ, ໃນນາມ ກົມໃຫຍ່ການເມືອງ ປກສ ຈຶ່ງຂໍຮຽກຮ້ອງມາຍັງບັນດາສະຫາຍ ົ່ງພ້ອມກັນຕັດສິນໃຈຜ່ານຜ່າສິ່ງທ້າທາຍ ແລະ ອຸປະສັກຕ່າງໆທີ່ພັກ-ລັດ, ການຈັດຕັ້ງມອບໝາຍໃຫ້, ການປະດັບຊັ້ນ ແລະ ສັບຊ້ອນໃນຄັ້ງນີ້ແມ່ນ ເປັນຂີດໝາຍອັນສໍາຄັນ ເຖິງອະນາຄົດການເຕີບໃຫຍ່ຂະຫຍາຍຕົວຂອງບັນດາສະຫາຍທຸກຄົນ, ເຖິງຈະຕົກ ຢູ່ແຫ່ງໃດ, ກົມກອງໃດ ກໍໃຫ້ຕັ້ງໜ້າປະຕິບັດໜ້າທີ່ຂອງຕົນດ້ວຍຄວາມເອົາໃຈໃສ່ແລະມີຄວາມຮັບຜິດຊອບສູງ, ບໍ່ໃຫ້ມີແນວຄິດຄອນແຄນລັ່ງເລ-ເລືອກ ວຽກງານໃຫ້ຖືວ່າ ວຽກໃດ-ກົມກອງໃດກໍມີກຽດ ແລະ ສໍາຄັນ ເທົ່າທຽມກັນ ການເຮັດວຽກແມ່ນ ເພື່ອປົກປັກຮັກສາປະເທດຊາດ ແລະ ຮັບໃຊ້ປະຊາຊົນເຊັ່ນດຽວກັນນັ້ນ ແມ່ນພາລະກິດຂອງກຳລັງປ້ອງກັນຄວາມສະຫງົບຂອງພວກເຮົາ.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ