ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 

ກອງປະຊຸມໃຫຍ່ຄັ້ງທີ IX ຂອງພັກ

 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 
 
 
 
 
  

ສະກັດກັ້ນ ແລະ ແກ້ໄຂການລັກລອບປູກຝິ່ນ ປູກກັນຊາໃນທົ່ວປະເທດ

     ໃນ​ລະຫວ່າງ​ວັນ​ທີ 14-15 ສິງຫາ 2014 ຢູ່​ທີ່​ແຂວງ​ຫຼວງພະ​ບາງ ໄດ້​ຈັດ​ກອງ​ປະຊຸມ​ວ່າດ້ວຍ​ການ​ ສະກັດ​ກັ້ນ​ແກ້​ໄຂ​ການລັກ​ປູກ​ຝິ່ນ ແລະ ປູກ​ກັນຊາຢູ່ ​ສປປ ລາວ ພາຍ​ໃຕ້​ການ​ເປັນ​ປະທານ​ຂອງ​ທ່ານ ອາ​ຊາງ ລາວ​ລີ ຮອງ​ນາຍົກລັດຖະມົນຕີ ຜູ້​ຊີ້​ນຳວຽກ​ງານ​ໃນ​ຂົງເຂດ​ການ​ປົກຄອງໂດຍ​ການ​ເຂົ້າ​ຮ່ວມ​ຂອງ​ ບັນດາ​ທ່ານ​ເຈົ້າແຂວງ ທ່ານ​ລັດ​ຖະມົນຕີ​ຊ່ວຍ​ວ່າການ​ກະຊວງ ຜູ້ຕາງໜ້າ​ຈາກ​ຄະນະ​ກຳມະການແຫ່ງ​ຊາດ ເພື່ອ​ກວດກາ ແລະ ຄວບ​ຄຸມ​ຢາ​ເສບ​ຕິດ​ ທີ່​ມາ​ຈາກສູນ​ກາງ ແລະ ທ້ອງຖິ່ນພ້ອມ​ທັງພະນັກງານ​ວິຊາ​ການ​ ທີ່​ກ່ຽວຂ້ອງ ແລະ ແຂກ​ທີ່​ຖືກ​ເຊີນ​ເຂົ້າ​ຮ່ວມທັງ​ໝົດ 80 ກວ່າ​ທ່ານ.

    ກອງ​ປະຊຸມ​ໄດ້​ຮັບ​ຟັງ​ການລາຍ​ງານ​ຂອງທ່ານ ກຸ ຈັນ​ສີ​ນາ ປະທານ​ຄະນະ​ກຳມາ​ທິ​ການແຫ່ງ​ຊາດ ເພື່ອ​ ກວດກາ ແລະ ຄວບ​ຄຸມ​ຢາ​ເສບ​ຕິດ​ ກ່ຽວ​ກັບ​ຜົນການຈັດຕັ້ງ​ປະຕິບັດ​ວຽກ​ງານກວດກາ ແລະ ຄວບ​ຄຸມ​ ຢາ​ເສບຕິດ​ໃນ​ໄລຍະ​ທີ່​ຜ່ານ​ມາເປັນຕົ້ນ ສະພາບ​ການ​ລັກລອບ​ປູກ​ຝິ່ນ​ປູກ ກັນຊາ​ຂອງ​ປະຊາຊົນ​ ຈຳນວນໜຶ່ງ ໂດຍ​ສະເພາະກໍ່​ແມ່ນ​ບັນດາ​ແຂວງ​ຕ່າງໆ​ ຢູ່​ທາງ​ພາກ​ເໜືອ ແລະ ພາກ​ກາງຂອງ​ລາວ ເຊິ່ງຜ່ານ​ການ​ສຳ​ຫຼວດ ແລະ ເກັບ​ກຳຂໍ້​ມູນໃນ​ປີ 2014 ມີ​ເນື້ອທີ່​ລັກລອບ​ປູກ​ຝິ່ນ​ທົ່ວ​ປະເທດທັງ​ໝົດ 1.147 ເຮັກຕາ ແລະ ມີ​ທ່າ​ອ່ຽງເພີ່ມ​ສູງ​ຂຶ້ນ​ ເມື່ອ​ທຽບໃສ່​ປີ​ທີ່​ຜ່ານ​ມາ​ຕໍ່​ບັນຫາ​ດັ່ງກ່າວ ໃນ​ໄລຍະ​ຜ່ານ​ມາ​ ພາກສ່ວນ​ທີ່​ກ່ຽວຂ້ອງ​ໄດ້​ມີ​ຄວາມ​ພະຍາຍາມໃນ​ການ​ແກ້​ໄຂ​ ແລະ ຄວບ​ຄຸມ​ບັນຫາ​ດັ່ງກ່າວ ເຊັ່ນ: ການ​ຫັນ​ ເອົາ​ພະນັກງານ​ລົງ​ຮາກ​ຖານເພື່ອ​ດຳເນີນ​ການ​ສຶກ​ສາ​ອົບຮົມ​ການເມືອງ​ແນວ​ຄິດ ແລະ ໂຄສະນາເຜີຍແຜ່ ໃຫ້​ປະຊາຊົນ ​ບັນດາເຜົ່າ​ຢູ່​ເຂດ​ປູກຝິ່ນ​ໄດ້​ຮັບ​ຮູ້​ເຂົ້າໃຈ ແລະ ຕື່ນຕົວ​ເຂົ້າ​ຮ່ວມ​ປະຕິບັດ​ຕາມ​ມະຕິຂອງ​ພັກ ກໍ່​ຄືແຜນ​ຍຸດ​ທະ​ສາດ ແລະ ບັນດາ​ນິຕິ​ກຳ​ທີ່​ກ່ຽວຂ້ອງ. ພ້ອມ​ນັ້ນກໍ່​ໄດ້​ນຳ​ເອົາ​ບັນດາ​ໂຄງການ​ຮ່ວມ​ມືກັບ ​ສາກົນເພື່ອ​ແກ້ໄຂ​ຄວາມທຸກ​ຍາກ ແລະ ຫັນ​ເອົາປະຊາຊົນໄປ​ປະກອບ​ອາຊີບ​ອື່ນແທນ​ການ​ປູກ​ຝິ່ນ ສຳລັບ​ ການບຳບັດ​ປິ່ນປົວ ​ຜູ້​ທີ່​ຕິດ​ຝິ່ນ​ຕາມ​ຊຸມຊົນ​ຕ່າງໆກໍ່​ເປັນ​ຂະ​ບວນ ໄດ້​ຂົນຂວາຍ​ເອົາ​ເຈົ້າ​ກົກ​ເຈົ້າ​ເຫຼົ່າຢູ່​ໃນ ຫຼາຍ​ທ້ອງຖິ່ນ ໃຫ້​ເປັນ​ ແບບຢ່າງນຳພາ​ປະຊາຊົນ ໃຫ້​ຕື່ນ​ຕົວ​ທຳລາຍ​ສວນ​ຝິ່ນທີ່​ຕົນ​ປູກ​ຢ່າງ​ຜິດກົດໝາຍ​ ດ້ວຍ​ຄວາມ​ສະໝັກ​ໃຈ. ອັນ​ທີ່​ພົ້ນ​ເດັ່ນ​ກໍ່​ແມ່ນ​ການ​ສ້າງເງື່ອນໄຂ​ໃຫ້​ບໍລິສັດ​ຕ່າງໆ​ ທີ່​ເຂົ້າມາ​ລົງທຶນ​ຢູ່​ເຂດ ​ພາກ​ເໜືອ​ຂອງ ​ສປປ ລາວ ໄດ້​ມີ​ສ່ວນ​ຮ່ວມ​ໃນໂຄງການ​ປູກ​ພືດ​ທົດ​ແທນ​ການປູກ​ຝິ່ນ ໂດຍ​ສະເພາະ ກໍ່​ແມ່ນການ​ຊຸກຍູ້​ສົ່ງເສີມ​ສ້າງ​ອາຊີບ ສ້າງ​ວຽກ​ເຮັດ​ງານ​ທຳ​ໃຫ້​ປະຊາຊົນ ຫັນ​ຈາກ​ປູກ​ຝິ່ນ​ມາ​ປູກ​ພືດທົດ ​ແທນເປັນຕົ້ນ ການ​ປູກ​ພືດປອດ​ສານພິດ ເພື່ອ​ເຮັດ​ໃຫ້​ປະຊາ​ຊົນ​ມີ​ອາຊີບ​ໃໝ່​ທີ່​ດີ​ຂຶ້ນ ແລະ ຫຼຸດ​ພົ້ນ​ອອກ​ ຈາກ​ຄວາມທຸກ​ຍາກເທື່ອ​ລະ​ກ້າວ.

     ພ້ອມ​ນັ້ນ ບັນດາ​ທ່ານ​ຜູ້​ເຂົ້າຮ່ວມ​ກອງ​ປະຊຸມ​ ຍັງ​ໄດ້​ປະກອບຄຳ​ຄິດ​ຄຳ​ເຫັນຢ່າງ​ກົງ​ໄປ​ກົງ ມາ​ດ້ວຍ​ ຄວາມ​ຮັບຜິດຊອບ​ສູງ ຕໍ່​ບົດ​ລາຍ​ງານ​ດັ່ງກ່າວ ແລະ ໄດ້​ປຶກສາ​ຫາລື​ຕົກລົງ​ເປັນ​ເອກະພາບເພື່ອ​ຊອກ​ຫາ​ ວິທີ​ການ​ສະກັດ​ກັ້ນ ແລະ ມາດ​ຕະການ​ແກ້ໄຂ​ການ​ລັກ​ປູກ​ຝິ່ນ​ຂອງ​ປະຊາຊົນ.

     ໃນ​ຕອນ​ທ້າຍ​ຂອງ​ກອງ​ປະຊຸມ ທ່ານ​ປະທານ​ກອງ​ປະຊຸມໄດ້​ໃຫ້​ທິດ​ຊີ້​ນຳຄື: ຕ້ອງ​ເພີ່ມ​ທະວີ​ການ​ເຮັດ ​ວຽກ​ງານ​ໂຄສະນາ ສຶກ​ສາ​ອົບຮົມ​ໃຫ້​ພົນລະເມືອງ​ທັງໝົດ​ພາຍ​ໃນ​ຊາດ​ຂອງ​ພວກ​ເຮົາ ໃຫ້​ມີ​ຄວາມ​ຮູ້​ເຂົ້າໃຈ ແລະ ຕື່ນຕົວ​ເຂົ້າ​ຮ່ວມ​ໃນ​ຂະ​ບວນ​ການຕ້ານ​ກັບ​ຢາ​ເສບ​ຕິດ ຕ້ານ​ກັບການ​ລັກລອບ​ປູກ​ຝິ່ນ-ປູກ​ກັນຊາ ໃຫ້​ ແຂງແຮງ​ຂຶ້ນ ແລະ ມີ​ໝາກມີ​ຜົນ​ຕົວ​ຈິງ ຮີບ​ຮ້ອນ​ເຜີຍແຜ່ເຊື່ອມ​ຊຶມ​ຜັນ​ຂະຫຍາຍ ແລະ ຈັດ​ຕັ້ງ​ປະຕິບັດ ​ຄຳ​ສັ່ງ​ຂອງ​ທ່ານນາຍົກລັດຖະມົນຕີ​ໃຫ້​ເດັດຂາດ ເຂັ້ມ​ງວດ ຕາມ​ເນື້ອ​ໃນ​ຈິດໃຈ​ດັ່ງກ່າວ: ບໍ່​ປູກ ບໍ່​ຊື້-ຂາຍ ແລະ ບໍ່ເສບ ພ້ອມ​ດຽວ​ກັນ​ນັ້ນ ກໍ່​ໃຫ້​ຮີບຮ້ອນ​ປັບປຸງ​ກົງຈັກ​ການຈັດຕັ້ງບຸກ​ຄະລາ​ກອນ ແລະ ກົນ​ໄກການ​ ເຮັດ​ວຽກ​ຂອງ​ພະ​ແນກ ແລະ ຫ້ອງການ​ກວດກາ ແລະ ຄວບ​ຄຸມ​ຢາ​ເສບ​ຕິດຂອງ​ແຂວງ ເມືອງໃຫ້​ມີ ​ຄວາມ​ກະທັດ​ລັດ ເຂັ້ມແຂງ ພ້ອມ​ທັງ​ຈັດ​ສັນ​ງົບ​ປະມານ​ເຂົ້າ​ໃສ່​ວຽກ​ງານ​ດັ່ງກ່າວຢ່າງ​ເໝາະ​ສົມ.

 

 
 

ເລືອກພາສາ:

  |

 
 
 
 
 
 
 

 
 
 
 
 
 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ