ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ລາວ-ຫວຽດ ສືບຕໍ່ເສີມຂະຫຍາຍການຮ່ວມມືຫຼາຍດ້ານ

   ອີງ​ຕາມ​ການ​ເຊື້ອ​ເຊີນ​ຂອງ ທ່ານ ສົມ​ສະຫວາດ ເລັ່ງ​ສະ​ຫວັດ ຮອງ​ນາຍົກລັດຖະມົນຕີ ຜູ້​ຊີ້​ນຳວຽກ​ງານ​ ເສດຖະກິດ​ການ​ຜະລິດ ແລະ ຈໍ​ລະ​ຈອນ ທັງ​ເປັນ​ປະທານຄະນະ​ກຳມາ​ທິ​ການ​ຮ່ວມ​ມື ລາວ - ຫວຽດນາມ ໃນ​ລະຫວ່າງ​ວັນ​ທີ 9-10 ທັນວາ 2014 ນີ້ ທ່ານ ຫງວ​​ຽນ ຊວນ ຟຸກ ຮອງ​ນາຍົກລັດຖະມົນຕີແຫ່ງ ​ສສ ຫວຽດນາມ ປະທານ​ຄະນະ​ກຳມາ​ທິການ​ຮ່ວມ​ມືຫວຽດນາມ - ລາວ ພ້ອມ​ດ້ວຍ​ຄະນະ​ຜູ້​ແທນ​ຂັ້ນ​ສູງໄດ້ ເດີນທາງ​ມາ​ຢ້ຽມຢາມ ແລະ ເຮັດ​ວຽກຢູ່​ນະຄອນຫຼວງ​ວຽງຈັນ.

 ໃນ​ໂອກາດ​ນີ້ ທັງ​ສອງ​ຮອງ​ນາຍົກ​ລັດຖະມົນຕີ ແລະ ຄະນະ ໃນ​ນາມ​ຄະນະ​ກຳມາ​ທິ​ການ​ຮ່ວມມື  ຫວຽດນາມ - ລາວ ໄດ້​ພ້ອມ​ກັນ​ທົບ​ທວນຄືນ ​ການຈັດຕັ້ງ​ຜັນ​ຂະຫຍາຍ ເນື້ອ​ໃນ​ບົດ​ບັນທຶກ​ສອງ​ກົມ​ ການເມືອງ ເນື້ອ​ໃນ​ບົດ​ບັນທຶກ​ກອງປະຊຸມ​ຄະນະ​ກຳມາ​ທິ​ການ​ຮ່ວມມື ລາວ-ຫວຽດນາມ ຫວຽດນາມ-ລາວ ຄັ້ງ​ທີ 36 ກໍ່​ຄື​ສັນຍາ​ວ່າ​ດ້ວຍ​ການ​ຮ່ວມ​ມື​ດ້ານ​ເສດຖະ​ກິດ ວັດທະນະທຳ ສຶກ​ສາ ວິທະ​ຍາ​ສາດ-ເຕັກນິກ ລະຫວ່າງສອງ​ລັດຖະບານ ຕະຫຼອດ​ໄລຍະ 1 ປີ​ທີ່​ຜ່ານ​ມາ ເຊິ່ງ​ທັງ​ສອງ​ທ່ານຮອງ​ນາຍົກ​ ກໍ່​ໄດ້​ຕີ​ລາຄາ​ສູງ ທີ່ເຫັນ​ວ່າການ​ຮ່ວມ​ມື​ມີ​ບາດກ້າວຂະຫຍາຍຕົວ ມີ​ທ່ວງ​ທ່າ​ດີ​ຂຶ້ນເປັນ​ລຳດັບ ເຮັດ​ໃຫ້​ແຕ່​ລະ​ຂະແໜງ​ການ​ ວຽກ​ງານ ​ໄດ້​ຮັບ​ການເສີມ​ຂະຫຍາຍ​ຢ່າງ​ບໍ່​ຢຸດ​ຢັ້ງ.

  ພ້ອມ​ກັນ​ນັ້ນ ທັງ​ສອງ​ຝ່າຍຍັງ​ໄດ້​ປຶກສາ​ຫາລື​ທິດ​ທາງ​ການຮ່ວມ​ມື ປະຈຳ​ປີ 2015 ເຊິ່ງ​ທັງສອງ​ຮອງ ​ນາຍົກ​ກໍ່​ໄດ້​ຍົກ​ຫຼາຍບັນຫາ​ຂຶ້ນ​ມາ​ປຶກສາ​ຫາລື​ກັນໂດຍ​ສະເພາະ ຈະ​ໄດ້​ພ້ອມ​ກັນ​ສືບຕໍ່​ຮ່ວມ​ມື​ພັດທະນາ​ທາງ ​ດ້ານ​ບຸກຄະລາ​ກອນ ຊ່ຽວຊານ​ສະເພາະດ້ານ ສືບຕໍ່​ປັບປຸງ​ບາງ​ຂອດ​ວຽກທີ່​ຍັງ​ບໍ່​ທັນ​ສຳເລັດ​ໃນ​ປີຜ່ານມາ ເພື່ອ​ຊຸກຍູ້​ບັນດາ​ບາງ​ຂະແໜງການ​ທີ່​ຍັງ​ເຄື່ອນ​ໄຫວ​ຊັກ​ຊ້າ ເພື່ອພ້ອມ​ກັນ​ພັດທະນາ​ໃຫ້ບັນລຸ​ໄດ້ສະຫັດ​ສະ ​ວັດເຮັດ​ໃຫ້​ປະຊາຊົນຫຼຸດ​ພົ້ນ​ອອກ​ຈາກ​ຄວາມທຸກ​ຍາກ ແລະ ດ້ອຍ​ພັດທະນາ ໃນ​ປີ 2020.

  ການ​ພົບ​ປະ​ຂອງ​ສອງ​ຄະນະກຳມາ​ທິ​ການ​ຮ່ວມ​ມື ລາວ-ຫວຽດນາມ ຫວຽດນາມ-ລາວ ໃນ​ຄັ້ງ​ນີ້ ໄດ້​ບັນ ລຸ​ຜົນສຳເລັດ​ຢ່າງສະຫງ່າ​ງາມ ຢັ້ງຢືນ​ເຖິງ​ຄວາມຕັດສິນ​ໃຈ​ໃນ​ການ​ສືບຕໍ່​ເສີມ​ຂະຫຍາຍ​ມູນເຊື້ອແຫ່ງ​ຄວາມ ສາມັກ​ຄີ​ພິເສດ ແລະ ການ​ຮ່ວມ​ມືຮອບດ້ານ ລາວ-ຫວຽດນາມ ໃນໄລຍະ​ໃໝ່ ແລະ ຈະ​ໄດ້​ລາຍງານ​ຜົນ ສຳເລັດ​ດັ່ງກ່າວ ເພື່ອ​ຂໍທິດ​ຊີ້​ນຳ​ຈາກ​ກົມ​ການເມືອງ​ຂອງສອງ​ພັກ ໃນ​ໂອກາດ​ພົບ​ປະ​ສອງກົມ​ການເມືອງ​ປະ ຈຳ​ປີທີ່​ຈະ​ຈັດຂຶ້ນ​ໃນຕໍ່ໜ້າ​ນີ້.

 
 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ