ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ປກສແຂວງສາລະວັນກວດພົບພົນລະເມືອງໄປຂາຍແຮງງານ

ຢູ່ປະເທດໃກ້ຄຽງ 10 ພັນກວ່າຄົນ

 6 ເດືອນຕົ້ນປີ 2014, ຫ້ອງຄຸ້ມຄອງສໍາມະໂນຄົວ ແລະກໍ່ສ້າງຮາກຖານ ປກສ ແຂວງສາລະວັນ ສາມາດຂຶ້ນທະບຽນ ສໍາມະໂນຄົວ ໄດ້ເກືອບ70 ພັນກວ່າ ຄອບຄົວພ້ອມທັງກວດພົບພົນລະເມືອງລາວ ໄປຂາຍແຮງງານຢູ່ປະເທດໃກ້ຄຽງ 10 ພັນກວ່າ ຄົນເຊິ່ງເພດຍິງກວມເອົາຫຼາຍກວ່າໝູ່.

ທ່ານພັທ ຄໍາໃສ ສືອວົງສາ ຫົວໜ້າຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ປກສ ແຂວງ ສາລະວັນ ໄດ້ ກ່າວໃນກອງປະຊຸມສະຫຼຸບວຽກງານ 6 ເດືອນຕົ້ນປີ 2014 ຂອງຫ້ອງຄຸ້ມຄອງ ສຳມະ ໂນຄົວ ແລະ ກໍ່ສ້າງຮາກຖານວ່າ: ທົ່ວແຂວງສາລະວັນມີພົນລະເມືອງທັງໝົດ 414.957 ຄົນ, ຍິງ 214.275 ຄົນ, ອາຍຸ 15 ປີຂຶ້ນໄປມີ 236.011 ຄົນ, ຍິງ 125.555 ຄົນ ສາມາດຂຶ້ນທະບຽນ ສໍາມະໂນຄົວສໍາເລັດແລ້ວ 68.346 ຄອບຄົວ, ຈໍານວນຄົນເພີ່ມມີ 3.902 ຄົນ, ຄົນຫຼຸດ 353 ຄົນ, ກວດພົບພົນລະເມືອງລາວໄປອອກແຮງງານ ຢູ່ປະເທດໃກ້ຄຽງມີ 15.530 ຄົນ, ຍິງ 8.739 ຄົນ. ນອກນັ້ນ, ຍັງອອກບັດປະຈຳຕົວໃຫ້ພະນັກງານ ແລະ ປະຊາຊົນທີ່ມາໃຊ້ບໍລິການໄດ້ 3.827 ບັດ, ປ່ຽນບັດໝົດອາຍຸ ໄດ້ 704 ບັດ ແລະ ທ້ອນໂຮມອາວຸດລ່າເນື້ອທີ່ຕ້ອງຫ້າມຈາກປະຊາຊົນໄດ້ 53 ກະບອກ.

ນອກນັ້ນ, ຍັງໄດ້ເອົາໃຈໃສ່ຕິດຕາມກວດກາ ການເໜັງຕີງຂອງພົນລະເມືອງ ໂດຍສົມທົບກັບ ປກສ ເມືອງ, ປກສ ບໍລິການປະຊາຊົນ ປກສ ບ້ານແລະອໍານາດການປົກຄອງໃນພື້ນທີ່   ເພື່ອຊ່ວຍກັນປົກປັກຮັກສາ ຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍ ໃນສັງຄົມໃຫ້ໄດ້ດີໂດຍພື້ນຖານ. ໃນນີ້, ແມ່ນເນັ້ນໃສ່ພະນັກງານທີ່ຫັນລົງກໍ່ສ້າງຮາກຖານການເມືອງ ກໍຄືພະນັກງານລົງປະຕິບັດວຽກງານ 3 ສ້າງ ເຊິ່ງສ່ວນໃຫຍ່ໄດ້ເອກະພາບກັນ ຈັດຕັ້ງປະຕິບັດວຽກງານຕ່າງໆດ້ວຍຄວາມຫ້າວຫັນບຸກບືນ ແລະ ສາມາດ ເຮັດສໍາເລັດໜ້າທີ່ທີ່ພັກ-ລັດມອບໝາຍໃຫ້

ໃນຕໍ່ໜ້າ, ຍັງຈະໄດ້ສືບຕໍ່ກວດກາພາຫະນະ ແລະ ອາຊີບພິເສດໃນທົ່ວແຂວງ ໃຫ້ສໍາເລັດໂດຍໄວ, ສືບຕໍ່ ຂຶ້ນທະບຽນສໍາມະໂນຄົວ, ການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ, ບ້ານປອດຢາເສບຕິດ, ເພີ່ມທະວີການຈັດຕັ້ງປະຕິບັດວຽກງານ  4 ຄາດໝາຍ 13 ວຽກຍຸດທະສາດທີ່ກະຊວງ ປກສ ວາງອອກ ໃຫ້ປາກົດຜົນເປັນຈິງ.

ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 25 ມິຖຸນາ 2014, ໂດຍການເຂົ້າຮ່ວມຂອງ ທ່ານພັທ ສຸລິວົງ ເຄນທະນູພິດ ຮອງກອງບັນຊາການ ປກສ ແຂວງ ສາລະວັນ, ມີຄະນະຫ້ອງຄຸ້ມຄອງ, ພະນັກງານ ຈາກຫ້ອງ, ກອງອ້ອມຂ້າງກອງບັນຊາການ ແລະ ພະນັກງານຫ້ອງດັ່ງກ່າວເຂົ້າຮ່ວມ.

* ຄັດຈາກ: ໜັງສືພິມ ສຽງຂອງກຳລັງປ້ອງກັນຄວາມສະຫງົບປະຊາຊົນລາວ, ສະບັບວັນທີ: 1-7-2014
 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ