ກຳລັງປ້ອງກັນຄວາມສະຫງົບປະຊາຊົນ:  ຕັ້ງໜ້າເສີມຂະຫຍາຍ 3 ທາດແທ້ ແລະ 7 ມູນເຊື້ອ ຂອງກຳລັງປ້ອງກັນຄວາມສະຫງົບ.
  Ministry of Public Security
 
 
 
 

Username 

Password 

LOG IN

 
 
 
 
ແຈ້ງເຫດ ສຸກເສີນ: 1191
 
 
 
 
 
 
 
 
 
 
 

 

   ຂ່າວ: ໜັງສືພິມ (ປີທີ 16 ສະບັບທີ .....)

ປາຖະກະຖາວັນຜ່າວົງປິດລ້ອມຂອງກອງພັນທີ 2

ວັນທີ 10 ມິຖຸນາ 2014, ກົມ ໂຄສະນາອົບຮົມ, ກົມກິລາ, ຄະນ ບັນນາທິການຂ່າວສານ  ປກສ, ໂຮງຮຽນ ວັດທະນະທຳຊົນເຜົ່າເດັກກຳພ້າຫຼັກ 67 ກົມໃຫຍ່ການເມືອງ ປກສ ແລະ ກອງພັນ 207 ກອງບັນຊາການປ້ອງກັນ ທີ່ຕັ້ງ ໄດ້ຈັດຕັ້ງປາຖະກະຖາລະນຶກວິ ລະກຳການຜ່າວົງປິດລ້ອມຂອງກອງ ພັນທີ 2 ວິລະຊົນ ທີ່ທົ່ງໄຫຫີນຊຽງ ຂວາງ ຄົບຮອບ 55 ປີ ( 18/5/1959-18/5/2014 ) ໃຫ້ຄະນະພັກ-ຄະນະ ບັນຊາ, ຕະຫຼອດຮອດພະນັກງານ-ນັກ ຮົບພາຍໃນກົມກອງໄດ້ຮັບຮູ້ເຊື່ອມ ຊຶມ ແລະ ເຫັນໄດ້ຄວາມສຳຄັນຂອງວັນ ດັ່ງກ່າວ.

ສະເພາະການປາຖະກະຖາຂອງ ກົມໂຄສະນາອົບຮົມ, ກົມກິລາ, ຄະນະ ບັນນາທິການຂ່າວສານ ປກສ ໂດຍ ແມ່ນທ່ານ ພັອ ດຣ ທອງເຄນ ບຸນໝັ້ນ ຮອງຫົວໜ້າກົມໃຫຍ່ການເມືອງ ປກສ ໄດ້ເປັນກຽດປາຖະກະ ຖາໃຫ້ຮູ້ວ່າ: ການຜ່າວົງປິດລ້ອມ ຂອງກອງພັນທີ 2 ໄດ້ເລີ່ມຕົ້ນໃນ ເວລາ 19:30 ໂມງ ຂອງວັນທີ 18 ພຶດສະພາ 1959 ໂດຍແມ່ນຄະ ນະພັກ-ຄະນະບັນຊາການກອງ ພັນໄດ້ຮຽກຮ້ອງພະນັກງານສະ ມາຊິກພັກທັງໝົດໃນກອງພັນ  ເພື່ອປະກາດລຶບຊື່ຮູບການຈັດຕັ້ງ ຂອງກອງທັບລາຊະອານາຈັກ  ແລ້ວສ້າງຕັ້ງຄະນະບັນຊາໃໝ່ຂຶ້ນ ແທນ ໂດຍໄດ້ແຕ່ງຕັ້ງໃຫ້ທ່ານ ຈຳ ນຽນ ບຸນລອດ ເປັນຫົວໜ້າກອງ ພັນ, ທ່ານ ທອງສະຫວັດ ໄຂຄຳພິ ທູນ ເປັນກຳມະການ-ການເມືອງ, ທ່ານ ສວຍ ບຸນຈະເລີນ ເປັນຮອງ ກອງພັນ, ທ່ານ ຫຼວຍ ແສນຄຳ ກົມມະດຳ ເປັນຮອງກຳມະການ-ການເມືອງ ແລ້ວອອກຄຳສັ່ງໃຫ້ ບັນດາກົມກອງເລີ່ມຕົ້ນປະຕິບັດ ແຜນການຖອນທັບໄປທາງທິດ ບ້ານໂຕນ ແລະ ໄດ້ຜັນຂະຫຍາຍ ຄຳສັ່ງຖອນກຳລັງຄັ້ງນັ້ນໃຫ້ທົ່ວ ເຖິງທຸກກອງຮ້ອຍຢ່າງວ່ອງໄວ ແລະ ປິດລັບທີ່ສຸດ.

ຕົກມາຮອດຄໍ່າຄືນຂອງວັນທີ 18 ພຶດສະພາ 1959 ພາຍໃຕ້ ການບັນຊາຂອງຄະນະກອງພັນ, ແຕ່ລະກົມກອງ ພ້ອມກັບຄອບ ຄົວພະນັກງານ-ນັກຮົບທັງໝົດ ໄດ້ນຳໃຊ້ຄວາມມືດຖອນທັບໄປ ທາງທິດບ້ານໂຕນ-ນາແຖງ-ໜອງ ເຕີ້ ແລ້ວເຂົ້າໄປຕາມທິດບ້ານມາຍ ( ທິດຕາເວັນຕົກສຽງໃຕ້ ປະມານ 15 ກິໂລແມັດ ) ຢ່າງປິດລັບ. ມາຮອດ 7 ໂມງເຊົ້າຂອງມື້ຕໍ່ມາ  ພວກສັດຕູເຂົ້າປົດອາວຸດກອງພັນ ທີ 2 ແຕ່ພວກເຂົາຕົກສະເງີ້ ເພາະ ຢູ່ໃນຄ້າຍມີ ແຕ່ຄວາມມິດງຽບ- ວ່າງເປົ່າ ນັບທັງເຮືອນຫ້ອງແຖວ ຄອບຄົວພະນັກງານທະຫານກໍບໍ່ ມີຮອດເງົາຄົນ; ສ່ວນກອງພັນທີ 2 ພາຍຫຼັງທີ່ໄດ້ອອກຈາກທົ່ງໄຫ ຫີນແລ້ວກໍໄດ້ເຄື່ອນທັບໄປຕາມ ທົ່ງຫຍ້າປ່າອັນຕຶບໜາ ເພື່ອໃຫ້ ຫວິດຈາກ ວົງປິດລ້ອມຂອງພວກ ສັດຕູໂດຍມີກອງຮ້ອຍທີ 3 ເຊິ່ງ ເປັນກອງຮ້ອຍເຂັ້ມແຂງອາດຫານ ນຳໜ້າ. ນັບເປັນເວລາ ຂອງການ ເຄື່ອນທັບ 10 ກວ່າວັນ, ກອງພັນທີ 2 ໄດ້ສູ້ຮົບກັບສັດຕູທັງນ້ອຍ ແລະ ໃຫຍ່ 10 ຄັ້ງໃນຂະນະທີ່ເຄື່ອນ ທັບ, ສຸດທ້າຍກອງພັນທີ 2 ພ້ອມ ກັບ 91 ຄອບຄົວໄດ້ຜ່າວົງປິດ ລ້ອມທີ່ແໜ້ນໜາຂອງສັດຕູໄປສູ່ ເຂດທີ່ໝັ້ນດ້ວຍຄວາມ ປອດໄພ ໂດຍພາຍໃຕ້ການນຳພາອັນຖືກຕ້ອງສະຫຼາດສ່ອງໃສຂອງພັກປະ ຊາຊົນ ປະຕິວັດລາວ ແລະ ການສະ ໜັບສະໜູນ ຊ່ວຍເຫຼືອຢ່າງໝົດຈິດໝົດໃຈຈາກກອງທັບ ແລະ ປະຊາຊົນຫວຽດນາມອ້າຍ-ນ້ອງ.

ການຜ່າວົງປິດລ້ອມຂອງ ກອງພັນທີ 2 ວິລະຊົນ ທີ່ທົ່ງໄຫ ຫີນຊຽງຂວາງ ມີຄວາມສຳຄັນສ່ອງ ແສງໃຫ້ເຫັນວ່າການນຳພາ ຂອງ ພັກຖືກຕ້ອງສະຫຼາດສ່ອງໃສ, ຂະ ບວນການຕໍ່ສູ້ຂອງພວກເຮົາແມ່ນ ເປັນທຳ ເຊິ່ງໄດ້ຢັ້ງຢືນໃຫ້ເຫັນຢ່າງ ຈະແຈ້ງ ວ່າ: " ສິນທໍາຍາມໃດກໍ ຊະນະອະທຳ "; ການຜ່ານວົງປິດ ລ້ອມຂອງກອງພັນທີ 2 ແມ່ນໄຊ ຊະນະອັນໃຫຍ່ຫຼວງ ຂອງກຳລັງ ປະກອບອາວຸດເຮົາທີ່ຢູ່ໃຕ້ການ ນຳພາຂອງພັກ, ເປັນເຫດການປະ ຫວັດສາດອັນສຳຄັນຂອງຊາດ, ຂອງພັກ, ຂອງກອງທັບເຮົາ ແລະ ເປັນບົດຮຽນອັນລ້ຳຄ່າທີ່ສຸດໃຫ້ ແກ່ຂະບວນຕໍ່ສູ້ຂອງກອງທັບ  ແລະ ປະຊາຊົນເຮົາຍາດເອົາ ໄຊຊະນະ ໃນໄລຍະຕໍ່ມາ. ນອກນັ້ນ, ຍັງ ສະແດງໃຫ້ເຫັນເຖິງຄວາມບໍລິ ສຸດຜຸດຜ່ອງ, ຄວາມຈົງຮັກພັກດີ, ຄວາມ ສາມັກຄີເປັນຈິດໜຶ່ງໃຈ ດຽວ, ຄວາມອົດທົນໝັ້ນໜຽວບໍ່ ຄອນແຄນຕໍ່ການນາບຂູ່, ຫຼອກ ລວງຂອງສັດຕູ.

* ັດຈາກ: ໜັງສືພິມຄວາມສະຫງົບ (ພາບ-ຂ່າວ)

 
 

ເລືອກພາສາ:

  |

 
 
 
 
 
 

 
 
 
 
 
 
 
 
 

 

ກະຊວງ ປ້ອງກັນຄວາມສະຫງົບ
ບ້ານ ຫັດສະດີ,​ ເມືອງ ຈັນທະບູລີ, ນະຄອນຫຼວງວຽງຈັນ
ກະຊວງ ປ້ອງກັນຄວາມສະຫງົບ
© 2014 ສະຫງວນລິຂະສິດ
ອອກແບບ/ພັດທະນາ ໂດຍ:
ກົມສື່ສານ