ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ການ​ພັດທະນາ​ການ​ຄ້າ ​ແລະ ທຸລະ​ກິດ​ຂອງ​ລາວ
ສຸມ​ໃສ່​ຂະ​ແໜງ​ການ​ທີ່​ບໍ່​ນຳ​ໃຊ້​ຊັບພະຍາກອນ​ທຳ​ມະ​ຊາດ

ທ່ານ ນາງ ​ເຂັມ​ມະນີ ພົນ​ເສນາ ລັດຖະມົນຕີ​ວ່າການ​ກະຊວງ​ອຸດ​ສະຫະ​ກຳ ​ແລະ ການ​ຄ້າ ກ່າວ​ໃນ​ ກອງ​ປະຊຸມ​ຂະ​ແໜງ​ການ​ຄ້າ ​ແລະ ພາກ​ທຸລະ​ກິດ​ຄັ້ງ​ທີ 6 ​ຈັດຂຶ້ນ​ໃນ​ວັນ​ທີ 15 ​ເດືອນ​ຕຸລາ ປີ 2014 ທີ່​ ໂຮງ​ແຮມ​ດອນ​ຈັນ​ພາ​ເລດ, ນະຄອນຫລວງ​ວຽງ​ຈັນ​ວ່າ: ການ​ຂະຫຍາຍຕົວ​ດ້ານ​ການ​ ຂຸດ​ຄົ້ນ​ຊັບພະຍາກອນ ​ທຳ​ມະ​ຊາດ ​ໄດ້​ສ້າງ​ຜົນ​ປະ​ໂຫຍ​ດມະຫາສານ​ຕໍ່​ເສດຖະກິດ​ຂອງລາວ ​ແຕ່ການ​ອາ​ໄສ​ຂະ​ແໜງ​ການ​ ຊັບພະຍາກອນ​ທຳ​ມະ​ຊາດ ​ຫລາຍ​ເກີນ​ໄປ​ສຳລັບ​ການ​ຂະຫຍາຍຕົວ​ທາງ​ດ້ານ​ເສດຖະກິດ ອາດ​ກໍ່​ໃຫ້​ເກີດ ​ຄວາມ​ສ່ຽງຢ່າງ​ຮຸນ​ແຮງ ​ໃນ​ການ​ພັດທະນາ​ແບບ​ຍືນ​ຍົງ​ໃນ​ໄລຍະ​ຍາວ​ຂອງ ສປປ ລາວ, ສະນັ້ນ  ຈຸດປະສົງ ​ຫລັກ​ຂອງ​ໂຄງການ​ພັດທະນາ​ການ​ຄ້າ ​ແລະ ພາກ​ທຸລະ​ກິດ​ຂອງ​ລາວ ​ແມ່ນສຸມ​ໃສ່​ການ​ອຳນວຍ​ຄວາມ​ສະດວກ ​ໃຫ້​ກັບ​ບັນດາ​ຂະ​ແໜງ​ການ​ທີ່​ບໍ່​ນຳ​ໃຊ້​ຊັບພະຍາກອນ​ທຳ​ມະ​ຊາດ​ຄື: ສົ່ງ​ເສີມ​ຄວາມ​ອາດ​ສາມາດ​ໃນ​ການ​ແຂ່ງ ຂັນ​ ທີ່​ເປັນ​ໄປ​ໄດ້​ທີ່​ມີ​ຢູ່; ສົ່ງ​ເສີມ​ການ​ເຂົ້າ ​ຮ່ວມ​ຂອງຜູ້​ທີ່​ທຸກ​ຍາກ​ໃນ​ວົງ​ກວ້າງ ​ແລະ ສົ່ງ​​ເສີມ​ຂົງ​ເຂດ​ທີ່​ມີ​ ຄວາມ​ສາມາດ​ທີ່​ຈະ​ພັດທະນາ​ເປັນ​ຕະຫລາດ​ໄດ້.

ພ້ອມ​ນີ້, ທ່ານ ​ມີ​​ແຊ​ນ ​ໂກ​ແຟງ Michel Goffin ​​ ອຸປະ​ທູດສຳນັກງານ​ຜູ້ຕາງໜ້າສະຫະພາບ​ເອີ​ຣົບ ປະ​ຈຳ ສປປ ລາວກ່າວ​ວ່າ: ​​ເພື່ອເພີ່ມ​ທະວີ​ ບູລິ​ມະ​ສິດ​ການ​ພັດທະນາ​ຂະ​ແໜງ​ການ​ຄ້າ ​ແລະ ພາກ​ທຸລະ​ກິດ ​ຄາດ​ຄະເນ ​​​ແຕ່​ປີ 2012-2018 ບັນດາຄູ່ຮ່ວມພັດທະນາ ແລະ ພາກທຸລະກິດ ຈະ​ຊ່ວຍ​ເຫລືອ​ທາງ​ດ້ານ​ ການ​ເງິນ​ແກ່ ສປປ ລາວ​ ອາດ​ສູງ​ເຖິງ 50 ລ້ານ​ໂດ​ລາ​ສະຫະລັດ ​​ໃນ​ການ​ປະກອບ​ສ່ວນ​ຊ່ວຍ​ເຫລືອ​ທາງ​ ດ້ານ​ວິຊາ​ການ​ແກ່​ ລັດຖະບານ​ລາວ ​ໃນ​ການ​ປັບປຸງ​ບັນດາ​ນະ​ໂຍບາຍ, ສ້າງ​ບັນດາ​ນິຕິ​ກຳ, ສ້າງ​ຂໍ້​ມູນ​ ຂ່າວສານ ​ແລະ ໜ່ວຍ​ງານ​ຈັດ​ຕັ້ງ​ປະຕິບັດ​ດ້ານ​ວິຊາ​ການ​ ໂດຍ​ໃຫ້​ສອດຄ່ອງ​ກັບ​ມາດຕະຖານ​ຄວາມ​ຮຽກຮ້ອງ​ ຕ້ອງການ​ຂອງ​ອົງການ​ການ​ຄ້າ​ໂລກ ​ແລະ ອາ​ຊຽນ ລວມທັງ​ການ​ສະໜັບສະໜູນ​ທາງ​ດ້ານ​ການ​ເງິນ ​ແລະ ​ເຕັກນິກ​ໂດຍ​ກົງ​ໃຫ້​ກັບ​ບັນດາຫົວໜ່ວຍທຸລະ​ກິດ​ຂະໜາດ​ນ້ອຍ ​ແລະ ຂະໜາດ​ກາງ (SMEs) ​ແລະ ອື່ນໆ ໃຫ້ໄດ້​ຮັບ​ຜົນ​ປະ​ໂຫຍ​ດ ອັນ​ສູງ​ສຸດ​ແກ່​ການ​ພັດທະນາ​ພາກ​ທຸລະ​ກິດ ເຊິ່ງ​ແມ່ນ​ພາກສ່ວນ​ທີ່​ສຳຄັນ​ໃນ​ການ​ສ້າງ ​ຄວາມ​ຫລາກ​ຫລາຍ​ທາງ​ດ້ານ​ ເສດຖະກິດ ​ແລະ ການ​ຂະຫຍາຍຕົວ ​ໃຫ້​ມີ​ຄວາມ​ໝັ້ນ​ທ່ຽງ.

ກອງ​ປະຊຸມດັ່ງກ່າວ ​ຈັດ​ຂຶ້ນ​​​ໂດຍ​ກະຊວງ​ອຸດສາຫະກຳ ​ແລະ ການ​ຄ້າ ຮ່ວມ​ກັບ ບັນດາ​ຄູ່​ຮ່ວມ​ພັດທະນາ, ​ເປັນ​ປະທານຮ່ວມ​ຂອງ​ທ່ານ ນາງ ​ເຂັມ​ມະນີ ພົນ​ເສນາ ລັດຖະມົນຕີ​ວ່າການ​ກະຊວງ​ອຸດ​ສະຫະ​ກຳ ​ແລະ ການ​ຄ້າ, ທ່ານ Michael Grau ເອກອັກຄະລັດຖະທູດເຢຍລະມັນ ປະຈຳລາວ ​ແລະ ທ່ານ ​ມີ​​ແຊ​ນ ​ໂກ​ແຟງ Michel Goffin ອຸປະ​ທູດສຳນັກງານ​ຜູ້ຕາງໜ້າສະຫະພາບ​ເອີ​ຣົບ ປະ​ຈຳ ສປປ ລາວ, ມີ​ບັນດາ ຜູ້ຕາງໜ້າ ອົງການ​ຈັດ​ຕັ້ງ ​ສາກົນ​ສະພາ​ການ​ຄ້າ ​ແລະ ອຸດ​ສະຫະ​ກຳ​ແຫ່ງ​ຊາດ ​ແລະ ສະມາຄົມ​ທຸລະກິດ​ທັງ​ພາຍ​ໃນ ​ແລະ ຕ່າງປະ​ເທດ ພ້ອມ​ດ້ວຍ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ ເພື່ອປຶກສາ​ຫາລືບັນດາ​ຜົນ​ສຳ​ເລັດ​ຕົ້ນຕໍ ​ຕະຫລອດ​ໄລຍະ 1 ປີ ຜ່ານ​ມາ ​ແລະ ບັນດາ​ສິ່ງ​ກີດຂວາງ​ສະພາບ​ແວດ​ລ້ອມ​ ຂອງ​ການ​ລົງທຶນ​ທີ່​ກຳ​ລັງ​ ເປັນ​ອຸປະສັກ​ຕໍ່​ການ​ຂະຫຍາຍຕົວ​ຂອງ​ຂະ​ແໜງ​ການ​​ອຸດ​ສະຫະ​ກຳ ​ແລະ ການ​ບໍລິການ​ໃນ​ລາວ.

 
 

ເລືອກພາສາ:

  |

 
 

 

 

 
 
 

 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ