ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

 ສປປ ລາວ ໄດ້ຮັບຜົນສຳເລັດ ໃນການຈັດຕັ້ງສົນທິສັນຍາສິດທິເດັກ

  ຄະນະ​ກຳມະການ​ເພື່ອ​ແມ່ ແລະ ເດັກແຫ່ງ​ຊາດ ຮ່ວມ​ກັບນະຄອນຫຼວງ​ວຽງ​ຈັນ ແລະ ອົງການ​ອຸຍ​ນີ​ເຊັບ ໄດ້​ຈັດ​ສະເຫຼີມ​ສະຫຼອງ​ວັນ​ສົນທິສັນຍາ​ວ່າ​ດ້ວຍ​ສິດທິ​ເດັກ ຄົບຮອບ 25 ປີຂຶ້ນ ​ໃນທ້າຍ​ອາທິດ​ທີ່​ຜ່ານ​ມາ ໂດຍ​ເປັນກຽດ​ເຂົ້າ​ຮ່ວມ​ຂອງ ທ່ານ ອາຊາງ ລາວ​ລີ ຮອງ​ນາຍົກ​ລັດ​ຖະມົນຕີ ຜູ້​ຊີ້​ນຳ​ວຽກ​ແມ່ ແລະ ເດັກ ພ້ອມ​ດ້ວຍ ທ່ານ ​ດຣ. ອິນ​ລາ​ວັນ ແກ້ວ​ບຸນ​ພັນ ລັດຖະມົນຕີ​ຊ່ວຍວ່າການ ​ກະຊວງ​ສາທາລະນະສຸກຮັກສາ ​ການ​ປະທານ ຄະນະກຳມະການ​ເພື່ອ​ແມ່ ແລະ ເດັກແຫ່ງ​ຊາດ ແລະ ທ່ານ ສີ​ຫຸນ ສິດທິ​ລື​ໄຊ ຮອງ​ເລຂາ ​ຄະນະ​ພັກນະຄອນ​ຫຼວງ ທັງ​ເປັນ​ປະທານ ຄະນະ​ກຳມະການ​ເພື່ອ​ແມ່ ແລະ ເດັກ ນະຄອນຫຼວງ​ວຽງ​ຈັນ ພ້ອມດ້ວຍທ່ານ​ຜູ້ຕາງໜ້າອົງການອຸຍ​ນີ​ເຊັບ ອົງ​ການຈັດຕັ້ງ​ສາກົນ ແລະ ພາກສ່ວນ​ທີ່​ກ່ຽວຂ້ອງ​ເຂົ້າຮ່ວມ.

  ວັນ​ທີ 20 ພະຈິກ 2014 ເປັນວັນ​ຄົບຮອບ 25 ປີຂອງ​ການຮັບຮອງ​ເອົາ​ສົນທິສັນຍາ ວ່າດ້ວຍ​ສິດທິ​ເດັກ ໂດຍ​ອົງການສະຫະ​ປະຊາ​ຊາດ ໄດ້​ຮັບຮອງ​ເອົາສົນທິສັນຍາ​ວ່າ​ດ້ວຍ​ສິດທິ​ເດັກ ຢ່າງ​ເປັນ​ເອກະສັນ ເພື່ອ​ຮັບ ​ປະກັນ​ໃຫ້​ເດັກ​ທຸກ​ຄົນ ຈະ​ຕ້ອງ​ມີ​ຊີວິດ​ທີ່ຢູ່​ລອດ ມີ​ການ​ພັດທະນາຢ່າງ​ເຕັມ​ສ່ວນ ໄດ້​ຮັບ​ການ​ປົກປ້ອງ ແລະ ໄດ້​ເຂົ້າ​ຮ່ວມ​ໃນທຸກໆການ​ຕັດສິນ​ໃຈ​ ທີ່​ມີ​ຜົນ​ກະທົບ​ຕໍ່​ເດັກ ເດັກ​ໄດ້​ຮັບ​ການ​ເອົາໃຈ​ໃສ່​ຈາກ​ທຸກ​ພາກສ່ວນ ​ໃນສັງຄົມ​ ໂດຍ​ຖື​ວ່າ​ເດັກ​ມີ​ບົດບາດ​ສຳຄັນ ເດັກ​ຍັງ​ເປັນ​ຕົວ​ແທນ​ຂອງການ​ປ່ຽນແປງ ແລະ ເປັນ​ອະ​ນາຄົດ ​ຂອງ​ຊາດ ຍ້ອນ​ຄວາມ​ສຳຄັນ​ຂອງ​ເດັກ 194 ປະເທດໃນທົ່ວ​ໂລກ ກໍ່​ໄດ້​ໃຫ້​ສັດຕະຍາບັນຕໍ່​ສົນທິສັນຍາ​ດັ່ງ ກ່າວ ລວມ​ທັງ ​ສປປ ລາວ ເພື່ອ​ພ້ອມ​ກັນ​ສ້າງໂລກ​ໃໝ່​ທີ່​ສົດໃສ​ສຳລັບ​ເດັກ​ທຸກຄົນ.

  ສຳລັບ ​ສປປ ລາວ ໄດ້​ໃຫ້​ສັດຕະ​ຍາ​ບັນ​ຕໍ່​ສົນທິສັນຍາ​ສິດທິເດັກ ໂດຍ​ໄດ້​ເອົາໃຈໃສ່​ຕໍ່​ຄວາມເປັນ​ຢູ່​ທີ່ ​ດີ​ຂອງ​ເດັກ ແລະ ໄດ້​ຮັບປະກັນ​ໃນ​ດ້ານ​ສິດທິ​ພື້ນຖານ​ຂອງເດັກ ແລະ ສິດທິ​ເດັກ​ໃນ ​ສປປ ລາວ ແມ່ນ​ ໄດ້​ຮັບ​ການ​ຄຸ້ມ​ຄອງພັດທະນາ ແລະ ສົ່ງເສີມໃນຂອບ​ເຂດ​ທົ່ວ​ປະເທດ ສະແດງອອກ​ໃນ​ການ​ສ້າງ​ນິຕິ​ກຳ ແລະ ການຈັດຕັ້ງ​ປະຕິບັດ​ຕົວ​ຈິງ ທີ່​ມີຜົນສຳເລັດ​ເປັນ​ໜ້າ​ຊື່ນ​ຊົມ​ໃນຫຼາຍ​ດ້ານ ເປັນຕົ້ນເດັກ​ທຸກ​ຄົນທີ່​ເກີດ ​ມາ​ໃນ ​ສປປ ລາວ ມີ​ສິດຈົດ​ທະບຽນ​ການ​ເກີດ ມີ​ຊື່ ແລະ ນາມສະກຸນ ສັນຊາດມີ​ສິດ​ໄດ້ຮັບ​ການ​ດູ ​ແລ​ສຸຂະພາບ ໄດ້​ເຂົ້າເຖິງ​ການ​ສຶກ​ສາເຄື່ອນ​ໄຫວ​ກິດຈະ​ກຳ ພ້ອມ​ທັງ​ໄດ້​ມີ​ສ່ວນ​ຮ່ວມໃນ​ການ​ພັດທະນາ​ທີ່​ ກ່ຽວຂ້ອງ​ກັບເດັກ ແລະ ໄດ້​ຮັບ​ການ​ປົກ​ປ້ອງຈາກ​ໄພ​ສັງຄົມ ແລະ ໄພພິບັດ ອັດຕາ​ການ​ຕາຍ​ຂອງ​ເດັກ​ຫຼຸດ ລົງອັດຕາ​ການ​ເຂົ້າ​ຮຽນ​ເດັກ​ເພີ່ມ​ຂຶ້ນ ອັດຕາ​ການ​ຕາຍ​ຂອງ​ເດັກ​ຈາກການ​ຕິດເຊື້ອ​ພະຍາດ​ລະບາດ ​ຫຼຸດລົງ ອັດຕາ​ເຂົ້າ​ເຖິງ​ນ້ຳ​ສະອາດ ແລະ ວິດຖ່າຍ​ຂອງ​ເດັກ​ໃນ​ຊຸມຊົນ ແລະ ໃນ​ໂຮງຮຽນ​ເພີ່ມ​ຂຶ້ນອັດຕາ​ການຫິວ ​ຂອງ​ເດັກ ເດັກຈ່ອຍ ເດັກ​ເຕັ້ຍຫຼຸດ​ລົງ ແລະ ອັດຕາ​ເດັກ​ໄດ້​ຮັບ​ຜົນ​ກະທົບ​ຈາກລະເບີດ​ບໍ່​ທັນ​ແຕກ​ຫຼຸດ​ລົງ ທັງໝົດ​ນີ້ແມ່ນ​ຜົນສຳເລັດ​ຈາກການຈັດຕັ້ງ​ປະຕິບັດ​ສົນທິສັນຍາດັ່ງກ່າວ ຕິດ​ພັນ​ກັບ​ການ​ເອົາໃຈໃສ່ໂຄສະ ນາ​ເຜີຍແຜ່​ປູກ​ຈິດ​ສຳນຶກໃຫ້​ທົ່ວ​ສັງຄົມ.

 

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ