Wecome to Lao Public Security

  ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.  
   
 
 
 
 
 
 

ກອງປະຊຸມໃຫຍ່ຄັ້ງທີ X ຂອງພັກ ອ່ານຕໍ່>

 

ແຈ້ງການ

ດຳລັດ ວ່າ​ດ້ວຍ ການ​ຄຸ້ມ​ຄອງ ຂໍ້​ ມູນ ​ຂ່າວສານ ຜ່ານ​ອິນ​ເຕີເນັດ

 

 
 
 
 
 
 
 
 
 
 
 
 
 

ຮອງ ລມຕ ເນັ້ນກໍາລັງຈະລົງກໍ່ສ້າງຮາກຖານການເມືອງຢູ່ແຂວງບໍ່ແກ້ວ ໃຫ້ເອົາໃຈໃສ່ແກ້ໄຂປະກົດການຫຍໍ້ທໍ້ໃຫ້ຫຼຸດລົງ

  ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງ ປກສ ໃຫ້ທິດຊີ້ນໍາໂດຍເນັ້ນໃຫ້ພະນັກງານ-ນັກຮົບ ຜູ້ທີ່ ຈະລົງກໍ່ສ້າງຮາກຖານການເມືອງ ຢູ່ແຂວງ ບໍ່ແກ້ວ ຈົ່ງເອົາໃສ່ປະຕິບັດໜ້າທີ່ການເມືອງດ້ວຍຄວາມຮັບຜິດ ຊອບສູງ, ສຸມໃສ່ແກ້ໄຂປະກົດການຫຍໍ້ທໍ້ພາຍໃນແຂວງ ໃຫ້ຫຼຸດລົງໄປເລື້ອຍໆ ໃນໂອກາດທີ່ທ່ານເຂົ້າຮ່ວມພິທີປະ ກາດການແຕ່ງຕັ້ງກໍາລັງລົງກໍ່ສ້າງຮາກຖານຢູ່ແຂວງ ບໍ່ແກ້ວ ປະຈໍາປີ 2018-2020 ໃນວັນທີ 8 ພະຈິກ 2018, ມີບັນ ດາຄະນະນໍາກະຊວງ, ຄະນະນໍາກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ຄະນະຮັບຜິດຊອບ ແລະ ພະນັກງານ-ນັກຮົບເຂົ້າຮ່ວມ.

ໃນພິທີ, ຄະນະຮັບຜິດຊອບ ໄດ້ຂຶ້ນຜ່ານຂໍ້ຕົກລົງຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບ ສະ ບັບເລກທີ 1979/ປກສ, ລົງວັນທີ 26 ຕຸລາ 2018 ວ່າດ້ວຍການແຕ່ງຕັ້ງນາຍ ແລະ ພົນຕໍາຫຼວດລົງກໍ່ສ້າງຮາກຖານ ການເມືອງ ຢູ່ແຂວງບໍ່ແກ້ວ ເພື່ອເປັນການສືບຕໍ່ຫັນລົງກໍ່ສ້າງຮາກຖານການເມືອງໃຫ້ມີ ລັກສະນະຕໍ່ເນື່ອງ ແລະ ຮັບປະ ກັນເຮັດໃຫ້ມີ ຄວາມສະຫງົບ ທາງດ້ານການເມືອງ ແລະ ມີຄວາມເປັນລະບຽບຮຽບຮ້ອຍທາງສັງຄົມໃນ ແຂວງ ບໍ່ແກ້ວ ໂດຍໄດ້ແຕ່ງຕັ້ງນາຍ - ພົນຕໍາຫຼວດ ຈໍານວນ 257 ສະຫາຍ ລົງກໍ່ສ້າງຮາກຖານເຊິ່ງຈະໄດ້ມີຈັດແບ່ງ ປະຈໍາການຢູ່ແຕ່ ລະບ້ານ ແລະ ຈະເລີ່ມລົງເຄື່ອນໄຫວປະຕິບັດໜ້າທີ່ໃນກາງ ເດືອນ ພະຈິກ ນີ້ເປັນຕົ້ນໄປ.

          ໂອກາດດຽວກັນ, ພົຕ ກົງທອງ ພົງວິຈິດ ໄດ້ເນັ້ນຕໍ່ພະນັກງານ - ນັກຮົບຜູ້ຈະທີ່ລົງກໍ່ສ້າງຮາກຖານການເມືອງ ຕ້ອງສຸມໃສ່ເຮັດວຽກການເມືອງ-ນໍາພາແນວຄິດໃຫ້ແຂງແຮງ, ເລິກເຊິ່ງເຖິງທາດແທ້ກວ່າເກົ່າ, ເອົາໃຈໃສ່ສົມທົບ ແໜ້ນກັບຂະແໜງການທີ່ກ່ຽວຂ້ອງແຕ່ສູນກາງລົງຮອດທ້ອງຖິ່ນ ໃຫ້ເປັນເອກະພາບກັນ; ເອົາໃຈໃສ່ຊີ້ນໍາກໍາລັງ ປກສ ກຸ່ມ ແລະ ປກສ ບ້ານ ໃຫ້ເຮັດວຽກເກັບກໍາ, ກວດກາ, ຈົດທະບຽນ, ຄຸ້ມຄອງສໍາມະໂນຄົວເພື່ອເກັບກໍາໄດ້ສະພາບ ການເໜັງຕີງຂອງພົນລະເມືອງໃຫ້ຈະແຈ້ງ, ຊັດເຈນເພື່ອເປັນຂໍ້ມູນ ແລະ ອໍານວຍຄວາມສະດວກ ໃນການປະຕິບັດ ໜ້າທີ່ຂອງແຕ່ລະພາກສ່ວນ, ເອົາໃຈໃສ່ແກ້ໄຂປະກົດການຫຍໍ້ທໍ້ພາຍໃນແຂວງ ໃຫ້ນັບມື້ຫຼຸດນ້ອຍຖອຍລົງໄປເລື້ອຍໆ.

 
 

ເລືອກພາສາ:

  |

 
 

 

 

ເປີດສາກກິລາອ້ອມຂ້າງ ກະຊວງ ປກສ

 

 
 
 
 

ຈຳນວນຄົນເຂົ້າຊົມ:

Website counter

 
 

ດາວໂຫຼດພາສາລາວ

ເພັດຊະຣາດ OT

 

ຂັ້ນຕອນ Save ພາສາລາວ

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ