ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ທ່ານ ທອງລຸນ ສີສຸລິດ ພົບປະກັບຄູ່ຮ່ວມຕໍາແໜ່ງ ສປ ຈີນ ແລະ ຕີມໍເລັດສະເຕ

     ເພື່ອສືບຕໍ່ເຮັດແໜ້ນສາຍພົວພັນມິດຕະພາບ ແລະ ການຮ່ວມມືແບບຍຸດທະສາດຮອບດ້ານລະຫວ່າງ ສປປ ລາວ ແລະ ສປ ຈີນ ໃຫ້ນັບມື້ນັບແໜ້ນແຟ້ນ ແລະ ຂະຫຍາຍຕົວຍິ່ງໆຂຶ້ນ, ໃນຕອນແລງຂອງ ວັນທີ 8 ສິງຫາ 2014, ທີ່ເນປີດໍ, ສາທາລະນະລັດ ສະຫະ ພາບມຽນມາ, ທ່ານ  ທອງລຸນ ສີສຸລິດ ຮອງ ນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ແຫ່ງ ສປປ ລາວ ໄດ້ພົບປະກັບ ທ່ານ ຫວັງອີ້ ລັດຖະມົນຕີວ່າການກະຊວງການຕ່າງປະເທດ ແຫ່ງ ສປ ຈີນ ໃນໂອກາດເຂົ້າຮ່ວມກອງປະຊຸມ ລັດຖະມົນຕີການຕ່າງ ປະເທດອາຊຽນ ຄັ້ງທີ 47 ແລະ ກອງປະຊຸມ ອື່ນໆທີ່ກ່ຽວຂ້ອງ. ໃນການ ພົບປະຄັ້ງນີ້, ທັງສອງ ຝ່າຍໄດ້ແລກປ່ຽນຄວາມ ຄິດເຫັນກ່ຽວກັບການ ຈັດຕັ້ງ ປະຕິບັດການພົວພັນ ແລະ ການຮ່ວມມືສອງຝ່າຍໃນໄລຍະຜ່ານມາ.

   ທ່ານຮອງນາຍົກ  ທອງລຸນ ສີສຸລິດ ໄດ້ຕີລາຄາສູງ ແລະ ສະແດງຄວາມພາກພູມໃຈທີ່ເຫັນວ່າການ ພົວພັນຮ່ວມມືລາວ-ຈີນ ໄດ້ຮັບການເສີມຂະຫຍາຍຢ່າງຕໍ່ເນື່ອງ, ອັນໄດ້ນຳເອົາຜົນປະໂຫຍດຕົວຈິງມາສູ່ ປະຊາຊົນສອງ ຊາດລາວ-ຈີນ. ສອງຝ່າຍໄດ້ຕີລາຄາສູງຕໍ່ການ ແລກປ່ຽນການຢ້ຽມຢາມຊຶ່ງກັນ ແລະ ກັນ ຂອງການນຳຂັ້ນສູງຂອງພັກ ແລະ ລັດຢ່າງເປັນປົກກະຕິລວມທັງບັນດາຂະແໜງການສູນກາງ ແລະ ທ້ອງ ຖິ່ນ. ການຮ່ວມມືທາງດ້ານເສດຖະກິດ-ການຄ້າ ແລະ ການລົງ ທຶນ ລະຫວ່າງ 2 ປະເທດ ກໍໄດ້ມີການ ຂະຫຍາຍຕົວນັບມື້ນັບເພີ່ມຂຶ້ນ.

     ນອກຈາກນີ້ສອງຝ່າຍຍັງ ໄດ້ສະແດງຄວາມເພິ່ງພໍໃຈ ການຮ່ວມມື ແລະ ປະສານສົມທົບກັນໃນຂົງ ເຂດການ ຕ່າງປະເທດ, ວັດທະ ນະທຳ-ສັງຄົມ, ວິທະຍາສາດ-ເຕັກໂນໂລຊີ ແລະ ອື່ນໆ. ຝ່າຍ ສປ ຈີນ ຍິນດີທີ່ຈະໃຫ້ການສະໜັບ ສະໜູນ ສປປ ລາວ ໃນການ ເປັນ ເຈົ້າພາບ ແລະ ເປັນປະທານອາຊຽນໃນປີ 2016. ສຳລັບໂຄງການສ້າງທາງລົດໄຟດ່ວນນັ້ນຝ່າຍ ສປ ຈີນ ໄດ້ຢືນ ຢັນເຈດຈຳນົງຂອງຕົນວ່າບໍ່ມີ ການປ່ຽນແປງ ໂດຍຈະໃຫ້ວິຊາການກ່ຽວຂ້ອງໄດ້ສຶກສາລະອຽດຮອບດ້ານ ເພື່ອໃຫ້ໄດ້ຈັດຕັ້ງປະຕິບັດໂດຍ ໄວ. ທ່ານຮອງນາຍົກ ທອງລຸນ ສີສຸລິດ ໄດ້ຕາງໜ້າໃຫ້ພັກ, ລັດ ແລະ ປະຊາຊົນລາວສະແດງຄວາມຂອບ ໃຈ ແລະ ຮູ້ບຸນຄຸນຕໍ່ພັກ-ລັດ ແລະ ປະຊາຊົນຈີນທີ່ໄດ້ໃຫ້ການສະໜັບສະໜູນ, ຊ່ວຍເຫຼືອຢ່າງໃຫຍ່ ຫຼວງ. ມີຜົນສັກສິດ ແລະ ທັນການໃນພາລະກິດປົກປັກຮັກສາ ແລະ ສ້າງສາປະເທດຊາດລາວໃນປະ ຈຸບັນ. ໃນການພົບປະຄັ້ງນີ້ສອງຝ່າຍໄດ້ແລກປ່ຽນຄວາມຄິດເຫັນກ່ຽວກັບການຮ່ວມມືອາຊຽນ-ຈີນ, ຊຶ່ງເຫັນ ວ່າໄດ້ ຮັບການເສີມ ຂະຫຍາຍເປັນກ້າວໆມາ.

     ທ່ານຮອງນາຍົກ ທອງລຸນ ສີສຸລິດ  ໄດ້ສະແດງຄວາມຂອບໃຈຕໍ່ ສປ ຈີນ ທີ່ຖືອາຊຽນເປັນ ສຳຄັນ ໃນການພົວພັນ ແລະ ສະແດງ ຄວາມຍິນດີຕໍ່ບັນດາຂໍ້ລິເລີ່ມໃໝ່ຂອງ ສປ ຈີນ ເປັນຕົ້ນແມ່ນການ ຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ; ການສ້າງຕັ້ງ ທະນາຄານການ ລົງທຶນດ້ານພື້ນຖານໂຄງລ່າງອາຊີ (AIIB) ແລະ ສປປ ລາວ ເຊື່ອໝັ້ນວ່າທະນາຄານດັ່ງກ່າວຈະປະກອບສ່ວນສະໜັບສະໜູນໃຫ້ແກ່ການ ເຊື່ອມຈອດ ອາຊຽນ ກໍຄືອາຊຽນກັບ ສປ ຈີນ ໂດຍສະເພາະດ້ານການຄ້າ, ການລົງທຶນ ແລະ ການທ່ອງ ທ່ຽວ. ວັນດຽວກັນກໍໄດ້ມີການພົບປະສອງຝ່າຍກັບທ່ານ ໂຈເຊ ລຸຍ ກຸດເຕີເຣສ ລັດຖະມົນຕີຕ່າງປະເທດ ແລະ ການຮ່ວມມືຂອງປະເທດຕີມໍເລັດສະເຕ ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຂອງສອງປະເທດໃຫ້ນັບມື້ຂະຫຍາຍຕົວຍິ່ງໆຂຶ້ນ. ສອງຝ່າຍເຫັນດີທີ່ຈະສືບຕໍ່ໃຫ້ການສະໜັບ ສະໜູນຊຶ່ງ ກັນ ແລະ ກັນໃນເວທີພາກພື້ນ ແລະ ສາກົນ.

 

 
 

ເລືອກພາສາ:

  |

 
 
 
 
 
 
 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ