ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

  

ວຽງຈັນ - ຮ່າໂນ້ຍ ເສີມຂະຫຍາຍການຮ່ວມມືຕ້ານອາດຊະຍາກຳ

ທ່ານ ພົຈວ ກົງທອງພົງວິຈິດ ລັດຖະມົນຕີຊ່ວຍວ່າການກະຊວງ ປກສ ສປປລາວ ໄດ້ຕ້ອນຮັບການເຂົ້າ ຢ້ຽມຢາມຂ່ຳນັບຂອງ ທ່ານ ພົຈວ ດຣ ແບ໋ກແທງດິ້ງ ຮອງຫົວໜ້າກອງບັນຊາການຕໍາຫຼວດ ນະຄອນ ຫຼວງຮ່າໂນ້ຍ ສສ ຫວຽດນາມ ພ້ອມດ້ວຍຄະນະໃນໂອກາດເດີນທາງມາພົບປະແລກປ່ຽນບົດຮຽນກັບ ກອງບັນຊາການ ປກສ ນະຄອນຫຼວງວຽງຈັນ ໃນວັນທີ 17 ກໍລະກົດນີ້.

ທ່ານ ພົຈວ ກົງທອງ ພົງວິຈິດ ໄດ້ສະແດງຄວາມຍິນດີຕ້ອນຮັບ ດ້ວຍຄວາມອົບອຸ່ນຢ່າງມີໄມຕີຈິດມິດ ຕະພາບ ແລະ ຊົມເຊີຍຕໍ່ການພົບປະແລກປ່ຽນບົດຮຽນ ຂອງສອງກອງບັນຊາການໃນຄັ້ງນີ້; ເຊິ່ງເປັນ ການເສີມຂະຫຍາຍສາຍພົວພັນ ການຮ່ວມມືຊ່ວຍເຫຼືອເຊິ່ງກັນ ແລະ ກັນລະຫວ່າງກອງບັນຊາການ ປກສ ນະຄອນຫຼວງວຽງຈັນ ແລະ ຕຳຫຼວດນະຄອນຫຼວງຮ່າໂນ້ຍເພື່ອຕ້ານ, ສະກັດກັ້ນ ແລະ ແກ້ໄຂປະກົດ ການຫຍໍ້ທໍ້ໃນສັງຄົມເພື່ອເຮັດໃຫ້ສອງ ນະຄອນຫຼວງມີຄວາມສະຫງົບ ແລະ ເປັນລະບຽບຮຽບຮ້ອຍ. ການ ພົບປະ ແລະ ແລກປ່ຽນບົດຮຽນນີ້, ຍັງເປັນການຍົກສູງຄວາມຮູ້ - ຄວາມສາມາດທາງດ້ານວຽກງານວິຊາ ສະເພາະຂອງສອງກໍາລັງ ປກສ ໃຫ້ສູງຂຶ້ນເພື່ອກຽມເຂົ້າສູ່ປະຊາຄົມເສດຖະກິດ ອາຊຽນໃນປີ 2015 ອີກດ້ວຍ.

ໃນໂອກາດດັ່ງກ່າວ, ທ່ານ ພົຈວ ດຣ ແບ໋ກແທງດິ້ງ ໄດ້ລາຍງານຜົນການພົບປະ ແລະ ແລກປ່ຽນບົດ ຮຽນຮ່ວມກັບກອງບັນຊາການ ປກສ ນະຄອນຫຼວງວຽງຈັນໃຫ້ ທ່ານ ລັດຖະມົນຕີຊ່ວຍວ່າການກະຊວງ ປກສ ຮັບຊາບ; ເຊິ່ງທັງສອງກອງບັນຊາການ ໄດ້ພ້ອມກັນສຸມໃສ່ແລກປ່ຽນຖອດຖອນບົດຮຽນເພື່ອພ້ອມ ກັນສະກັດກັ້ນ ແລະ ຕ້ານປະກົດການຫຍໍ້ທໍ້ຢູ່ໃນສັງຄົມຂອງສອງປະເທດ ລາວ - ຫວຽດນາມ ໃຫ້ຫຼຸດ ໜ້ອຍຖ້ອຍລົງເທື່ອລະກ້າວ.

ຜ່ານມາເຫັນວ່າ: ບັນຫາທີ່ພົ້ນເດັ່ນ ແລະ ເກີດຂຶ້ນຫຼາຍກວ່າໝູ່ຢູ່ໃນນະຄອນຫຼວງຮ່າໂນ້ຍ ແມ່ນບັນ ຫາໂຈລະກໍາຂໍ້ມູນທາງອິນເຕີເນັດ. ການມາໃນຄັ້ງນີ້, ຍັງເປັນການຮັດແໜ້ນຄວາມສາມັກຄີ, ການຮ່ວມມື ຮອບດ້ານລະຫວ່າງສອງກະຊວງ ປກສ ລາວ ແລະ ກະຊວງຕຳຫຼວດຫວຽດນາມເວົ້າລວມ, ເວົ້າສະເພາະກໍ ແມ່ນສອງກອງບັນຊາການ ປກສ ນະຄອນຫຼວງວຽງຈັນແລະຕຳຫຼວດຮ່າໂນ້ຍ ໃຫ້ນັບມື້ນັບຮັດແໜ້ນຄວາມ ສາມັກຄີມິດຕະພາບກັນຍິ່ງໆຂຶ້ນໄປ.

 

   

 
 
 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ