Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ລມຕ ກະຊວງ ປກສ ເນັ້ນຄະນະບັນຊາ ປກ ສືບຕໍ່ຊີ້ນຳພະນັກງານເຮັດວຽກງານ

ໃຫ້ມີຜົນສຳເລັດ

        ພົທ ວິໄລ ຫຼ້າຄຳຟອງ ເລຂາທິການສູນກາງພັກ, ເລຂາຄະນະພັກກະຊວງ, ລັດຖະມົນຕີ (ລມຕ) ກະຊວງ ປກສ ໄດ້ເນັ້ນຕໍ່ຄະນະພັກ-ຄະນະບັນຊາກອງບັນຊາການປ້ອງກັນສູນກາງ (ປກ) ກະຊວງ ປກສ ໃຫ້ເອົາໃຈໃສ່ສືບຕໍ່ຊີ້ນຳ-ນຳ ພາພະນັກງານ-ນັກຮົບພາຍໃນ ປກ ໃຫ້ຕັ້ງໜ້າປະຕິບັດໜ້າທີ່ວຽກງານວິຊາສະເພາະໃຫ້ມີຜົນສຳເລັດ ທັງຮັບປະກັນໃຫ້ ຈຸດປ້ອງກັນຕ່າງໆມີຄວາມສະຫງົບ-ປອດໄພ 100%.

          ເນື່ອງໃນໂອກາດທີ່ ທ່ານ ລມຕ ກະຊວງ ປກສ ເຂົ້າຮ່ວມກອງປະຊຸມສະຫຼຸບວຽກງານປ້ອງກັນສູນກາງ ປະ ຈຳປີ 2018 ແລະ ທິດທາງແຜນການ ປີ 2019 ໃນວັນທີ 5 ກຸມພາ 2019 ວ່າ: ຕໍ່ໜ້ານີ້, ຄະນະພັກ-ຄະນະບັນຊາ ແຕ່ລະຂັ້ນ ຈົ່ງພ້ອມກັນສືບຕໍ່ຊີ້ນຳ-ນຳພາບັນດາເຫຼົ່າລົບວິຊາສະເພາະທີ່ປະຕິບັດໜ້າທີ່ປ້ອງກັນ ຢູ່ບັນດາກົມກອງຮາກ ຖານ, ສຳນັກງານ-ອົງການ, ການນຳພັກ-ລັດ, ກອງປະຊຸມລະດັບຊາດ, ລະດັບສາກົນ, ແຂກຂັ້ນສູງຈາກຕ່າງປະເທດ ແລະ ປ້ອງກັນງານບຸນສຳຄັນຂອງພັກ-ຂອງຊາດ ໃຫ້ຮັບປະກັນຄວາມປອດໄພ ໂດຍມີການປະສານສົມທົບກັບກົມກອງ ວິຊາສະເພາະທີ່ກ່ຽວຂ້ອງໃນການປະຕິບັດໜ້າທີ່ວຽກງານ; ລົງໃກ້ສິດຕິດແທດນຳພາບັນດາກອງຮ້ອຍປ້ອງກັນການນຳ ຕັ້ງໜ້າເຮັດໜ້າທີ່ປ້ອງກັນເວນຍາມຕະຫຼອດ 24 ຊົ່ວໂມງ ເປັນຕົ້ນແມ່ນ ປ້ອງກັນຄຸມແຫ່ການນຳພັກ-ລັດ, ແຂກຕ່າງປະເທດ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກງານຢູ່ ສປປ ລາວ ແລະ ກວດກາບັນດາອາຫານ, ທາດຜິດ, ທາດເບື່ອ ແລະ ໃຫ້ກຽມຄວາມພ້ອມແກ້ໄຂທຸກກໍລະນີທີ່ອາດເກີດປະກົດການຫຍໍ້ທໍ້ຕ່າງໆ ໃຫ້ວ່ອງໄວ ທັງຮັບປະກັນຄວາມປອດໄພແກ່ຊີວິດ ແລະ ຊັບສິນຂອງການນຳພັກ-ລັດ ແລະ ປະຊາຊຊົນຊັ້ນຄົນຕ່າງໆ ໃຫ້ມີປະສິດ ທິພາບດ້ວຍຄວາມຮັບຜິດຊອບສູງ.

          ພັທ ສົມໝາຍ ພົມມະຈັນ ຮອງຫົວໜ້າກອງບັນຊາການປ້ອງກັນສູນກາງ ກ່າວວ່າ: ຕະຫຼອດໄລຍະປີ 2018 ຜ່ານມາ, ຄະນະພັກ-ຄະນະບັນຊາ ປກ ໄດ້ເອົາໃຈໃສ່ຊີ້ນຳ-ນຳພາເຫຼົ່າລົບວິຊາສະເພາະຢູ່ບັນດາກົມກອງອ້ອມຂ້າງ ເຄື່ອນໄຫວປະຕິບັດວຽກງານຢ່າງເຂັ້ມງວດ ໂດຍສະເພາະສຸມໃສ່ປ້ອງກັນສະຖານທີ່ການນຳພັກ-ລັດ, ສຳນັກງານອົງ ການ, ປ້ອງກັນແຂກທັງພາຍໃນ ແລະ ຕ່າງປະເທດ ແລະ ກອງປະຊຸມຕ່າງໆທີ່ຈັດຂຶ້ນຢູ່ ສປປ ລາວ ມີຄວາມເປັນລະ ບຽບ ແລະ ສະຫງົບ-ປອດໄພດີ ເຊິ່ງສະເເດງອອກຜົນງານ ເຊັ່ນ: ປ້ອງກັນການນຳ ແລະ ວັນສຳຄັນຕ່າງໆຂອງຊາດ ມີ 39 ຄັ້ງ 2.688 ແຮງງານ, ປ້ອງກັນກອງປະຊຸມ 37 ຄັ້ງ ມີ 3.798 ເເຮງງານ, ປ້ອງກັນແຂງຕ່າງປະເທດ 45 ຄັ້ງ ມີ 548 ແຮງງານ, ປ້ອງກັນຄຸມແຫ່ 29 ຄັ້ງ 380 ແຮງງານ, ກວດກາອາຫານ-ທາດແຕກ 37 ຄັ້ງ ມີ 91 ແຮງງານ, ກວດກາຄົນເຂົ້າ-ອອກສຳນັກງານ-ອົງການ 29.195 ຄັ້ງ ມີ 24.811 ແຮງງານ ແລະອື່ນໆ ມີຄວາມປອດໄພ 100%.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ